Свет

Трамп објави примирје, Израел и Иран начелно се придржуваат

Доналд Трамп прогласи примирје, но неизвесноста и тензиите на Блискиот Исток остануваат..

Не поминаа ниту неколку часа од договорениот прекин на огнот, Израел и Иран повторно распалија еден по друг – што сериозно го налути претседателот Трамп. Тој за прв пат им „покажа заби“ на израелците во „12 дневната војна“, велејќи, не му се допаѓа што Израел утринава се тргнал со бомбардери кон Техеран да се одмаздува, за како што ја нарече „ ненамерно испуканата ракета од Иран“. Вели, дека работи на тоа да ги врати израелските пилоти назад.

„Дечкиве“ мора малку да се смират, неверојатно“ Знаете што имаме? Имаме две држави кои војувале толку долго и толку силно, што е...но немаат поим што прават. Го разбираш тоа? Не сум среќен со Израел. Кога ќе речам, „добро, имате 12 часа(до прекин на огнот)“, не се залетуваш во првиот час да „фрлиш“ се што имаш врз нив. Не сум среќен со нив, не сум среќен ни со Иран.

Израелските власти претходно Иран го обвинија дека сериозно го прекршил примирјето, покажувајќи го вистинското лице, па на Техеран му најавија да очекува жесток напад, а граѓаните на Израел ги алармираат да останат во приправност.

-Сакам да нагласам дека во оваа фаза дека нема промена во наредбите на Домашниот Фронт, упатствата мора да се почитуваат, опасноста останува. Израелските одбранбени сили, командата и oграноците, го задржуваат високото ниво на подготвеност и алармантност.-Ефие Дефрин – Портпарол на израелската армија.

Шефот на генералштабот Абдулрахим Мусави тврди дека во изминатите часови не бил испукан ниту еден проектил кон Израел. Иран, пак ги отфрли израелските обвинувања за непочитување на прекинот на огнот. А, иако официјално властите во Техеран не го потврдија примирјето, сепак националната телевизија во Иран кажа дека тоа е на сила.

За премиерот Нетанјаху, операцијата „Разбуден лав“ ги постигнала своите цели, отстранувајќи ги егзистенцијалните закани. Претседателот Херцог пак вели, донела благосостојба и безбедност на светот, но за жал, не поминала без загуби.

-Тоа што ние го направивме успешно во оваа операција, е отстранувањето на иранската нуклеарна закана која го демнеше Израел, регионот и слободниот свет.Исак Херцог – Претседател на Израел.

Прекинот на огнот следува по тензичниот викенд, во кој САД ги нападна трите главни нуклеарни постројки со т.н. „уништувачи на бункери“, во кој уверуваат дека целосно се уништени нуклеарните капацитети на Иран. Од Техеран пак возвратија со балистички ракети кон најголемата база на САД на Блискиот Исток, станционирана во Катар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во масовна тепачка во село Баница струмичко повредени неколку лица

Четворица со тешки телесни повреди по масовна тепачка во село Баница струмичко.

На 11.10.2026 во СВР Струмица е пријавено дека во 22:30 часот во дворно место на куќа во село Баница, струмичко, настанала физичка пресметка помеѓу Р.М. и К.М. од една страна и П.С., М.С., Т.С., С.С., С.С. и С.С., од друга страна, сите од село Баница, во која со различни предмети си нанеле повреди по главата и телото. Повредените биле пренесени во Медицински центар Струмица, каде кај лицата Р.М., К.М., Т.С. и М.С. биле констатирани тешки телесни повреди. Предметите кои ги користеле при пресметката се пронајдени и одземени. За настанот е известен јавен обвинител. Се преземаат мерки за целосно расчистување на случајот, стои во билтенот на МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Два патнички автобуса се превртеа во Турција, десетици повредени

Два патнички автобуса се превртеле денес во Турција, а според локалните медиуми, има повредени лица.

Пет лица се повредени денес во Турција откако минибус се превртел на патот Анталија-Испарта.

Несреќата се случила околу 10:30 часот во близина на крстосницата Топали во областа Аксу, а причина за несреќата било масло истурено на коловозот, објави порталот „Ахабер“ (Ahaber).

