Трамп побара од Врховниот суд да ја паузира одлуката која го лишува од апсолутен имунитет

Ако судиите од Врховниот суд не издадат запирање додека ја разгледуваат неговата апелација, судскиот процес по тој кривичен прогон, кој беше одложен, ќе продолжи.

Поранешниот претседател Доналд Трамп синоќа поднесе барање до Врховниот суд на САД судот да ја паузира одлуката на апелациски суд според која се одби неговото барање за апсолутен имунитет од кривичен прогон, а поврзано со неговите обиди за поткопување на резултатите од изборите во 2020 година, јави дописникот на МИА од Вашингтон.

Ако судиите од Врховниот суд не издадат запирање додека ја разгледуваат неговата апелација, судскиот процес по тој кривичен прогон, кој беше одложен, ќе продолжи.

Поднесокот е последен обид во напорите на Трамп да го истурка своето тврдење за целосен имунитет што беше одбиено од два суда од пониска инстанца. Врховниот суд сега треба да одреди дали и колку брзо ќе се одвива федералниот суд заснован на тужбата за подривање на изборите во 2020 година. Ако судиите не донесат брза одлука, судењето може да се одложи доцна во изборната кампања или дури до по изборите.

Поднесокот на Трамп се случува откако панел од тројца судии на Апелациски суд на САД од округот Колумбија едногласно ја отфрли аргументацијата на Трамп дека тој не треба да биде кривично гонет за постапки шти ги направил додека бил претседател.

Заврши драмата во Италија: По 44 часа закана, момче се откажа до намерата да скокне од балкон

Млад човек (23) од Пескара, Италија, кој се заканувал дека ќе скокне од терасата на својот стан, по 44 часа преговори се откажал под изговор дека е уморен.

„Доста ми е, уморен сум“, им рекол на полицајците и се симнал од оградата на терасата на која балансирал речиси два дена, објави АНСА.

Момчето од 28 февруари во 14 часот и 30 минути стоело на работ од оградата на терасата, а причините се уште не се познати.

Откако се симнал, влегол во куќата и им ја отворил вратата на специјалците на кои им рекол дека му е доста. Го завиткале во ќебе и заедно со кучето го извадиле од станот.

Екипата на итната помош му пружила соодветна нега и тој е префрлен во болница.

Георгина направи фустан од дресот на Роналдо и прошета по модната писта (ФОТО)

Георгина Родригез, партнерката на португалскиот фудбалер Кристијано Роналдо, привлече големо внимание на Модната недела во Париз поради изборот на облека во која прошета по пистата.

Оваа шпанска убавица вчера вечер беше на модната писта, на ревијата на Vetements, облечена во фустан од дресот на Роналдо со потпис и посебна посвета на актуелниот играч на Ал Наср.

Медиумите пишуваат дека овој фустан е пример за „блоккор“ кој комбинира спортска мода со урбана облека, а на задната страна пишувало:

- За љубовта на мојот живот, Георгина и Ветементс - потпишан од Кристијано Роналдо.

На Георгина, инаку, не и е непозната Модната недела, бидејќи претходно присуствувала на некои од најголемите модни ревии. Сепак, ова е прв пат да прошета со некој од брендовите. Сите се согласуваат дека нема да и биде последен настап.

Во сообраќајка кај Колари синоќа загина 46 годишник од Скопје, со возилото излетал од патот

Во сообраќајна несреќа вчера околу 18 часот на магистрален пат Кичево – Гостивар кај селото Колари животот го загуби 46 годишник од Скопје, откако со возилото што го управувал излетал од патот. 

Во сообраќајката со тешки повреди се здобила малолетна сопатничка во автомобилот.

-На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото Колари, патничко возило „форд“ со скопски регистарски ознаки, управувано од В.Н.(46) од Скопје, излетало од коловозот. Притоа, тој од здобиените повреди починал на местото на настанот, а смрт констатирал лекар од Итна медицинска помош. Со тешки телесни повреди се здобила малолетна сопатничка, констатирани во болницата во Кичево, информираше СВР Охрид.

Увид на местото извршила увидна екипа од Одделението за внатрешни работи Кичево.

притисни ентер