Трамп: Го направив НАТО силен

Поранешниот претседател на САД, Доналд Трамп на неговата социјална мрежа „Трут сошл“ (Truth Socia) напиша дека за неговиот мандат „Го направив НАТО силно“.

Неговата објава напишана со сите големи букви уследи откако за викендот дека „ќе ја охрабри Русија во случај да нападне членка на НАТО, која не ги плаќа своите сметки во Алијансата“.

- Кога реков дека 20 земји кои не го плаќаа својот фер удел мора да платат и дека ако не платат, нема да имаат американска воена заштита, парите почнаа да пристигаат. По толку години откако САД плаќаа за другите, тоа беше прекрасна глетка. Но, сега, кога не бев таму да кажам дека треба да платат, тие се вратија на стариот начин, посочи Трамп.

Коментарот на Трамп предизвика бурни реакции во Европа, а реагираа и генералниот секретар на НАТО, Јенс Столтенберг и претседателот на Европскиот совет, Шарл Мишел.

- Секоја сугестија дека сојузниците нема да се бранат меѓусебно ја поткопува безбедноста на сите нас, вклучително и на САД, и ги изложува американските и европските војници на зголемен ризик, наведе Столтенберг

Во меѓувреме, на изјавата на Трамп реагираше и претседателот на Европски совет, Шарл Мишел.

- Трансатлантската алијанса ја поддржува безбедноста и просперитетот на Американците, Канаѓаните и Европејците веќе 75 години. Невнимателните изјави за безбедноста и солидарноста на НАТО од членот пет им служат само на интересите на Путин и не носат ниту повеќе безбедност, ниту повеќе мир во светот, напиша Мишел на мрежата Икс.

Тој додаде дека невнимателните изјави за безбедноста и солидарноста на НАТО се во корист на рускиот претседател Владимир Путин и „не носат ниту повеќе безбедност, ниту повеќе мир во светот“.

Додека премиерот на Полска, Доналд Туск изјави дека Трамп донекаде е во право за изјавата дека НАТО нема да ги брани членките кои го отежнуваат финансирањето, „бидејќи Европа не смее да се потпира на добрата волја на САД да ја брани, затоа што тоа порано или подоцна ќе заврши со катастрофа“.

- Често сум се спротивставувал на Доналд Трамп, но мора да признаеме дека тој е во право. Ако Европа не почне вистински да се грижи за својата безбедност во поголема мера, ако ја оставиме безбедноста на Европа само на добрата волја и подготвеноста на САД да ја брани, тогаш порано или подоцна тоа ќе заврши со катастрофа, истакна Туск/

Тој додаде дека Европа мора да стане свесна дека е неодржливо да биде економски и цивилизациски џин, а кога станува збор за одбраната да биде џуџе.

- Светот се промени. Денес сите ја гледаме оската на Русија, Кина, Иран, Северна Кореја, која донекаде не потсетува на времето на Студената војна. Како земја на граница со фронтот, мораме да ги разбудиме политичарите и општествата во Европа, да ја сфатат заедничката одбранбена политика како заедничка инвестиција. Европските пари мора да одат и во одбрана, наведе Туск.

Трамп е фаворит за републикански претседателски кандидат на изборите што се закажани во ноември.

Според членот пет од Повелбата на НАТО, членките се обврзуваат да ја бранат секоја нација во блокот што е нападната.

Активисти ја прекинаа модната ревија на Викторија Бекам во Париз (ВИДЕО)

Ревијата на Викторија Бекам на модната недела во Париз беше прекината од активисти за правата на животните, кои им се придружија на нејзините модели на модната писта.

Групата Луѓе за етичко постапување со животните (Пета) соопшти дека тоа е протест против употребата на животинска кожа во модната индустрија воопшто, објави Би-Би-Си.

Демонстрантите носеа маици на кои пишуваше „Животните не се ткаенина“ и мавтаа со натписи „Вива веганска кожа“.

