Свет

Трамп упати предупредување поради „опасната“ стратегија на Стармер кон Кина

Американскиот претседател Доналд Трамп предупреди дека би било „опасно“ за Обединетото Кралство да работи со Кина, додека британскиот премиер Кир Стармер се движи кон зајакнување на економските врски со Пекинг на последниот ден од неговата посета.

Британскиот премиер вчера се сретна со кинескиот претседател Шји Џјинпинг залагајќи се за „пософистициран“ однос меѓу двете земји. На новинарско прашање за напорите на Велика Британија да ги зајакне економските врски со Кина, Трамп изрази неодобрување.

- Па, многу е опасно за нив да го прават тоа, а мислам дека е уште поопасно за Канада да влегува во бизнис со Кина, рече тој и додаде дека Канада стои „лошо“ и порача дека „не може да се гледа на Кина како на одговор“.

Канадскиот премиер Марк Карни ја посети Кина претходно во јануари, при што двете земји бараа поблиски економски врски и постигнаа прелиминарен договор за намалување на царините за одредени стоки. Трамп подоцна и се закани на Канада со царина од 100 проценти на извозот доколку Отава влезе во договор за слободна трговија со Кина, но Карни негираше такви планови.

Коментарите на американскиот претседател доаѓаат додека Стармер ја завршува својата посета на Кина. Тој денеска ќе се сретне со бизнисмени во Пекинг, продолжувајќи го својот притисок за зајакнување на економските врски. Потоа, британскиот премиер ќе отпатува за Шангај пред да замине за Токио на работна вечера со својата јапонска колешка Санае Такаичи.

Стармер ги нагласи финансиските придобивки од подобрениот однос со Кина, која е дел од глобалните синџири на снабдување. Тој се обрати и пред Бизнис советот Велика Британија-Кина, каде извршниот директор на британската фармацевтска фирма „АстраЗенека“ (AstraZeneca), Паскал Сорио, најави инвестиција од 100 милијарди јуани (14,4 милијарди долари) во Кина до 2030 година.

Даунинг стрит ја остави отворена вратата за идна посета на Шји на Велика Британија, чија последна државна посета на Британија беше во октомври 2015 година. Патувањето на Стармер е прва посета на британски премиер на Кина од 2018 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ бара јавно да се објави извештајот за водата во Гостивар – кој потпишал и кој гарантира дека е безбедна?

Владата треба веднаш јавно да го објави целосниот извештај и анализите за водата во Гостивар.

Несериозно и неодговорно е, по сè што се случуваше во Гостивар, од граѓаните повторно да се бара да веруваат само на изјави.

Особено затоа што власта постојано даваше различни информации а изјавите на владините функционери во изминатите пет недели беа различни и контрадикторни.

Прашање е и зошто досега ниту еднаш јавно не е објавена целосна анализа на водата за Гостивар?

Нема документ. Нема извештај.

Затоа СДСМ бара Владата денеска да овјави целосен извештај за водата во Гостивар.

Кои се резултатите од анализите и која институција ги извршила?

Кој го потпишал извештајот?

Кој одобрил користење на водата и кој со својот потпис гарантира дека таа е безбедна за граѓаните?

По 5.000 илјади граѓани со здравствени проблеми и по сите контрадикторни информации од институциите, повеќе нема простор за усни уверувања.

За здравјето на граѓаните мора да постои документ, стручна анализа, институционална одговорност и потпис.

Граѓаните бараат една едноставна работа: чиста и безбедна вода и имаат право да ја знаат целата вистина.

Бидете барем еднаш сериозни и одговорни - објавете документ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

72 санкции за возачи на лесни електрични возила на територија на цела држава

За време на контролата санкционирани се и 260 други видови на прекршоци.

Во текот на вчерашниот ден (13.08.2026) во периодот од 17:00 до 22:00 часот Секторот за сообраќајни работи при Министерството за внатрешни работи спроведе акциска контрола за санкционирање на прекршоци кои ги прават возачите на лесни електрични возила на територијата на целата држава, при што санкционирани се 72 возачи.

Од нив, по 11 на територијата на СВР Тетово и СВР Битола, осум на територија на СВР Велес, седум на територија на СВР Куманово... Од страна на Мобилната единица за безбедност на сообраќајот на патиштата санкционирани се 20 возачи на лесни електрични возила. За време на контролата санкционирани се и 260 други видови на прекршоци. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ ја прогласи водата во Гостивар безбедна за пиење

Гостиварци по речиси еден месец голгота, од денеска конечно можат повторно безбедно да пијаат вода од чешмите.

Одлуката на Агенцијата за храна и ветеринарство беше соопштена на прес конференција во Гостивар, а доаѓа откако и последните добиени резултати потврдиле дека водата е микробилошки и бактериолошки исправна. Во Гостивар е Елизабета Спасеновска Дамјановска.

Сега клучното прашање е дали гостиварци им веруваат на иституциите?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.