Трамп ја повтори лажната изјава дека на учениците им го менуваат полот - Канал 5

Свет

Трамп ја повтори лажната изјава дека на учениците им го менуваат полот

Доналд Трамп, поранешниот претседател и кандидат на Републиканската партија на претстојните избори, продолжува да тврди дека училиштата во Соединетите Американски Држави ги испраќаат децата на операции .

Трамп ја повтори лажната изјава дека на учениците им го менуваат полот

Доналд Трамп, поранешниот претседател и кандидат на Републиканската партија на претстојните избори, продолжува да тврди дека училиштата во Соединетите Американски Држави ги испраќаат децата на операции за промена на полот без дозвола од родителите, иако неговата претседателска кампања не успеа да најде какви било примери за тоа дека навистина се случува.

Трамп првпат ова тврдење го изнесе на крајот на август, но Си-Ен-Ен и другите медиуми го демантираа на почетокот на септември.

Сепак, Трамп ја оживеа приказната како што се наближува денот на изборите (5-ти ноември), истурајќи милиони долари во реклами кои се занимаваат со трансродови прашања.

Минатата недела, за време на дискусијата за образовната политика во фризерски салон во Њујорк, која беше снимена од Фокс њуз, Трамп го повтори ова тврдење:

„Нема трансродови, нема операции, знаеш, некаде ти го носат детето, син ти оди на училиште, и се враќа како девојче. Без согласност од родителите“, рече тој и додаде:

„На почетокот мислев дека е претерано, но не: се случува. Се случува. Има места каде што се случува“.

Трамп не прецизира конкретни „места“ каде тоа наводно се случува. Сепак, тој го повтори тврдењето за време на интервјуто за подкастот на Џо Роган:

„Кој би сакал такви операции, има толку многу такви каде што го носат вашето дете на училиште и го претвораат од момче во девојче, без согласност на родителите“.

Тврдењето на Трамп сè уште е лажно. Нема докази дека училиштата во САД некогаш испраќале деца на операција за промена на полот без согласност од родителите, ниту дека таквата практика е законски дозволена. Дури и во државите каде што е дозволена операција за промена на полот за малолетници, потребна е согласност од родителите.

Кампањата на Трамп и четирите конзервативни групи со кои Си-Ен-Ен контактирале во септември не можеа да најдат докази за ова тврдење. Експертите за здравствена заштита на трансродовите велат дека ова сценарио едноставно не се случува во Соединетите Држави. Лендон Хју, постдокторски соработник на Факултетот за јавно здравје на Харвард и коавтор на студијата за распространетоста на операцијата за промена на полот во САД изјави во септември:

„Нема случаи на деца кои добиваат операции или пристап до операции преку училиштата. Ниту еден лекар во САД не би извршил операција на малолетно лице по инструкции на училиштето, а камоли без согласност од родителите“.

Д-р Мередит Мекнамара, лекар по медицина за адолесценти на Универзитетот Јеил, исто така се согласува:

„Се разбира, сè во оваа изјава е лажно. Сите операции се вршат во квалификувани медицински установи, а не во училишта. Родителите се тие што носат медицински одлуки за своите деца, особено кога станува збор за промена на полот.

За малолетниците во САД, потребна е согласност од родителите дури и за неоперативни третмани како што се блокатори на пубертетот и хормонска терапија. Според упатствата на Американската академија за педијатрија и Светската асоцијација за трансродово здравје, согласноста од родителите е задолжителна.

„Секој вид медицински или хируршки третман за промена на полот законски бара согласност од двајцата родители или законски старатели, како и согласност од адолесценти помлади од 18 години“, рече д-р Лора Тејлор, директор на програмата за промена на полот на Универзитетот од Јужна Калифорнија.

Иако нема точна национална статистика за бројот на малолетници кои биле подложени на такви операции, достапните податоци јасно покажуваат дека огромното мнозинство од овие процедури се вршат на возрасни.

Тејлор објасни дека процесот за малолетници кои бараат операција е долг и вклучува евалуација од интердисциплинарен тим.

„Одлуката за започнување на хормонска терапија или операција кај адолесцентите се носи по консултација со тим од експерти кои вршат психосоцијална проценка. Оваа проценка вклучува разбирање на дисфоријата, времетраењето на проблемот, исклучување на други причини и обезбедување информирана согласност од семејството. “.

Запрашана за доказите за тврдењето на Трамп дека училиштата тајно спроведуваат операции за промена на полот на децата, портпаролката на кампањата на Трамп, Каролин Левит, не понудила докази. Наместо тоа, таа поднела неколку написи за поширокото прашање за управување со родовите идентитети во училиштата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Златан потрошил девет милиони евра на црква: ѝ ја подарил на својата мајка

Еден од најдобрите светски фудбалери во последните две децении, Швеѓанецот со потекло од Балканот, Златан Ибрахимовиќ во текот на својата кариера, стекна огромно богатство и се здоби со статус на една од најголемите фудбалски ѕвезди.

Златан потрошил девет милиони евра на црква: ѝ ја подарил на својата мајка

Еден од најдобрите светски фудбалери во последните две децении, Швеѓанецот со потекло од Балканот, Златан Ибрахимовиќ во текот на својата кариера, стекна огромно богатство и се здоби со статус на една од најголемите фудбалски ѕвезди, сепак, како што често се истакнува, тој никогаш не го заборави своето тешко детство, ниту семејството кое се соочи со бројни животни предизвици.

Неговата мајка, Јурка Гравиќ, зазема посебно место во неговиот живот. Според медиумските извештаи, Златан ѝ подарил нешто навистина извонредно на својата мајка – ѝ купил црква во Шведска, чија вредност изнесува 9,24 милиони евра.

Покрај црквата, тој ѝ купил стан на мајка си во Новаља, а обезбедил и луксузен имот за својата сестра, Санела.

Овие гестови често се наведуваат како доказ за неговата посветеност кон семејството, кое – и покрај неговата светска слава и успех – останало негов најголем приоритет.

Зад животот што го води Златан денес, стои тешка семејна историја. Неговата мајка, Јурка – која потекнува од селото Пркос во околината на Задар во Хрватска – заминала за Германија на само 17-годишна возраст, во потрага по подобар живот. Како што своевремено раскажа нејзиниот брат, Гојко Гравиќ, таа токму таму ги добила ќерките Моника и Виолета, со својот прв сопруг.

Откако тој брак завршил, таа се омажила за таткото на Златан, Шефик Ибрахимовиќ – познат како „Кинко“ – фолк-пејач од Бијелина. Тие добиле две деца, Златан и Санела, но семејството подоцна се соочило со бројни тешкотии.

По вториот развод, Јурка живеела со своите деца во Малме, каде што животот бил сè, само не лесен. Златан во неколку наврати зборувал за своето растење во сиромаштија, истакнувајќи дека токму тие искуства го научиле да го цени она што го има денес. „Растев во сиромаштија, но тоа ме научи да го ценам она што го имам денес. Семејството за мене отсекогаш било на прво место“, изјавил фудбалерот.

Денес, Ибрахимовиќ поседува бројни недвижнини, вклучително и вила во Калифорнија – проценета на околу 1,5 милиони евра – која располага со тениски терен и базен. Во приватниот живот, тој ужива во времето поминато со својата сопруга Хелена, која е 11 години постара од него. Исто така, не е многу познато дека неговиот татко, Шефик Ибрахимовиќ, бил фолк-пејач кој настапувал низ цела поранешна Југославија. Тој дури му посветил и песна на својот син, насловена „Злато, Златане“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторна расправа за Законот за јавни набавки во Собранието

Во Собранието денеска исто така ќе се расправа и за законот за јавните набавки откако претседателката Гордана Сиљановска-Давкова претходно не го потпиша указот за негово прогласување.

Повторна расправа за Законот за јавни набавки во Собранието

Со тоа што пратениците на 10 ноември го усвоија амандманот со кој се смени начинот на именување на претседателот и членовите на Државната комисија за јавни набавки, претседателката оцени дека ваквата измена отвора простор за неограничен број мандати и отвора прашања за владеењето на правото и концентрацијата на моќта во одлучувањето за јавните средства.

Со спорниот член се предвидуваше можност за повторно именување без јасно ограничување на бројот на мандати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од недела задолжителна зимска опрема за сите возила

Од недела, 15 ноември, стапува на сила обврската за задолжително поседување зимска опрема во возилата, вклучително и зимски гуми, која ќе важи до 15 март 2027 година.

Од недела задолжителна зимска опрема за сите возила

Обврската важи за сите моторни возила што учествуваат во јавниот сообраќај, без разлика на временските услови и дали на коловозите има снег или мраз.

Возачите кои нема да ги исполнуваат пропишаните услови ризикуваат да добијат казна од 45 евра а целта на мерката е поголема безбедност во сообраќајот во текот на зимските месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер