Свет

Трамп со голем митинг одбележа 100 дена на власт

Првите 100 дена од администрацијата на Трамп одбележани со големо шоу и маратонски говор во Мичиген, местото е одбрано симболично бидејќи таму победи на трите претседателски трки во кои учествуваше.

Според него, со неговото враќање во Овалната канцеларија, започнала златната ера на Америка, првите 100 дена од неговото владеење ги нарече историски најдобрите, кои го најавуваат само почетокот на она што следи...

-Ова се велат најдобрите стартни 100 дена од било кој претседател во историјата, а само што започнавме, се уште немате ништо видено, ова е само загревање...

-Го сопираме инфлацискиот кошмар, најлошиот кој го имавме веројатно во историјата на нашата земја, woke лудилото и трансџендер лудилото надвор од нашата Влада. Го стопираме индоктринирањето на нашите деца кое трошеше милијарди долари на измами и злоупотреба, а над се го спасуваме „Американскиот сон“, ја правиме Америка повторно голема и тоа се случува многу бргу. Она што го виде светот во изминатите 14 недели е револуција на здравиот разум.- Доналд Трамп – Претседател на САД

Првите 100 дена ги одбележаа бројни одлуки, многу од нив беа оценети како контроверзни.. Најавениот мир во Украина за еден ден не се реализираше, преговорите станаа интензивни и тензични преговори, а најдобро тоа го почуствува претседателот Зеленски во Белата Куќа. Покрај тоа што го побара Гренланд и ги налути Данците, ја побара и Газа, со план да ја направи луксузна ривиера на Блискиот исток. А, рамнодушни не останаа ниту канаѓаните кога говореше за соединување на двете држави. Последните глобални потреси ги предизвикаа високите царини што го „разнишаа“ односот со традиционалните ЕУ партнери – економската војна со Кина, секојдневно зема поголем замав.

Спроед аналитичарите, слични, контроверзни решенија од страна на Трамп се голема веројатност и во остатокот од мандот, кој го започна пред три месеци.

-Согласно неговиот специфичен карактер не би ме изненадило да се обидува да наметне решенија, за да се направи дека тој ги контролира работите или ги води процесите. Ќе биде еден мандат осведочен со едни тензични, заладени односи, кои во момент можат да ескалираат во однос на САД со неговите претходни партнери од ЕУ, Франција, Германија во прв ред. – Благојче Атансовски - Аналитичар

Според Трамп, сите одлуки донеле само бенефит за американците уште во првите 100 дена, од отворање на 350.000 работни места, до заштедување на 100тина милијарди евра. Целта е, како што кажа, САД да биде економска сила број еден.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Дипломатските односи мора да се претвораат во економски можности

Дипломатските односи мора да се претвораат во економски можности – порача шефот на македонската дипломатија Тимчо Муцунски на формуот посветен на градење отпорни бизниси во неизвесен свет.

Во обраќањето, Муцунски нагласи дека прашањето повеќе не е дали ќе има промени, туку тие промени да се претворат во конкурентска предност

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

УСЈЕ пред нова еколошка дозвола

Во овие моменти во Министерството за животна средина се одржува јавна расправа посветена на постапката за издавање нова а-интегрирана еколошка дозвола на УСЈЕ.

Во овие моменти во Министерството за животна средина се одржува јавна расправа посветена на постапката за издавање нова а-интегрирана еколошка дозвола на УСЈЕ, документ што ќе ги утврди условите под кои компанијата ќе работи во наредниот седумгодишен период.

Распрвата ја следи колегата Игор Манасиевски.

Игор за почеток кој се присуствува на расправата и која е целата на истата?

Целиот извештај погледнете го во видеото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уште се санираат последивите од завчерашното невреме во скопско

Страниците што требаше да се прелистуваат и прочитаат, се натопени залепени една за друга.

Страниците што требаше да се прелистуваат и прочитаат, се натопени залепени една за друга, стотици книги наместо да бидат на полиците во магацинот на книжевниот центар „Антолог“ – едно од најзначајните имиња на издаваштвото во земјава, пловат во водата која ја донесе невремето.

Успеавме да стигнеме за 20тина минути откако не алармираа соседите, но со две „голи раце“ не можеше многу да се направи – вели сопственикто Жарко Кујунџиски, а службите кои ги повикале веднаш, не дошле.

-Затекнавме стравична слика. Овде се насобрало огромно количество вода, инвентарот плута, вратите беа разнесени внатре, големи количини на книги, палети поставени само што истоварени, плутаат издигнати на површината,- -Жарко Кујунџиски – Сопственик на книжевен центар – Антолог.

Невремето не уништи само хартија и опрема, туку 27 годишен труд, преводи, приказни и дел од скопското и македонско културно богатство, па додека штетите се сумираат, останува најтешкото прашање, дали издавачката куќа „Антолог“ ќе успее да ја испише следната страница.

-Неколку стотици илјади евра се во прашање, но и една човечка енергија, сила и жар – работа која што стои зад сето ова. Се напивме апче за смирување, за да можеме да дојдеме на себе, видовме како една кариера на нашите предци кои го основале антолог и мојата која е 15-20 години во Антолог и на целата екипа буквално паднала и се потопила во вода,- -Жарко Кујунџиски – Сопственик на книжевен центар – Антолог.

Канал 5 во меѓувреме стапи во контакт со градоначалниците на најпогодените општини, кои апелираат до граѓаните да пријават доколку имаат штети, бидејќи досега нема ниту една пријава, за да можат да се оформат комисии кои би направиле проценка и истата би ја проследиле до Влада.

На удар на невремето најмногу се најдоа Гази Баба, Кисела Вода, Аеродром, Чаир и Бутел, каде поголем дел од сообраќајниците беа претворени во реки, а подвозниците во базени. Општините, и Град Скопје се уште ги држат на готовс кризните штабови поради можноста да се повтори состојбата, согласно најавите изминативе денови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.