Викторија се појави со патерици на финалето на шоуто бидејќи има повреда на стапалото.

Таа носеше црна заштитна чизмичка на левата нога за да одговара на нејзината целосно црна облека. И покрај нејзината недоволна мобилност, таа прошета покрај модните фанови и критичарите во првиот ред, меѓу кои беше и поранешниот бразилски репрезентативец Роналдо, некогашен соиграч на сопругот на Викторија, Дејвид.

Таа накратко застана за да бакне некого во толпата и рече кусо „благодарам“.

„Викторија Бекам ја поздрави толпата со патерици поради повреда на стапалото што ја доби во теретана“, изјави нејзиниот сопруг Дејвид.

Иако модниот бренд на Бекам не користи крзно или егзотични кожи, Пета истакнува дека некои дизајни користат кожа.

Европската претседателка на Пета, Мими Бекечи, рече: „Ниту една облека или додаток не вреди насилно да се коле и дере чувствително и интелигентно животно.

„Ја повикуваме Викторија Бекам наместо тоа да се сврти кон етичките и еколошки иновации достапни денес, како што се врвната кожа направена од јаболка, грозје, ананас, печурки и друго.

Активистите од добротворната организација за правата на животните „Пета“ се познати по нивните протести и редовно демонстрираат на светските модни настани - вклучително и во Њујорк, Лондон и Милано.

СДСМ: Единствена шанса за подобра македонска иднина е членство во ЕУ

Членството во Европската унија претставува единствена шанса за подобра македонска иднина.

СДСМ иднината на Македонија ја гледа во ЕУ, како горда, рамноправна членка на европското семејство, до 2030 година.

Државата со СДСМ по 17 години чекање ги започна преговорите за членство во ЕУ и успешно го заврши скрининг процесот.

СДСМ на економски план изминатите години направи многу. Пензиите и платите ги покачи на историски највисоко ниво, успешно се справи со енергетската криза, како и со ковид кризата, преку антикризни пакети и таргетирани мерки парите се враќаат назад кај граѓаните.

Можностите за поголеми плати и пензии, функционален судски систем, забрзан раст на економијата, поголеми инвестиции, европски стандарди во сите области, доаѓаат од членството во ЕУ.

Друга алтернатива нема.

Она што го нудат Мицковски и ДПМНЕ е целосно откажување од иднината. Даваат лажни ветувања, со кои ја носат земјата во изолација.

Претстојните избори се најголемата шанса за да продолжи напредокот кон ЕУ со глас за СДСМ и коалицијата и да се спречи заканата од изолација на земјата со ДПМНЕ.

Не смееме сега да застанеме кога сме пред целта, се наведува во партиското соопштение.

ВМРО-ДПМНЕ: Срамно и жално- Пендаровски го спречува да се отсели од Македонија само функцијата

Стево Пендаровски пред 5-6 години на граѓаните им ветуваше живот, напредок и подобар стандард. 

Поразителниот резултат од неговата работа е неговото признание дека ако не бил бил на функцијата претседател на Македонија би ја напуштил и би се отсели.

Тоа во исто време е и срамно и жално.

Срамно е тоа што единствено нешто што го врзува за Македонија е фотелјата, а жално е што толку години во политиката и на функции не овозможил подобри животни услови за сите граѓани во Македонија.

Стево Пендаровски додека зема функционерска плата ништо не направи за намалување на сиромаштијата која достигна 600 илјади граѓани. Ништо не направи младите да најдат иднина во својата татковина. Ништо не направи на полето на економијата, на полето на образованието или било кое друго поле од системот кој е во целосно тонење.

Граѓаните се селат затоа што не функционира државата заради кадри како Стево Пендаровски.

Пендаровски го згази достоинството на Македонија и на народот. Тој го изгуби целосно својот кредибилитет и интегритет, се наведува во партиското соопштение.

притисни ентер