Од „Tesla“ тврдат дека ова возило, опремено со ракетни потисници развиени во соработка со „SpaceX“, може да забрза од нула до 100 км/ч за помалку од една секунда. Извршниот директор на „Tesla“, Илон Маск, најави дека производството на новиот „Roadster“ се очекува да започне во 2028 година, пренесува „CNBC“.

„Вечерва ќе видите неверојатни работи. Ќе ги видите резултатите од соработката помеѓу најдобрата автомобилска компанија во светот и најдобрата компанија за ракети во светот“, изјави Маск за време на претставувањето на новиот модел, што се одржа во четвртокот вечерта на полигонот за тестирање на „SpaceX“ во Мекгрегор, Тексас.

Do a kickflip! https://t.co/DJ1Bq1yu8m

— Tesla (@Tesla) October 16, 2026

За време на презентацијата, бел спортски автомобил со две седишта се движеше по закривена рампа, прилепен за нејзината долна страна, по што се одвои, се заврте во воздух и полека лебдеше пред да слета на земјата. Компанијата сподели снимка од овој момент на платформата „X“ со натпис: „Real life, baby“.

Real life, baby https://t.co/3QEqn18wig

— Tesla (@Tesla) October 16, 2026

Според мерењата на самата компанија, возилото може да забрза од нула до приближно 97 километри на час за помалку од една секунда. „Tesla“ сè уште ја нема објавено цената на новиот модел, ниту пак ги има обелоденето целосните технички спецификации за сите најавени верзии.

Ракетна технологија

Новиот „Roadster“ е развиен со фокус на намалување на тежината и вклучува систем за управување преку електронски сигнали (т.н. „steer-by-wire“, со што се елиминира механичката врска помеѓу воланот и тркалата), управувач во форма на буквата „J“, како и технологии од „SpaceX“. Тука спаѓаат ракетни потисници, композитни компоненти и моќни вентилатори кои создаваат потисна сила кон подлогата („downforce“), овозможувајќи изведување неконвенционални маневри.

Според претходните најави на „Tesla“, потисниците се наменети за подобрување на забрзувањето и сопирањето, додека напредните аеродинамички системи треба да ја зголемат стабилноста и прилепувањето на возилото за подлогата. Маск изјави дека новиот „Roadster“ нема да го содржи системот „FSD“ (целосно автономно возење) на „Tesla“ и дека ќе биде последниот автомобил на компанијата дизајниран да биде целосно управуван од човек. Во текот на изминатите неколку недели, „Tesla“ повторно овозможи резервации за новиот „Roadster“, при што од купувачите во САД, Канада и Кина се бара депозит од 50.000 долари. Компанијата започна да прима депозити за ажурираниот модел уште во 2017 година, но оттогаш постојано ги одложува најавените датуми за испорака.

Маск за првпат го претстави концептот на новата генерација на „Roadster“ во ноември 2017 година, а следната година најави можност за вградување на пакет од „SpaceX“, кој вклучува повеќе мали ракетни потисници поставени околу возилото.

Претставувањето на новиот модел доаѓа по години одложувања, во текот на кои некои купувачи чекаат испорака уште од моментот на нивните првични резервации. Меѓу нив е и Сем Алтман, ко-основачот на „OpenAI“, кој минатата година јавно го критикуваше долгото чекање, по што му беше вратен уплатениот депозит.

Дизајн инспириран од воздухопловството

Надворешниот дизајн на автомобилот се одликува со скриени предни светла, задно светло што се протега по целата ширина на возилото и аеродинамични елементи интегрирани во каросеријата. Тркалата со тенки краци се конструирани така што обезбедуваат мала тежина и висока структурна цврстина.

Од „Tesla“ наведуваат дека бојата „Ano White“ е инспирирана од технологиите во воздухопловната и вселенската индустрија и е дизајнирана да обезбеди заштита од ултравиолетово зрачење, екстремни температури и корозија. Стаклото со златеста нијанса потсетува на визирите на вселенските костими, додека деталите од титаниум придонесуваат за футуристичкиот изглед на возилото.

Ентериерот е опремен со седишта за две лица, со употреба на бели материјали и детали изработени од сива еко-велур ткаенина.

Компанијата нагласува дека намалувањето на тежината било клучна цел при развојот. Конструкцијата вклучува магнезиум, титаниум и јаглеродни влакна, заедно со поедноставени контроли и фиксни седишта – сè со цел автомобилот да реагира што е можно подиректно на командите на возачот.

Три пакети опрема

Една од највпечатливите карактеристики на „Roadster“ е системот што се состои од вентилатори и заптивки на подвозјето, кои создаваат потисна сила кон подлогата („downforce“). Според „Tesla“, системот го повлекува воздухот од под автомобилот, создавајќи доволно сила за да го задржи возилото на место – дури и кога е свртено наопаку.

