Трамп најави дека утре ќе биде „Денот на ослободување“ – познато е што ќе донесе - Канал 5

Свет

Трамп најави дека утре ќе биде „Денот на ослободување“ – познато е што ќе донесе

САД влегуваат во нова фаза од трговската војна, а 2 април станува клучен датум за натамошен развој на ситуацијата.

Трамп најави дека утре ќе биде „Денот на ослободување“ – познато е што ќе донесе

Претседателот Доналд Трамп најави дека тој ден ќе го претстави планот за воведување нови царини, нарекувајќи го „Ден на ослободувањето“. Неговата цел, тврди тој, е да ја намали зависноста на Америка од странски производи и да ја заштити домашната индустрија, објави АП.

Сепак, економските експерти предупредуваат дека овие мерки може да предизвикаат нарушувања на пазарот, повисоки цени на производите и контрамерки од други земји, што дополнително ќе ја потресе светската економија.

Како ќе изгледа новиот царински режим?

Според достапните информации, Трамп планира да воведе „реципрочни“ тарифи, кои ќе одговараат на оние што ги наметнуваат другите земји за американските производи. Портпаролката на Белата куќа Каролин Левит најави дека претседателот лично ќе ги изнесе деталите, но останува нејасно како овие мерки ќе се спроведат во пракса.

Економистите веќе изразуваат загриженост дека реципроцитетот може да значи високи царини за голем број американски трговски партнери, вклучувајќи ги Европската унија, Кина, Јужна Кореја, Бразил и Индија.

Нови царини за нафтата, гасот и автомобилскиот сектор

Една од најтешките мерки ќе биде воведувањето царина од 25 отсто за целиот увоз од земјите кои купуваат нафта и гас од Венецуела, вклучително и некои американски компании. Исто така, од 4 април ќе стапи на сила новата царина од 25 отсто за увоз на автомобили, додека даноците за автомобилски делови постепено ќе се зголемуваат до 3 мај.

Белата куќа проценува дека новиот тарифен режим ќе генерира 100 милијарди долари годишно, но аналитичарите предупредуваат дека може да донесе скок на цените на возилата, прекин на синџирите на снабдување и загуби во автомобилската индустрија.

Кои тарифи се веќе во сила?

На 4 февруари Трамп воведе царина од 10% за целиот кинески увоз, а веќе на 4 март ја зголеми на 20%. Како одговор, Кина воведе данок од 15% на јагленот и природниот гас од САД, како и данок од 10% на суровата нафта.

Царините за челик и алуминиум веќе се зголемени на 25%, додека Европската унија се закани со контрамерки за американски производи во вредност од 26 милијарди евра, вклучувајќи челик, алуминиум, месо, бурбон, мотоцикли и фармерки.

Што ќе се случи на 2 април?

Сѐ уште не се знае дали сите планирани мерки ќе стапат на сила веднаш или Трамп постепено ќе ги воведува. Во игра се и дополнителни трговски договори или нови доцнења, но пазарите веќе се во состојба на неизвесност.

Инвеститорите, трговските партнери и економските аналитичари нервозно го очекуваат официјалното соопштение на Трамп, свесни дека тоа може да има далекусежни последици за глобалната економија и иднината на светската трговија.

Тагови: трамп донесе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер