Трансродната пливачка Лиа Томас го загуби спорот- не смее да настапи на Олимпијадата - Канал 5

Други спортови

Трансродната пливачка Лиа Томас го загуби спорот- не смее да настапи на Олимпијадата

Трансродната пливачка Лиа Томас (25) не може да се натпреварува на Олимпијадата откако ја загуби правната битка против World Aquatics (WA).

Трансродната пливачка Лиа Томас го загуби спорот- не смее да настапи на Олимпијадата

Томас го привлече вниманието на спортската јавност кога ја освои женската NCAA титула во март 2022 година, најголемата титула на колеџ во Соединетите држави.

Во летото истата година, WA ги смени правилата за да им забрани на секој кој, како што објаснија, поминал низ „кој било дел од машкиот пубертет“ да се натпреварува во женска категорија. Оттогаш на Томас ѝ е забрането да плива во женска категорија. Таа се обиде да ја поништи таа одлука да се натпреварува на најголемиот настан во спортот, но не успеа.

Судот за спортска арбитража (CAS) се обиде да ги поништи промените на правилата, тврдејќи дека тие се невалидни, незаконски и дискриминаторски. Нејзиниот случај беше отфрлен поради технички причини, со образложение дека таа „едноставно нема право да учествува на натпреварите на Светската организација за водни спортови, како што се Олимпијадата или Светското првенство“, бидејќи таа повеќе не е член на американската репрезентација.

WA ја поздрави одлуката на Судот и рече: „Ние веруваме дека ова е голем чекор напред во нашите напори да го заштитиме женскиот спорт“.

Томас пливаше за машкиот тим на Пенсилванија три години пред да започне со хормонска терапија на почетокот на 2019 година. Таа инсистира дека е жена и дека припаѓа во женското пливање, а во 2022 година во интервју за Sports Illustrated ги објасни своите мотиви:

„Многу е едноставно. Јас не сум маж, јас сум жена и припаѓам на женскиот тим. Трансродовите луѓе заслужуваат иста почит како и сите други спортисти“, рече Томас, која како пливач Вилијам Томас беше рангиран на 462-то место меѓу американските пливачи, а како пливачка беше убедливо прва.

Во февруари 2022 година, 16 нејзини колешки од универзитетот анонимно испратија отворено писмо до функционерите на колеџот и лигата во кое бараа да не ѝ биде дозволено да се натпреварува во женска конкуренција затоа што „може да ги собори сите рекорди на Универзитетот Пен, конференцијата Ајви лигата и NCAA воопшто , што таа никогаш не би можела да го направи како маж“.

„Целосно ја поддржуваме Лиа во нејзината одлука да го потврди својот родов идентитет и да направи транзиција од машко во женско. Лиа има целосно право да го живее својот живот автентично. Но, во спортските натпревари, родовата биологија е сосема поинаква тема од родовиот идентитет. Биолошки, Лиа има нелојална предност во женска конкуренција, за што сведочи нејзиниот скок од 462. на првото место“, се вели во писмото објавено од Вашингтон пост пред две години.

Томас, пак, тврди дека таа е како сите други пливачки во тимот. „Само сакам да им покажам на трансродовите деца и на помладите трансродови спортисти дека не се сами и дека не мора да бираат помеѓу тоа кои се и спортот што го сакаат“, изјави Томас тогаш за Sports Illustrated.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Министерот Клековски го посети пунктот за бесплатни прегледи на ИЈЗ по повод Светскиот ден на срцето

По повод одбележување на Светскиот ден на срцето – 29 септември, министерот за здравство, Сашо Клековски го посети пунктот за бесплатни прегледи, во организација на Институтот за јавно здравје во трговскиот центар ,,Дајмонд Мол",

Министерот Клековски го посети пунктот за бесплатни прегледи на ИЈЗ по повод Светскиот ден на срцето

По повод одбележување на Светскиот ден на срцето – 29 септември, министерот за здравство, Сашо Клековски го посети пунктот за бесплатни прегледи, во организација на Институтот за јавно здравје во трговскиот центар ,,Дајмонд Мол", со цел подигнување на свесноста за превенција од кардиоваскуларни заболувања.

Годинава Светскиот ден на срцето се одбележува под слоганот „Болеста на срцето може да биде незабележлива: Фати го ритамот на срцето! Не пропуштај ниту едно отчукување!“. Фокусот е на препознавање на скриените симптоми, едукацијата на населението и активностите насочени кон обезбедување универзален пристап до кардиолошка нега и превентивни скрининзи.

На пунктот на ИЈЗ граѓаните имаа можност бесплатно да ги измерaт нивото на крвен притисок, шеќер во крвта, холестерол, како и висината и телесната тежина, со што се овозможи пресметување на индексот на телесна маса (BMI) – еден од индикаторите за ризик од срцеви заболувања.

Смртноста од кардиоваскуларни заболувања е еден од најголемите ризици во светот. Факторите кои ги предизвикуваат овие заболувања може да се превенираат и откријат со едноставни прегледи. Апелирам граѓаните редовно да контролираат крвен притисок, гликемија, и доколку има потреба да се зема терапија пропишана од доктор, само на тој начин ќе го заштитиме здравјето, посочи министерот Клековски.

Директорката на Институтот за јавно здравје, Марија Андоновска истакна дека целта на оваа теренска активност е подигнување на свесноста за кардиоваскуларните заболувања.

Тагови: Сашо Клекоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Косовскиот рапер Дон Џони го изнајмил Македониумот за 500 евра за снимњае на спотот „Секси мама“

Како што објави СДК, Македониумот во Крушево бил изнајмен за околу 500 евра за снимање на спотот „Секси мама“, на косовскиот рапер Дон Џони.

Косовскиот рапер Дон Џони го изнајмил Македониумот за 500 евра за снимњае на спотот „Секси мама“

Директорот на споменикот Македониум во Крушево изјавил дека продукцијата побарала дозвола и тие дале.

„Просторот беше отстапен за снимање спот. И на Управен одбор имаме донесено одлука да може просторот да се отстапува со соодветна цена, се наплатува. Тие имаа доставено до нас објаснување дека просторот ќе се користи за снимање спот. Немаме точно оформена цена, се отстапува на саати, на пример околу 500 евра за 5-6 саати“, ни изјави Миха Оџаклиески за СДК.

YouTube video

Тагови: Дон Џони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Северна Кореја се подготвува да испрати уште 10 000 војници во Русија

Украинскиот претседател Володимир Зеленски вели дека на руска територија се наоѓаат повеќе од 8 000 севернокорејски војници и дека се во тек подготовки за распоредување на уште 10 000 војници.

Зеленски: Северна Кореја се подготвува да испрати уште 10 000 војници во Русија

Повикувајќи се на „нови податоци“ за распоредувањето на севернокорејски војници во Русија, Зеленски во објава на платформата Икс наведе дека тие „Се избираат за обука и последователно распоредување во Русија“. Украинскиот претседател минатиот месец рече дека до 50 000 севернокорејски војници би можеле да бидат испратени да се борат за Русија.

Според украинските и независните проценки, Пјонгјанг, исто така, ја снабдил Русија со милиони артилериски и минофрлачки гранати, како и со балистички ракети, артилериски системи со голем дострел и повеќецевни ракетни системи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер