Трамп: САД имаат неограничени резерви на оружје, подготвени сме за голема победа - Канал 5

Свет

Трамп: САД имаат неограничени резерви на оружје, подготвени сме за голема победа

Американскиот претседател Доналд Трамп на својата платформа Truth Social напиша дека американските резерви на муниција се на историски максимум што аналитичарите го толкуваат како јасна порака до Техеран и светската јавност за воената моќ на САД.

Трамп: САД имаат неограничени резерви на оружје, подготвени сме за голема победа

Трамп тврди дека САД се подготвени за долготрајни операции доколку тоа биде потребно.

„Имаме практично неограничени резерви на муниција од средна и повисока средна класа. Војните можат да се водат ’засекогаш‘ и многу успешно користејќи ги само овие ресурси“, порача Трамп, додавајќи дека американското оружје е супериорно во однос на која било друга земја.

Иако призна дека резервите на најсофистицираното, „high-end“ вооружување сè уште не се на посакуваното ниво, тој нагласи дека САД поседуваат значителни резерви распоредени во сојузничките земји ширум светот.

Претседателот на САД исто така го критикува својот претходник Џо Бајден, обвинувајќи го за неконтролирано трошење на државните пари и слабеење на американските воени капацитети со испраќање помош за Украина.

„Поспаниот Џо Бајден му даде сè на П.Т. Барнум (Зеленски!) од Украина – вредност од стотици милијарди долари. Додека го подаруваше нашето најмодерно оружје бесплатно, не се потруди да ги обнови резервите“, напиша Трамп.

И покрај предизвиците на теренот и заканите кои доаѓаат од Иран по убиството на врховниот водач Али Хамнеи, Трамп ја уверува американската јавност дека војската е целосно подготвена.

„За среќа, ја обновив војската во мојот прв мандат и продолжувам да го правам тоа. Соединетите Држави се подготвени за голема победа“, заклучи тој во својата објава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистено разбојништво од почетокот на јули во скопско

Од слобода се лишени две лица и поднесена е кривична пријава

Расчистено разбојништво од почетокот на јули во скопско

По преземени мерки и активности, полициски службеници од СВР Скопје - ЕВР Гази Баба на 08.08.2026 во 10:20 часот на ул.„Јани Лукровски“ ги лишија од слобода Џ.А.(26) и А.А.(26), двајцата од с.Брест, скопско, поради сомнение за извршено кривично дело „разбојништво“ по член 237 од кривичниот зкаоник.

Тие се сомничат дека на 04.07.2026 во 20:45 часот во населба Илинден во Скопје физички и со дрвен предмет го нападнале Б.С.(28) од с.Арачиново, скопско, по што со закана со пиштол му одзеле пари.

Во координација со јавен обвинител против нив е поднесена кривична пријава и изведени пред судија за претходна постапка кој им определи мерки за претпазливост.

Тагови: разбојништво

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Орбан гостин во Гуча на фестивалот на трубачи (ВИДЕО)

Поранешниот унгарски премиер Виктор Орбан, летниот одмор деновиве го минува во Гуча, србија, каде што се одржува 65-тиот собир на трубачи.

Орбан гостин во Гуча на фестивалот на трубачи (ВИДЕО)

Присутните биле изненадени од ненајавениот гостин, кој го опишуваат како обичен, без дистанца, насмеан, опуштен и подготвен да ужива во скара и пиво.

Српските медиуми објавија и видео на кое се гледа дека Орбан не одбива да прави селфи слики со посетителите и мирно шета по улиците, без видливо обезбедување.

Орбан беше премиер 16 години, пред да ги загуби изборите во април годинава од Петар Маѓар.

Тагови: Виктор Орбан Гуча

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нагасаки одбележа 81 година од атомското бомбардирање

Во Нагасаки денеска се одржа комеморација по повод 81-годишнината од американското атомско бомбардирање на градот.

Нагасаки одбележа 81 година од атомското бомбардирање

Во 11.02 часот по локално време, присутните оддадоа минута молчење во чест на жртвите. Токму во тој час на 9 август 1945 година американски бомбардер фрлил атомска бомба врз Нагасаки.Градоначалникот на Нагасаки, Широ Сузуки, во декларацијата за мир порача дека нуклеарното оружје не е „нужно зло“, туку „апсолутно зло“ кое не може да коегзистира со човештвото.

Јапонската премиерка Санае Такаичи порача дека земјата останува посветена на трите ненуклеарни принципи и дека ќе продолжи со „реални и практични“ напори за создавање свет без нуклеарно оружје.

Тагови: Нагасаки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер