Трамп ќе добие подарок вреден 400 милиони долари: „Би било глупаво да го одбијам“ - Канал 5

Свет

Трамп ќе добие подарок вреден 400 милиони долари: „Би било глупаво да го одбијам“

Доналд Трамп, претседателот на САД, денес изјави дека би било „глупаво“ да ја одбие дарежливата понуда од катарското кралско семејство.

Трамп ќе добие подарок вреден 400 милиони долари: „Би било глупаво да го одбијам“

Тој ги отфрли етичките загрижености во врска со планот да прифати луксузен „Боинг“ вреден 400 милиони долари, кој би бил опремен да служи како претседателски авион „Ер форс уан“.

Трамп изјави дека „Боинг 747-8“ на крајот ќе биде дониран на неговата претседателска библиотека и дека не планирал да го користи за лични цели по напуштањето на функцијата.

– Мислам дека тоа е одличен гест од Катар. Многу го ценам. Никогаш не би бил некој што би одбил таква понуда. Би можел да бидам глупав и да кажам: ‘Не, не сакаме бесплатен, многу скап авион’ – изјави Трамп пред новинарите во Белата куќа пред да замине на патување на Блискиот Исток, пренесува Ројтерс.

Тој ја припиша понудата на благодарноста за американската помош во одбраната на земјите од регионот, вклучувајќи ги Катар, Саудиска Арабија и Обединетите Арапски Емирати. Трамп исто така изјави дека прифаќањето на таа понуда било практична одлука и изрази разочараност што на „Боинг“ му требало толку многу време да ги испорача новите авиони „Ер форс уан“ што ги нарачал за време на својот прв претседателски мандат, пишува Танјуг.

Демократските сенатори Брајан Шац, Крис Марфи, Кори Букер и Крис Кунс наведоа дека прифаќањето на таков подарок од страна на Трамп би создало јасен судир на интереси и би отворило сериозни прашања за националната безбедност поради странско влијание.

Портпаролката на Белата куќа, Керолајн Ливит, изјави дека правните детали околу донацијата на Министерството за одбрана сè уште се разработуваат и дека администрацијата на Трамп не е загрижена околу тоа што би можел Катар да побара за возврат.

Ројтерс наведува дека „Боинг 747-8“ би бил еден од највредните подароци што некогаш ги добила американската влада.

Катар во неделата соопшти дека се во тек разговори со Соединетите Американски Држави за „можен трансфер“ на авионот што привремено би се користел како претседателски авион на Трамп, но негираше дека авионот се „подарува“ или дека е донесена конечна одлука, пренесува Биз Портал.

Тагови: Доналд Трамп подарок САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во Јадранот во близина на Чањ: Две жени и четири деца се заглавија меѓу карпите

Синоќа, спасувачката единица на Управата за поморска безбедност безбедно евакуираше група од шест туристи, две жени и четири деца, чиј чамец се заглавил меѓу карпите во близина на Чањ.

Драма во Јадранот во близина на Чањ: Две жени и четири деца се заглавија меѓу карпите

„Операцијата започна веднаш по пријавата, по полноќ. Граѓанин од крајбрежјето ги извести властите дека чамецот со возрасни и деца се заглавил во карпите, по што спасувачкиот брод SAR-1 беше испратен од Бар без одложување. Исклучително тешка операција, со оглед на силниот ветер, кој дополнително го отежнуваше пристапот и евакуацијата во ноќни услови, спасувачите прво, двајца по двајца, извлекоа четири деца на возраст од 11 до 14 години на безбедно, а потоа двајца возрасни, од кои едниот не знаеше да плива“, беше потврдено за РИНА во УПСУЛ.

Тие додадоа дека по пристигнувањето на плажата, сите лица биле предадени на тимот на Итна медицинска помош, кој веќе чекал на брегот. Спасените лица биле неповредени, освен што децата биле премрзнати и биле згрижени со термални обвивки обезбедени од спасувачите.

Порано истата вечер, спасувачкиот тим на Администрацијата беше ангажиран и во друга задача, едрилица со двајца членови на екипажот, која беше надвор од употреба поради дефект на пропелерот, беше безбедно одвлечена од шлепер до пристаништето во Бар.

„Овие случаи покажуваат колку е важна брзата реакција и од граѓаните и од службите. Доколку повикот не беше пристигнат на време, исходот можеше да биде сосема поинаков во овие услови. Затоа Администрацијата за поморска безбедност на Јадранот ги повикува сите да се јават на 129 без двоумење штом ќе забележат пловило или лице во неволја на море. Секоја минута е важна, а брзиот извештај им дава на спасувачките екипи драгоцено време да пристигнат и да помогнат“, истакнува UPSUL.

Тагови: Јадран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со вкупно 77 гласа, од кои 58 „против“  и 19 „за“  во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

Не помина интерпелацијата за министерот Панче Тошковски

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

На Пелистер спасена мала срна која била нападната од куче (ВИДЕО)

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер