Хоспитализиран е ден по позитивниот тест, откако во текот на денот чувствувал замор и имал покачена температура. Трамп ќе продолжи да ги извршува своите должности од специјален апартман во болницата и не размислува да му ги предаде надлежностите на потпретседателот Пенс. Непосредно пред заминувањето, тој преку видео снимка и се обрати на нацијата.
-Сакам да ви се заблагодарам на сите за фантастичната поддршка. Одам во болницата Волтер Рид. Мислам дека сум многу добро, но одиме да се уверам за сѐ да излезе во ред. И првата дама е добро. Ви благодарам, го ценам тоа и никогаш нема да го заборавам. Ви благодарам, изјави Доналд Трамп., претседател на САД.
Од лекарскиот тим на Трамп соопштија дека тој го прима антивирусниот лек Ремдесивир и не му е потребен кислород, иако CNN, повикувајќи се на болнички извори, објави дека тој веќе имал потешкотии со дишењето. Претходно, примил и коктел со антитела, кој се уште не е официјално одобрен.
Неизвесен останува и текот на кампањата. На 30 дена до изборите, сите негови претходно планирани активности одат или преку интернет или се одложени,. Поддршка стигна и од неговиот противкандидат, Џо Бајден, кој како што објавија медиумите, ги повлекол сите предизборни пораки кои го прикажуваат Трамп во негативно светло.
-Мојата сопруга Џил и јас се молиме брзо и целосно да закрепнат. Она не е прашање на политика. Ова е важно потсетување за сите дека мора сериозно да го сфатиме овој вирус, изјави Џо Бајден, кандидат за претседател на САД.
Медиумите објавија дека 70-годишниот Трамп е седми претседател на САД по Првата Светска војна кој има сериозни здравствени проблеми. Тој влегува во ризична категорија граѓани поради неговата возраст и вишокот килограми. Правата дама Меланија, која исто така е позитивна на корона вирусот, има блага температура и главоболка.