Трамп: Ќе ја завршам војната во Украина, доколку можам- помошта за Украина ќе биде помала

Новоизбраниот американски претседател Доналд Трамп изјави дека ќе ја заврши војната во Украина доколку може, додавајќи дека Украина може да очекува да не добие толку голема воена помош од САД кога ќе се врати на функцијата.

Тој во Париз приватно се сретна со францускиот претседател Емануел Макрон и со украинскиот претседател Володимир Зеленски, кои на социјалните мрежи објавија дека разговарале за постигнување „праведен мир“ во војната на Украина со Русија, објави NBC.

Зеленски се приклучи во последните 10 минути од состанокот, изјави претставник на транзицискиот тим на Трамп.

Трамп рече дека нема да се обврзе дека САД ќе останат во НАТО, но доколку членките ги платат своите обврски, тој апсолутно ќе ја зачува американската улога во Алијансата. Трамп победи на претседателските избори, кои се одржаа на 5 ноември, пред кандидатот на демократите и американска потпретседателка, Камала Харис.

Тој ќе ја преземе функцијата претседател на 20 јануари 2025 година на церемонијата на инаугурација.

Нејмар го напушта Ал-Хилал, се враќа во родниот Сантош

 Бразилската ѕвезда Нејмар ја заврши својата авантура во Саудиска Арабија. Од него се очекуваше многу, но никогаш не успеа да го покаже потенцијалот во Ал-Хилал, а паралелно со тоа проблеми му правеа и многу повреди.

Нејмар ја напушта арапската земја за да се врати во Бразил. Според последните информации, постигнат е договор и Нејмар ќе се врати во Сантос на позајмица во следните 6 месеци. Разбирањето е веќе факт и ќе биде официјализирано во следните неколку дена.

Во неделата, претседателот на Сантос, Марсело Тешеира и директорот Педро Мартинс се сретнаа со претставниците на Нејмар и преговараа за платата на играчот.

Пожар во објект за стари лица во село Чемерско

Опожарен е објект за стари лица во село Чемерско на 30 километри од Кавадарци. 

Упатени 12 пожарникари од Кавадарци и се чека на првите информации за евентуални повредени

Дербито на Лос Анџелес им припадна на Клиперс: Џејмс Харден испиша нови страници од историјата

Првата битка во годината во градот Лос Анџелес им припадна на кошаркарите на Клиперс, кои на домашен терен ги совладаа Лејкерси со резултат 116:102.

Како и повеќето натпревари во ЛА, така и овој не разочара. Двата тима беа со сите свои ѕвезди, некои испишаа историја, а некои забележаа негативни достигнувања. На крајот триумфот им припадна на Клиперси кои цело време ја имаа предноста. Тимот го предводеше Норман Пауел со 22 поени, додека Џејмс Харден имаше еден помалку, што беше доволно за да го надмине Оскар Робертсон за 14. место на листата со најмногу освоени поени во историјата на НБА.

Од друга страна, Лејкерси водеа само по првиот кош на натпреварот. Остатокот од натпреварот помина во знакот на тимот на Тајрон Лу, кој ја постигна третата последователна победа. За Лејкерси ова е 18-ти пораз сезонава, а моментално се наоѓаат на шестото место во западната конференција, додека Клиперс се едно место погоре.

Најефикасен кај „виолетово-златните“ беше Леброн Џејмс, кој натпреварот го заврши со 25 поени и 11 асистенции. Тој беше најдобар стрелец на натпреварот, погодувајќи девет удари од 20 обиди и пет од шест слободни фрлања.

Каваи Ленард полека се враќа во форма, а на овој меч забележа најголема минутажа сезонава. Во триумфот над Лејкерси запиша 19 поени и четири асистенции, додека кај поразените Ентони Дејвис постигна 16 и погоди три блокади.

притисни ентер