Андриј Портнов, кој до 2014 година му беше советник на поранешниот украински претседател Виктор Јанукович, денеска е застрелан на среде улица во близина на Американското училиште во Мадрид.

Инцидентот се случи утринава околу 9:15 часот, во момент кога голем број ученици пристигнувале во училиштето, пишува шпанскиот весник „Марка“, повикувајќи се на полициски извори.

Телото е пронајдено без знаци на живот на јавна површина, многу блиску до училиштето, а имало повеќе прострелни рани.

Полицијата излегла на местото на настанот и, според „Марка“, веќе започнала истрага со цел расветлување на инцидентот. Првите претпоставки укажуваат на можното намирување на долговите како мотив за кривичното дело.

Според информациите што „Ел Периодико“ ги добил од извор близок до истрагата, жртвата е Андриј Портнов, адвокат од украинско потекло и добро позната личност која советувала компании и граѓани од Украина и други источноевропски земји.

Портнов беше советник на поранешниот украински претседател Виктор Јанукович, а во тоа време беше на црната листа на Европската унија за наводни кривични дела поврзани со проневера на јавни средства и кршење на човековите права во неговата земја.

Иако не беше осуден, тој беше истражуван од украинската тајна служба за наводни врски со Русија.

#SUMMA112 confirma el fallecimiento de un varón con heridas por arma de fuego en #PozueloDeAlarcón.

Colabora @SEAPAPozuelo y #PolicíaLocal.@policia se encarga de la investigación. pic.twitter.com/yJJnoCcval

— 112 Comunidad de Madrid (@112cmadrid) May 21, 2025

Насилно се пали депонијата „Трештена скала“, на која се депонира сметот од граѓаните и фирмите во Општина Штип. Две лица со моторни возила насилно влегле во депонијата и ја запалиле, а на чуварската служба на ЈП „Исар“ и упатиле и смртни закани, ова е причината за вчерашниот пожар на депонијата, информираше на денешната прес-конференција градоначалникот на Општина Штип, Иван Јорданов.

Тој посочи дека случајот е пријавен во Полиција, откако се евидентирани од страна на чуварите на депонијата преку видео надзорот кој е поставен на депонијата „Трештена скала“ во Штип.

-Одредени лица со возила влегуваат насилно во депонијата, ја палат, за во наредните денови полесно да го селектираат железото и металот. Но, предизвикуваат општа опасност, еколошка катастрофа, загадување на животната средина и опасност од ширење на пожар, изјави Јорданов.

Штипскиот градоначалник, истакна дека лицата се добро познати на институциите, пријавени се во Полиција и апелираше соодветно да постапат и да одговараат.

-Апелирам до надлежните институции доколку имаат потреба од детални информации, стоиме на располагање. Се надевам дека ова ќе биде последен случај, оти се работи за здравјето на граѓаните, рече Јорданов.

Екипите на ЈП „Исар“ продолжуваат и во наредниот период со 24 часовен надзор. Инаку, депонијата „Трештена скала“ е на неколку километри од градот Штип, а пред неколку години, кога исто така беше запалена од страна на собирачи на старо железо предизвика и пожар во атарите на две штипски села, предизвикувајќи штета на земјоделски култури, а пожарникарите мораа брзо да интервенираат со цел огнот да не ги зафати и првите куќи во селото Драгоево.

„Државниот завод за статистика изминативе денови излезе со податоци, со споредба на првиот квартал од 2024 година и со првиот квартал од 2025 година. Бројките говорат дека имаме сериозен раст во делот на откупот и пласманот на земјоделските производи“, истакна министерот за земјоделство, шумарство и водостопанство, Цветан Трипуновски од општина Босилово.

„Во градинарскиот сектор зголемувањето е до 50% во споредба со првиот квартал од 2024 година. Тоа значи дека навистина како Влада, како Министерство се движиме во вистинска насока, да го зголемуваме производството и девизниот прилив во државата“, појасни министерот.

Министерот посочи дека и во другите сектори има зголемување во делот на откупот и пласманот на земјоделските производи.

„Тоа е еден добар параметар, добар показател дека навистина она што го работиме изминативе 10-11 месеци како Влада предводена од премиерот Христијан Мицкоски дава позитивни резултати“, истакна министерот Трипуновски.

Министерство за земјоделство, шумарство и водостопанство