Свет

Трамп откри: „Путин и Зеленски се отворени за преговори“

САД се свртуваат кон Украина по Иран. Трамп откри: „Путин и Зеленски се отворени за преговори“

Американскиот претседател Доналд Трамп изјави дека по завршувањето на војната во Иран, Вашингтон повторно ќе се фокусира на војната во Украина и изрази оптимизам дека и рускиот претседател Владимир Путин и украинскиот претседател Володимир Зеленски се подготвени за преговори.

„Можеби можеме да направиме нешто во врска со Украина. Мислам дека и Путин и Зеленски се отворени за тоа. Сега кога приказната со Иран е завршена, ќе се фокусираме на тоа“, изјави Трамп пред новинарите на самитот на Г7 во Евиан-ле-Бен, Франција.

Трамп рече дека разговарал одделно со двајцата лидери во неделата и ги опиша разговорите како „многу добри“.

Зеленски разговарал со Трамп по телефон во недела, на 80-тиот роденден на американскиот претседател.

Недолго потоа, Кремљ потврди дека Путин разговарал и со Трамп.

Украинскиот претседател рече дека го информирал Трамп за ситуацијата на фронтовската линија и зајакнатата позиција на Украина, додавајќи дека се договориле да продолжат разговорите за време на самитот на Г7. Според помошникот на Кремљ, Јуриј Ушаков, Путин му се јавил и на Трамп на 14 јуни за да му посака среќен роденден.

Двајцата лидери разговарале за она што Москва го опишува како воени успеси на Русија во Украина.

Ушаков рече дека Трамп повторно го повикал Путин да ја заврши војната „што е можно поскоро“ и наговестил дека тоа би можело да отвори врата за подобрување на односите меѓу САД и Русија.

Функционерот на Кремљ, исто така, рече дека ако Зеленски го покрене прашањето за повторна средба со Путин, „нека дојде во Москва“.

Ушаков додаде дека во блиска иднина се очекува посета на руската престолнина од страна на американските пратеници Стив Виткоф и Џаред Кушнер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Срамен потег на Белата куќа: Трамп се јавил во ФИФА три пати за четири дена за да поништи црвен картон!

Американскиот претседател ја искористил врската со Џани Инфантино, првиот човек на ФИФА, според информациите од Гардијан и од него побарал помош за поништување на доделен црвен картон.

Трамп се јавил во ФИФА три пати за четири дена за да го поништи црвениот картон на Фоларин Балогун!

Според информациите од британските медиуми, Доналд Трамп, претседателот на САД, направил сè што можел за да ја спречи суспензијата на Фоларин Балогун.

Гардијан добил информации дека Доналд Трамп ја искористил својата врска со Џани Инфантино, првиот човек на ФИФА.

Тој ја повикал организацијата-три пати за четири дена, инсистирајќи одлуката да се промени, напорот на американскиот претседател вродил со плод и дошло до промена на одлуката сега таа се води како вродило со плод како „условен црвен картон “. - Ви благодарам ФИФА, го направивте она што беше исправно и ја поништивте големата неправда - напиша Трамп преку социјалните мрежи.

Тагови: Доналд Трамп ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО бара мерки на претпазливост за тројцата насилници 15 дена по крвавиот напад врз детето во Ченто

Скопското обвинителство соопшти дека побарало мерки на претпазливост за тројцата осомничени за нападот врз 14-годишното момче во скопската населба Ченто.

Според првичните сознанија, како што соопштија, на 22 јуни осомничените учествувале во насилничките дејствија кон малолетникот, го удирале со тупаници и клоци и му нанеле расекотини со нож по телото. Со предложените мерки им се забранува да го напуштат живеалиштето, да не се доближуваат до местото на настанот, ниту да контактираат со детото и неговите родители...

-Во меѓувреме, продолжуваат да се вршат вештачења на пронајдени траги и се преземаат други дејствија за прибирање докази, велат од основно јавно обвинителство Скопје.

Иако настанот се случил на 22 јуни, МВР поднесе кривични пријави за против тројцата осомничени дури по 11 дена, откако мајката на детето јавно реагираше дека случајот се води како насилство, а не како потешко дело обид за убиство, и покрај седумте убоди од нож што му биле нанесени. Мотивите за нападот, се уште не се познати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зелен хуман град: Дали Град Скопје ќе ги заштити скопјани или профитите на Титан УСЈЕ?

Советникот на ЗЕЛЕН ХУМАН ГРАД, Марјан Калевски денеска поднесе советничко прашање до Град Скопје во врска со тоа дали Градот Скопје ќе ја исполни својата законска должност и ќе застане на страна на скопјани .

Советникот на ЗЕЛЕН ХУМАН ГРАД, Марјан Калевски денеска поднесе советничко прашање до Град Скопје во врска со тоа дали Градот Скопје ќе ја исполни својата законска должност и ќе застане на страна на скопјани со тоа што ќе достави негативно мислење за обнова на А - интегрираната дозвола на ТИТАН - Усје поради големото загадување што го предизвикува фабриката во согласност со член 100 став (1) од Законот за животната средина.

Дополнителна тежина на ова прашање дава фактот што Советот на Град Скопје на својата 5 седница на 25 декември 2025 година едногласно ја усвои иницијативата на ЗЕЛЕН ХУМАН ГРАД за дислокација на Цементарница „Усје“ и сите други индустриски загадувачи со заклучок:

„Се задолжува градоначалникот на Град Скопје да се обрати до владата за да го разгледа начинот за започнување на постапка за дислокација на Усје и сите големи индустриски загадувачи на соодветни места надвор од скопската котлина согласно Законот за животна средина и Просторниот план на РМ“

Поради сериозноста на состојбата со загадувањето во Скопје, како и засегнатоста на сите скопјани со овој повеќедеценики проблем, побаравме одговорот на прашањето да добиеме во најкус можен рок без да се чека истекот на деловнички утврдениот рок, со цел навремено да ги информираме граѓаните.

ЗЕЛЕН ХУМАН ГРАД нема да престане да се бори со сите расположливи средства за заштита на здравјето на граѓаните и животната средина од опасните, животозагрозувачки последици на загадувачката индустрија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.