Трамп во интервју за Фокс Њуз: Зеленски е неблагодарен, а Европа ме нервира (ВИДЕО) - Канал 5

Свет

Трамп во интервју за Фокс Њуз: Зеленски е неблагодарен, а Европа ме нервира (ВИДЕО)

Актуелниот американски претседател Доналд Трамп во ексклузивно интервју за Фокс њуз ги коментираше актуелните светски настани-за неуспешниот договор за минерали со Украина, неговиот пристап кон Русија, Хамас и Иран, како и опасноста од нуклеарна војна

Трамп во интервју за Фокс Њуз: Зеленски е неблагодарен, а Европа ме нервира (ВИДЕО)

„Знаете, тоа што го направи беше како да зема бонбони од бебе. Тој е паметен и жилав и под Бајден зеде пари од САД со неверојатна леснотија. И едноставно не мислам дека е благодарен. Според мене, ние му дадовме 350 милијарди долари, додека Европа стави 100 милијарди долари . Тој му даде ракети „Џавелин“ кои можеа да погодат непријателски цели, рече Трамп за Фокс Њуз.

Видете, да бев претседател, ова никогаш немаше да се случи. Русија никогаш немаше да влезе во Украина.“

„Целата ситуација со Хамас и нападот на 7 октомври – тоа никогаш немаше да се случи, бидејќи Иран во тоа време беше скршен. Немаа пари, не ги праќаа ниту на Хамас, ниту на Хезболах или на кој било друг. Немаше да ја има ни најлошата евакуација што некогаш била видена – тоа беше Авганистан, најсрамниот ден во историјата на нашата земја.

А знаете што друго не би имале? Немаше да имаме инфлација. За време на Бајден имавме рекордна инфлација, таа беше поразителна - една од причините зошто победив на изборите“, рече Трамп.

„Еден извршен директор ми рече дека неговите влезни трошоци веќе почнале да растат. Каматните стапки? Зборувате за нивно намалување? Веќе долго време велам - треба да се намалат. Никој никогаш не се збогатува кога каматните стапки се високи затоа што луѓето не можат да позајмуваат пари. Каматите се намалуваат, а знаете што друго се намалува? Енергетската политика, а потоа мораа да се вратат на дупчење бидејќи цените отидоа до небо.

На прашањето дали очекува Володимир Зеленски да се „врати“ и да го заврши договорот за минерали, Доналд Трамп изјави за Фокс њуз:

„Да. Мислам дека е така. Мислам дека тоа ќе се случи“.

На прашањето дали е сигурен дека Украина ги има овие ресурси, бидејќи некои се сомневаат во постоењето на титаниум и минерали, Трамп рече:

„Верувам дека има.

Подоцна во интервјуто, Трамп додаде:

„Знаете што друго ме мачи во Европа? Тие ѝ дадоа на Русија многу повеќе пари за купување на нивната нафта отколку што инвестираа во Украина. Значи, тие ѝ плаќаат на Русија огромна сума пари, а ние сме во тоа за 350 милијарди долари. Бајден никогаш не требаше да го дозволи тоа“.

Потоа продолжи:

„Имаме цел океан меѓу нас, но Европа е таа што дозволи да биде доведена во опасност. Ако сакате да го наречете опасност, тие се во многу поголема опасност. Тоа никогаш не требаше да се дозволи.“

Трамп не ја исклучува можноста за рецесија поради трговската војна со Канада и Мексико

Трамп не ја отфрли можноста Американците да доживеат економски тешкотии, вклучително и рецесија, како резултат на неговите обиди да предизвика трговска војна со Канада, Мексико и други земји.

Водителот на Фокс њуз го праша Трамп дали се согласува со прогнозата на Атланта ФЕД за претстојна рецесија, но Трамп избегна директен одговор:

„Мразам да предвидувам такви работи. Ова е период на транзиција, бидејќи она што го правиме е многу големо“, рече Трамп. „Секогаш има преодни периоди – потребно е малку време. Потребно е малку време. Но, мислам дека на крајот ќе биде одлично за нас“.