Екипите за итна помош што пристигнаа на местото на настанот им пружиле помош на повредените, а започната е и истрага за да се утврдат деталите за несреќата.

Денес во Турција се случи уште една сообраќајна несреќа, во која патничко комбе се преврте и заврши во канал во Мерсин, при што беа повредени 17 лица, пренесува истиот турски портал.

Во областа Силифке во Мерсин, на патот од Силифке кон Ѓулнар, патнички минибус излетал од патот и се превртел во канал поради лизгавиот коловоз предизвикан од дождот.

Минибусот е отстранет од местото на настанот со помош на служба за влечење, а беше покрената и истрага за несреќата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Несторовски расположен за постигнување на голови сезонава во Хрватска

Поранешниот македонски репрезентативец, 36 годишниот Илија Несторовски сезонава ја доживува втората младост и е еден од најдобрите напаѓачи во Хрватското фудбалско првенство.

Македонскиот фудбалер викендов постигна два гола во победата на Славен Белупо од 4:1 над фаворизираната Риека во деветтото коло од првенството, со што стигна до вкупно седум гола на девет настапи оваа сезона.

Особено е импресивно тоа што четири од тие голови ги постигна само во последните две кола.

На натпреварот против Риека, популарниот Нестор двапати ја затресе мрежата во рок од само пет минути. Најпрво постигна гол со одличен удар од далечина во 69-тата минута, а потоа го постави конечниот резултат од 4:1 во 74-тата минута. Овој настап ја потврди одличната форма што ја покажа во претходното коло, кога со два гола му донесе бод на Славен во ремито 2:2 против Рудеш.

Така, искусниот напаѓач постигна четири гола на последните два првенствени натпревари и моментално има просек од речиси еден гол по натпревар оваа сезона. Со седум гола, тој го дели второто место на листата на најдобри стрелци со Емил Фредериксен од Истра, заостанувајќи само зад Дион Дрена Бељо, кој има постигнато 10 гола.

Несторовски му се приклучи на Славен Белупо во летото 2024 година, по осум сезони поминати во Италија. Во својата прва сезона по враќањето во хрватскиот фудбал постигна осум првенствени гола, додека минатата сезона реализираше шест.

Сега веќе има постигнато седум гола на само девет натпревари, со што го надмина учинокот од целата претходна сезона и се приближува до бројката од својата прва година во Копривница.

Сè појасно станува дека тој е на добар пат кон својата најефикасна сезона откако се врати во хрватскиот фудбал.

Несторовски првпат се прослави во хрватската фудбалска јавност додека настапуваше за Интер Запрешиќ во периодот од 2013 до 2016 година.

Првите две сезони ги мина во втората лига, постигнувајќи 20, а потоа и 24 гола, при што во двата наврати ја освои титулата најдобар стрелец во лигата. Тој ја задржа таа импресивна форма и откако Интер избори пласман во ХНЛ (хрватската прва лига). Во сезоната 2015/16, постигна импресивни 25 гола на 33 првенствени натпревари, повторно станувајќи најдобар стрелец во лигата.

Особено е впечатлив неговиот хет-трик против Осиек во последното коло, со кој ја заокружи таа извонредна сезона. Тој учинок од 25 гола останува еден од најдобрите индивидуални голгетерски резултати во поновата историја на ХНЛ. Во деветте сезони што следеа, таа бројка беше надмината само од Марко Ливаја – кој постигна 28 гола за Хајдук во сезоната 2021/22 – и Дион Дрена Бељо, кој постигна 31 гол за Динамо минатата сезона.

- Ваквите настапи му донеа трансфер во Палермо, клуб што во тоа време се натпреваруваше во италијанската елитна лига. Постигна 11 гола во својата дебитантска сезона во Серија А, иако Палермо не успеа да избегне испаѓање во понизок ранг. Останал во Палермо уште две сезони, во текот на кои продолжил редовно да постигнува голови во Серија Б.

Потоа, во 2019 година, преминал во Удинезе, каде што минал четири сезони играјќи во Серија А. Во својата последна сезона во Италија, 2023/24, настапувал за Асколи во втората лига.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.