Данското радио ДР објави дека од повеќе извори слушнало дека во видео материјалите, снимени за време на неговата кратка посета на Гренланд, може да се забележат бездомници и други луѓе кои често се задржуваат пред продавницата која е веднаш до хотелот.
„Тоа се бездомници и стари луѓе кои одеднаш јадат во ресторан во кој никогаш досега не биле“, изјавил за ДР долгогодишен жител на главниот град Нук.
Сè што требаше да направат е да ги стават капите „Make America Great Again“ и да учествуваат во видеата, наведува данското радио.
На снимката објавена од весникот „Екстра Бладет“ се гледа како луѓето на Трамп им приоѓаат на минувачите на улица и им делат капи „МАГА“.
Во објава на социјалната мрежа Truth Social, новиот американски претседател, Доналд Трамп, им се заблагодари на жителите на Гренланд што биле „толку добри“ со неговиот син и неговите членови на екипажот.
Претходно беше објавено дека Трамп помладиот пристигна во Гренланд пред три дена за да сними подкаст.
На прес-конференцијата во вторникот, денот кога неговиот син беше на Гренланд, Трамп рече дека не ја исклучува можноста за воен или економски притисок да го стави под контрола најголемиот остров во светот. Неговите изјави беа сериозно сфатени во Данска, која владее со Гренланд, но и во други европски земји, во кои критики беа упатени кон новиот станар на Белата куќа./МИА