„Tesla“ исто така воведе технологија на потисници на ладен гас, кои користат електрични актуатори за прецизно насочување на потисокот и стабилизирање на возилото додека е во движење. Според соопштението на компанијата, моделот „Roadster“ ќе се нуди во три конфигурации со различни нивоа на перформанси.

Основната верзија, наречена „Performance“, е наменета како за возење на пат, така и за на тркачка патека, таа располага со две седишта, активна аеродинамика и систем за вшмукување воздух под возилото, кој работи во повеќе режими.

Верзијата „Augments“ — ограничено издание — исто така има две седишта, но на задниот дел од возилото вклучува потисни млазници на ладен гас.

Најнапредната верзија, „Rocket“, ќе биде достапна само со покана и е дизајнирана за еден патник. Покрај системот за зголемување на притисокот кон подлогата („downforce“), таа ќе поседува и потисни млазници распоредени околу периметарот на возилото, наменети за овозможување забрзување напред и движења нагоре, како и странични и ротациони движења.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Отчет кој преставува сублимирана информација за одлуките кои ги донесовме, за проектите кои ги реализиравме и најважното пред се за резултатите што ги постигнавме за нашите сограѓани и нашата општина. Пред една година ја презедов одговорноста да ја водам општината.

Знаев дека пред нас има многу работа. Знаев дека има проблеми кои со години чекаат решение, но знаев и дека со сериозна работа, со чесен однос и со одговорно управување можеме да направиме промени. Денес, по нецела една година, сакам пред вас да направам отчет за она што го сработивме. Не само со зборови. Туку со конкретни мерки, конкретни проекти и видливи резултати. Нашата прва задача беше да ја направиме Општината пофункционална, и поблиска до граѓаните.

Ги подобривме условите за работа, создадовме коректна работна атмосфера, поефикасна администрација и тим кој секојдневно треба да биде во служба на граѓаните. Затоа што граѓанинот мора да биде на прво место, а општината Маврово и Ростуше им припаѓа на сите – и успехот ќе дојде само ако работиме заедно, со взаемна подршка и доверба кон заедничката цел да го направиме секое населено место поубаво место за живење. Работата на локалната самоуправа ја насочуваме кон подобрување на условите за живеење, унапредување на инфраструктурата, подобрување на јавните услуги, подршка на младите и образованието, културата, спортот, животната средина и создавање услови за локален економски развој.

Посебно внимание посветуваме во комуникацијата со граѓаните, институциите, бизнис секторот, невладините организации и меѓународните партнери. Почитувани сограѓани, отчетноста е можност јавноста да се запознае што е направено, но исто така и она што не сме успеале да го направиме, а што останува како обврска во иднина истото да биде реализирано. Но гордо можам да кажам дека Маврово Ростуше забрзува напред, за тоа ви благодарам на довербата, но и на критиките кои лично за мене преставуваат коректор за подобра функционалност на општината.

А сега дозоволете ми да ви ги презентирам сите проекти и активности кои се завршени или се во тек на реализација до крајот на оваа календарска година. Во делот на Социјалната заштита, демографијата и подршката на младите ги реализиравме следните мерки: Со помош на Советот на општината донесовме одлуки кои ги допираат многу семејства во нашата општина како и најразлични целни групи на наши сограѓани: - За најранливите категории на социјални случаи континуирано обезбедуваме еднократна финансиска помош за лекување на оперативни зафати од потешки облици и итни здрвствени потреби.

За подобрување на демографијата во нашата општина веднаш превзедовме конкретни мерки донесовме одлука за еднократна парична помош од сопствениот општински буџет и тоа за: За провородено дете еднократна помош од 10.000 ден, за второродено дете еднократна помош од 18.000 ден, за третородено дете еднократна помош од 25.000 ден. Исто така за нашите најмлади за секое прваче обезбедуваме еднократна парична помош од 6.000 денари и дополнително училишен ранец со комплет училишен прибор.

За младите во општина Маврово Ростуше се реализираат континуирано неколку сет мерки меѓу кои: За сите студенти од Маврово и Ростуше, општината од сопствениот буџет обезбеди еднократна парична помош во износ од 12.000 денари. За сите средношколци кои одлучија да го продолжат средното образование во рамки на СОУ Маврово Ростуше обезбедивме еднократна парична помош од 12.000ден. За сите млади на возраст до 24 години Општината од сопствениот буџет ги покрива сите трошоци за Авто школа односно практична настава за обука за возач за Б категорија. За сите млади претприемачи кои сакааат да започнат сопствен бизнис, општината ги покрива сите трошоци за регистрација на фирма.

Ова за нас не се само финансиски средства ова се мерки и подршка на многу семејства во нашата општина, ова се вложувања за нашата иднина за стабилна и просперитетна општина Маврово и Ростуше. Исто така во многу напредна фаза сме со подготовка на проекти и за повозрасните наши сограѓани и тоа во делот на активно стареење како и Помош и нега во домот на стари и изнемоштени лица овие два проекти ги реализираме со подршка на Министерството за социјална политика, демографија и млади. Во делот на образование во завршна фаза е реализација на јавна набавка на најсовремени нагледни средства, смарт табли и училишен помагала за сите четири основни училишта во рамки на општината, оваа инвестиција значително ќе го подобри воспитно-образовниот процес во нашата општина.

Исто така во тек е изработка на проектна документација за комплетна реконструкција на Подрачното училиште во с.Маврово, оваа реконструкција ќе ја опфати самата училишна зграда, училишниот двор како и спортското повеќе наменско игралиште. Во изминативе 10 месеци силно ги подржавме сите културни манифестации, спортски настани кои се одржуваат во нашата општина а со тоа го подигнавме нивото на претпознатливост на нашата општина како дестинација со голем туристички потенцијал и заедно со Советот на општината силно веруваме дека туризмот е нашиот главен мотор за економски развој на Маврово и Ростуше,

Во оваа прилика сакам да го издвојам најголемиот спорстки настан каде што општината беше ко-организатор а тоа е Светското првенство на спортски риболов на крап на Мавровско езеро кое се одржа од 2-7 Септември, нашата општина беше домаќин на 33 репрезентациии од сите континенти ширум светот, овој несекојдневен спортски настан ја стави нашата општина на светската мапа на спортот и рекреација, а Македонија како држава со проверен капацитет и доверлив партнер за организирање на натпреварувања од светски ниво.

Со особено задоволство можам да истакнам дека и покрај тоа што наследивме многу проблеми во делот на инфраструктурните проекти за помалку од 10 месеци веќе се гледаат видливи резултати на терен во делот на капиталните проекти и нивната динамика на релизација. Со помош на владата на Р.Македонија и ресорните министерства: - Целосно го завршивме Проектот Нова Улица во м.в. Падина во Скудриње, прокетот предвидуваше комплетно асфалтирање и поставување на улично осветлување оваа улица преставува пристапен пат за 80 куќи за оваа населба.

Комплетно завршен со изгрдба на нов резервоар за водоснабдување во с.Ростуше со капацитет од 160м3, проект кој трајно го решава водоснабдувањето во ова населено место. Завршена селска улица во с.Велебрдо со поплочување на павер елементи и со овој проект се создаваат подобри услови за живот во Велебрдо. Во завршна фаза е реализација на проектот за реконструкција на Спорстката сала Македонија во непосредна близина на Ростуше, спорстки објкет кој го наследивме во руинирана и нефункционална состојба и прилично со некоплетна проектна документација, но сите предизвици се надминати, очекуван рок на завршување на градежните активности и пуштање во употреба на овој спортски објект е октомври месец оваа година. Во тек е реализација на Проект реконструкција и асфалтирање на локален пат до село Рибница, очекуван рок на реализација до крајот на ноември оваа година.

Во почетна фаза на реализација на проект за Реконструкција и асфалтирање на локален пат до с.Нистрово, овој проект е од витално значење за ова населено место рок на реализација декември 2026 година. Во областа на подигнување на јавната чистота, заштитата на населението, животната средина и јавната безбедност беа реализирани повеќе активности. Заедно со Јавното Препријатие за Комунални Дејности – Маврово целосно се завршени активностите со реализација на расчистување на диви создадени депонии во с.Битуше, Ростуше и Жировница оваа активност ќе продолжи и во населените места Велебрдо и Требиште.

Процесот на реорганизација на Комуналното претпријатие е во тек, овој процес треба да испораќа поквалитетни јавни услуги, организиран систем на собирање на смет и кабаст одпад како и тековно одржување на јавната чистота во општината. Извршен е дополнителен надзор и контрола на квалитетот на водата за пиење во населените места во општината. Реализирани се планираните активности од областа на заштитата и спасувањето, вклучително и дезинсекција, дезинфекција и дератизација, согласно законските програми.

Одговорно зимското одржување на локалната патна мрежа, навремено расчистување и обезбедување проодност на патиштата. -Унапредено е уличното осветлување во населените места преку поставување нови енергетски ефикасни светилки. И тука не застануваме со помош на Министерството за транспорт и врски очекувам до крајот месец Септември да се објави јавна набавка за реконструкција и асфалтирање на селска улица стар пат во с.Маврово, овој проект има висок приоритет во министерството, а преставува огромна придобивка за локалното население во село Маврово.

Урбанистичкото планирање во општината го наследивме во еден сериозен хаос од нефункционални планови до нерешени и наталожени предмети со години, во оваа област заедно со општинската администрација работевме напорно и слободно можам да кажам дека вртиме нова страница, до крајот на годинава општината ќе започне со изработка на Урбанистички планови за сите поголеми населени места како прва фаза а втора фаза и останатите помали населени места во општината. Во делот на проектното планирање во тек е реализација на јавна набавка и избрана реномирана проектанска куќа за изработка на проектна документација за капитални инфраструктурни проекти во општината, се одлучивме на овој чекор бидејќи не наследивме никава проектна документација.

Според динамиката на проектните задачи на општината во тек е реализација на проектна документација за водоснабдителни системи за с.Леуново, Врбен, Присојница, Лазарополе и Скудриње. За патна инфраструктура во населените места во Аџиевци, Присојница, Скудриње, Жировница, Маврови анови, с.Маврово, Никифорово, Требиште, Велебрдо и Тресонче. Во тек е изработка на Проектна документација за спортска инфраструктура – реконструкција на спортски игралишта во Требиште, Жировница, Скудриње, Ростуше, Врбен и Јанче. Свесни сме дека предизвиците се големи и не можат да се решат преку ноќ, територијата и распрснатоста на населените места е огромна, инфраструктурните недостатоци и економските ограничувања се реалност.

Но тие не се изговор – туку мотивација да работиме повеќе и подобро. Затоа продолжуваме со уште поголема енергија, а нашата крајна цел е општина во која секој граѓанин ќе се чуствува сигурно, достоинствено и гордо. Нашата визија е јасна: Маврово и Ростуше да биде модерна, функционална, одржлива и туристичка дестинација - општина во која заштитата на природното богатсво ќе биде императив, но заедно и подеднакво со економскиот развој и благосостојбата на локалното население бидејќи лично сметам дека едно без друго нема никаква смисла, компактибилноста и синергијата на овие два процеси се клучот за успех на општината Маврово и Ростуше и Националниот парк Маврово.

Почитувани сограѓани, ова се само дел од проектите кои заедно со мојот тим, општинската администрација, Советот на општината, јавните општински институции ги имаме реализирано или се во тек на реализација, или се завршени, но тука нашата работа не завршува тука, продолжуваме уште посилно да ја градиме иднината на Маврово и Ростуше заедно.

Продолжуваме да работиме транспарентно, одговорно и чесно во интерес на секој граѓанин, затоа што резултатите се единствениот показател за нашата работа. На самиот крај дозволетеми да изразам огромна благодарност до сите вработени во општина Маврово и Ростуше, до Советот на општината, Јавното комунално претпријатие, бизнис секторот и сите други институции и поединци кои се вклучени на било каков начин да помогнат да се реализираат овие проекти и активности. Ви благодарам за посветеноста и заедничката работа, За модерна и просперитетна општина Маврово и Ростуше.

Онер Јакупоски, градоначалник на Општина Маврово и Ростуше

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Од хрватскиот великан Хајдук изјавија дека се подготвени да ја преземат одговорноста.

Во соопштението објавено по натпреварот, „Хајдук“ ги осуди настаните што фрлија сенка врз историскиот европски триумф против холандскиот гигант.

„Му се извинуваме на организаторот на натпреварувањето, како и на раководството и играчите на ’Ајакс‘, кои беа сведоци на сцени по кои не сакаме Европа да нè памети. Како клуб, подготвени се да ја преземеме одговорноста“, се наведува во соопштението.

Навивачите на сплитскиот клуб извикуваа антисемитски и нацистички пароли за време на поворката кон стадионот „Пољуд“, вклучително и такви со кои се величаше Адолф Хитлер.

Во колоната имаше и автомобил со ковчег на кој пишувало „Ајакс“, а кој навивачите подоцна го искршија.

Полицијата во Сплит започна истрага за да го утврди идентитетот на одговорните лица.

Претставници на одредени политички партии, исто така, ги осудија контроверзните скандирања, додека градоначалникот на Сплит, Томислав Шута, повика на коректно навивање. На инцидентите им претходеа денови на тензија во градот.

Во текот на ноќта меѓу средата и четвртокот дојде до масовна тепачка меѓу навивачи на два клуба, при што полицијата приведе 57 лица.

Според достапните информации, од вторникот се приведени најмалку 109 лица, додека четворица холандски државјани се здобиле со полесни повреди во напади од страна на навивачи на „Хајдук“. И покрај сè, натпреварот заврши со победа на „Хајдук“ од 2:1, со што клубот од Сплит успешно ја започна групната фаза во Конференциската лига.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.