Тој исто така додаде: „Тарифите би можеле да се зголемат со текот на времето, а можеби и ќе се зголемат“.

Па, можеби и нема да преживее. Таа војна немаше да се случи да бев претседател.

„Бајден ме остави со отворени граници кои пуштаат 21 милион луѓе, од кои многумина не би требало да бидат тука. Многумина се криминалци, многумина се убијци, дилери на дрога, нарко босови. Ја имаме целата оваа збрка со Израел и нападот на 7 октомври, како и сите последици од најлошото и најглупавото повлекување во историјата.

„Мислам дека е така. Но, погледнете, ова се сосема различни места. Зборуваме за различни нивоа на моќ, различни делови од светот. Блискиот исток отсекогаш бил нападнат. Кога не бил нападнат?“

„Секако дека направив. Видете, јас не морав да дејствувам против Хамас - тоа е работа на Израел. Но Израел ме информира за сѐ што се случува. Бев построг кон Русија од кој било досега.

Запомнете, ја имавме таа измама „Русија, Русија, Русија“. Тоа беше опасно, можеше да доведе до војна. Сето тоа го започна Адам Шиф и бандата панкери. Тоа беше лажен наратив. Тој скандал со 51 разузнавачка агенција – им го одзедов пристапот. Тие знаеја дека сето тоа доаѓа од „лаптопот од пеколот“ на Хантер Бајден, од неговата бања или спална соба. Воопшто не е убава глетка.

„Го запрев гасоводот Северен тек 2, дојде Бајден и веднаш го одобри. Воведов санкции кон Русија. На Украина ѝ даде ракети Џавелин против Русија. Бев суров, но имав добри односи со Путин. И сега велат „тој е мек кон Путин“ – никој не бил построг кон Путин од мене, тој е слаб и патетичен човек.

„Никој не беше построг кон Русија од мене.Тоа гхо знмаат сите. Погледнете ги фатките. Го запрев Северен ток 2- најголемиот економски проект кој некогаш го имале.Никој за тоа не знаеше додека јас не се вмешав. Русија го градеше тој гасовор и требаше да ги снабдува Германија и цела Европа.А што направив јас? Го запрев. А тогаш доаѓа Бајден и на вториот ден откако дојде, го пушта.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Злато и бронза за македонската репрезентација на балканското CX првенство во Романија

Македонската вело-крос репрезентација оствари одличен настап на балканското CX првенство, одржано во Романија, освојувајќи два медала и уште три пласмани меѓу најдобрите натпреварувачи.

Злато и бронза за македонската репрезентација на балканското CX првенство во Романија

Далија Стојановска го освои златниот медал во категоријата У-19, додека Оља Цветанова се закити со бронза во категоријата У-15.

Одличен настап забележаа и останатите членови на репрезентацијата. Марко Чекеровски го освои петтото, а Кирил Анчевски и Мартин Спасевски завршија на седмото место во своите категории.

Репрезентацијата настапи под водство на селекторот Милан Нацевски, а постигнатите резултати се потврда за потенцијалот и посветеноста на федерацијата во насока на развој на македонскиот велосипедизам.

Велосипедска федерација на Македонија

Тагови: Велосипедска федерација на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Белгија ја одложува забраната за пушење на терасите од кафулињата

Белгиската влада ја одложи забраната за пушење на терасите од рестораните и кафулињата, која требаше да стапи на сила на почетокот на 2027 година.

Белгија ја одложува забраната за пушење на терасите од кафулињата

Одлуката за одложување е донесена по интервенција на највисокиот управен суд во земјата. Забраната за пушење во надворешните простори на угостителските објекти – првично планирана за 1 јануари – е дел од пакетот мерки за заштита на јавното здравје, инициран од социјалдемократскиот министер за здравство, Франк Ванденбрук, пренесува Политико.

Од кабинетот на Ванденбрук изјавија дека белгискиот Државен совет побарал измени во одредени мерки. „Во моментов работиме на тоа“, се наведува во соопштението.

Иницијативата првично предизвика остри реакции во белгискиот угостителски сектор. Владата сега истакнува дека одложувањето ќе им овозможи на угостителските објекти доволно време да се прилагодат на новите правила. Сè уште не е јасно колку точно ќе трае одложувањето. Откако измените ќе бидат финализирани, тие ќе треба да бидат одобрени и од белгискиот Парламент.

Тенденција присутна и во други земји од ЕУ

Неколку други земји од Европската Унија, исто така, воведуваат слични забрани, иако со различен исход. Франција неодамна го забрани пушењето на плажите, во парковите и во близина на училиштата.

Во Шпанија, во јули беше усвоен нацрт-закон со кој забраната би се проширила на терасите и другите јавни простори, а истовремено би вклучила и ограничувања за електронските цигари. Сепак, овој предлог наидува на отпор од сопствениците на ресторани. Белгија веќе минатата година воведе низа закони против пушењето, вклучително и ограничувања за просторите за пушење на аеродромите, како и забрана за електронски цигари со ароми.

Мерките се дел од стратегијата чија цел е создавање генерација без тутун до 2040 година. Забраната за пушење на отворено е една од мерките за кои се залага Светската здравствена организација. Според белгиската Фондација за борба против ракот, речиси една четвртина од Белгијците пушат, при што 19 отсто од нив пушат секојдневно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Набуко“ од Џузепе Верди – моќна музика и вечна приказна за слободата на 30 октомври

На 30 октомври, со почеток во 20.00 часот, на сцената на Националната опера и балет ќе се изведе операта „Набуко“ од Џузепе Верди, едно од најпознатите и најзначајните дела во оперската уметност.

„Набуко“ од Џузепе Верди – моќна музика и вечна приказна за слободата на 30 октомври

Со моќна музика, драматичен заплет и силни вокални интерпретации, оваа опера ја раскажува судбината на еврејскиот народ и неговиот копнеж по слобода и татковина, носејќи универзална порака што и денес допира до публиката.

Операта ќе биде изведена под диригентската палка на Мирон Михаилидис (Грција), во режија на Ренато Бонајуто (Италија), сценографијата и костимографијата се на Флавио Арбети и Артемио Кабаси од Италија, кореограф е Маја Митровска-Богојевска, концерт-мајстор е Климент Тодороски, хор-мајстор е Јасмина Ѓорѓеска, а светло дизајн, Милчо Александров.

Насловната улога ќе ја толкува Марјан Јованоски, во улогата на Абигаиле ќе настапи Злата Тошевска Димовска, Николина Јаневска ќе ја игра Фенена, Ѓорѓи Цуцковски ќе настапи како Исмаил, а во улогата на Захарие ќе настапи Александар Стефаноски. Во останатите улоги ќе настапат Диме Петров, Јаворка Витанова, Јане Дунимаглоски, хорот, оркестарот, балетскиот ансамбл на Националната опера и балет и ученици при ДМБУЦ „Илија Николовски – Луј“ .

„Набуко“е лирско-драматична опера во четири чина, едно од најпопуларните дела на Џузепе Верди и е омилено кај публиката. Својата праизведба оваа опера ја имала во 1842 година во Миланска Скала. Тоа е третата опера на Верди за која што се смета дека трајно ја воспоставила неговата репутација како композитор. Темата на операта е тешката историја на еврејскиот народ, нападнати и поразени, протерани од својата татковина, иако историските настани се користат само како позадина на романтичниот и политички заплет. Верди во една ноќ ја напишал надалеку познатата хорска арија која станала драматуршки и музички столб на делото „Va, pensiero, sull'ali dorate“ („Летај на златести крилја”).

Национална опера и балет

Тагови: Национална опера и балет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер