Трајко Недев: Во исклучително тешки услови, но сепак до висок пласман на Олимпијадата! - Канал 5

Други спортови

Трајко Недев: Во исклучително тешки услови, но сепак до висок пласман на Олимпијадата!

Македонските шаховски репрезентации денеска го завршија својот настап на Шаховската олимпијада во Узбекистан, а последниот натпреварувачки ден донесе победа за машката селекција над Јужна Африка (3:1) и женската селекција над Суринам (2,5:1,5).

Трајко Недев: Во исклучително тешки услови, но сепак до висок пласман на Олимпијадата!

Организациските проблеми предизвикаа многу компликации за сите учесници, а тоа го потенцира и селекторот Трајко Недев, кој во својата прва анализа на Олимпијадата го истакна и одличниот пласман на нашите шахисти и покрај специфичните услови во Узбекистан.

Како го оценувате настапот на македонската репрезентација на Олимпијадата?

Пред сè, мора да се каже дека настапивме во исклучително тешки услови. Сместувањето беше далеку од она што би го очекувале за една шаховска Олимпијада – имавме несоодветни соби, во дел од нив немаше сопствен тоалет и туш, а квалитетот на храната на моменти беше навистина проблематичен. За жал, здравствените проблеми се одразија врз целата екипа – практично сите имаа одредени проблеми со стомакот и температура.

Во такви услови, здравствениот статус во голема мера влијаеше врз составот и изборот на играчите за секој меч. На моменти едноставно играше оној кој беше во состојба да седне пред таблата и да одигра.

Дополнителен проблем беше и секојдневниот транспорт до салата, кој во еден правец траеше околу еден час. Тоа значи дополнително губење време и енергија во период кога играчите треба да бидат максимално концентрирани за партијата.

Имајќи го сето тоа предвид, 36. место на крајот е резултат кој заслужува респект. Стартувавме како 56-ти носител, а завршивме 20 места подобро од стартниот број. Дополнително, со пласманот обезбедивме и можност еден наш играч да настапи на Светскиот куп во 2027 година.

Како би ги оцениле индивидуалните настапи?

На првата табла, Емил Ристески одигра многу квалитетна Олимпијада. Неговиот перформанс беше 2453, а кога ќе се земе предвид силата на противниците со кои се соочи на првата табла, тоа е навистина одличен резултат.

На втората табла, Антон Златков направи голем чекор во својата кариера. Тој ја исполни ИМ нормата, со перформанс од 2467, и практично направи уште еден важен чекор кон освојување на титулата Интернационален мајстор. Тоа е една од најпозитивните индивидуални работи од оваа Олимпијада.

Од Тони Лазов очекувавме повеќе, но неговиот настап мора да се гледа и низ призмата на здравствената состојба. Во услови кога играчот не е физички подготвен, многу е тешко да се даде максимум на таблата.

Филип Панчески беше исклучително борбен. Заврши со перформанс од 2446, а особено впечатлив беше финишот – три победи во последните три кола. Тоа покажува карактер и способност да се подигне нивото на игра токму кога е најпотребно.

Никола Николовски исто така одигра солидно во најголем дел од турнирот. Последниот пораз го расипа конечниот резултат, но неговиот перформанс остана на 2351, што покажува дека одигра голем број квалитетни партии.

Што е најважно што го носите од оваа Олимпијада?

Ова е млада екипа и мислам дека најважно е да гледаме долгорочно. Имаме играчи кои допрва треба да се развиваат, да стекнуваат искуство и да покажуваат уште подобри резултати.

На оваа Олимпијада покажавме дека можеме да се носиме со силни противници и, и покрај сите проблеми со кои се соочивме, завршивме 36-ти, односно 20 места над стартната позиција.

За мене, како селектор, најважно е што играчите се бореа до последното коло. Резултатот, ИМ нормата на Златков и индивидуалните перформанси на првите табли се позитивни показатели дека оваа генерација има простор за понатамошен напредок.

Сега следува анализа на целиот настап – што направивме добро, каде можевме подобро и што треба да подобриме во подготовките за следните репрезентативни настапи. Ова не треба да биде крајна цел, туку една етапа во развојот на оваа млада репрезентација.

Македонската женска репрезентација на последниот натпреварувачки ден стигна до шеста победа на овој престижен турнир, па со дванаесет бодови го заврши настапот на делба на 63. место, односно со дополнителните критериуми е на 77. место во конечниот пласман.

Извор: Дерби.мк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Нов волшебен гол на неверојатниот Меси

Еден од најдобрите свтески фудбалери во историјата, Лионел Меси синоќа постигна еден од најдобрите голови од слободен удар во својата кариера.

Видео: Нов волшебен гол на неверојатниот Меси

Кариерата на Лионел Меси е одбележана со некои од најблескавите моменти видени на фудбалскиот терен, но се чини дека сè додека игра професионално, тој секогаш ќе биде способен да понуди нешто ново.

Синоќа, Меси настапи на натпреварот во МЛС-лигата меѓу Колумбус Кру и Интер Мајами, а снимката од неговиот гол постигнат во 33. минута предизвика големо внимание на социјалните мрежи.

Интер Мајами го загуби натпреварот со 2:1, а Меси го постигна единствениот гол за својот тим од слободен удар. Со оглед на позицијата и начинот на кој ја упати топката, овој погодок несомнено ќе се вброи меѓу најдобрите голови од слободен удар што некогаш ги постигнал аргентинскиот волшебник.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: 5 нови рудници, антимон, дата центри - во тек е голема пљачка на Македонија!

5 нови рудници, антимон, дата центри - во тек е голема пљачка на Македонија!

Кузеска: 5 нови рудници, антимон, дата центри - во тек е голема пљачка на Македонија!

Арамијата Мицкоски ја распродава Македонија и ја претвора во депонија за туѓи бизнис интереси.

Додека надвор вели дека Македонија не е сериозна држава, додека ги навредува граѓаните дека се талог, сериозно ги распродава водата, земјата, рудата.

За туѓи интереси и профити, на штета на најважното – здравјето на луѓето.

Во тек е голема пљачка на Македонија!

Пет нови рудници. Иловица–Штука, Казандол, Плавица, Кадиица, Луке, планирани геолошки ископи и на планината Кожув.

Нов рудник и за антимон, метал за воена индустрија.

Продавачи на оружје му ги плаќаат состаноците по хотели и ходници во САД. А тој им враќа со земја и испоп.

Ископ на отровен антимон за муниција. Провизијата за нив. Сметка за народот.

Мицкоски вели резервите биле поголеми од првиот и вториот производител во светот. Не кажа колку тони. Не кажа каде. Не кажа кој копа. Не кажа што останува за селата до јаловиштето.

Истата шема како кај дата-центрите: пет-шест фирми под радар, веќе договорени.

За две и пол години Мицкоски нема ниту еден економски резултат. Кошничката е до плафон, 90 илјади денари. Народот едвај врзвува крај со крај.

Затоа што Мицкоски државата ја гледа како плен. Нема економски политики, има грабеж!

ЕСМ тоне. Државата се задолжува а тие со Адамовиќ и Лазаревиќ, преку линковите со Руднап и Божиновска, тераат бизниси со струја и со броила.

Тоа се приоритетите на Мицкоски. Бизнисот, провизиите, профитите.

Под радарот и далеку од очите на граѓаните арамијата Мицкоски ги става во ризик водата и земјата на штета на здравјето на луѓето.

Ова е грабеж, пљачка и СДСМ силно ќе се спротистави.

Заедно со граѓаните ќе го блокираме планот за рудниците.

Македонија не е на продажба!

Прес конференција на СДСМ, Богданка Кузеска – портпаролка и членка на Извршниот одбор

YouTube video

Скопје, 28.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: На Филипче пак цел свет му е крив, никако да сфати дека СДС се распаѓа поради него

Филипче излезе вчера во јавноста и почна да го вперува прстот кон поранешни функционери и симпатизери на СДС, кои јавно кажаа дека не се согласуваат со него на мнгoу полиња, и уште еднаш покажа дека ќе прави се спротивно од сите останати.

ВМРО-ДПМНЕ: На Филипче пак цел свет му е крив, никако да сфати дека СДС се распаѓа поради него

Филипче излезе вчера во јавноста и почна да го вперува прстот кон поранешни функционери и симпатизери на СДС, кои јавно кажаа дека не се согласуваат со него на мнгoу полиња, и уште еднаш покажа дека ќе прави се спротивно од сите останати, само за да испадне дека е поразличен.

Претходно, ВМРО-ДПМНЕ му беше крива затоа што СДС се распаѓа под негово водство.

Веќе некое време, поранешни функционери на СДС се против Филипче да биде претседател, а за тоа се формираат и цели опозициски фронтови, со цел тој да се повлече, затоа што очигледно е дека, освен потрчковците лојални на Заев, меѓу кои е и тој самиот, сите знаат дека Филипче не ја води СДС да биде опозиција во земјава, туку сака само да дојде некако на власт. Пред одредено време, тој се нудеше на странски држави и ги усогласуваше неговите ставови со туѓи агенди, оти се надеваше дека ќе му помогнат да дојде на власт.

Никој не му е крив на Филипче што СДС се распаѓа, напротив, на ВМРО-ДПМНЕ му одговара вакво СДС на чело со него.

По две години ширење паника и хаос во јавноста, де со мигранти, де со измислици, СДС со Венко не успеа да направи ништо, не успеа ниту да биде опозиција, па следно се очекува да каже дека ќе дојдат вонземјани.

Дека Венко живее во друг свет, тоа на сите им е јасно, јасно е и по јавното мислење, јасно е и по бројките од неколкуте изборни циклуси, јасно е и по неговото и однесувањето на СДС, оти не знаат што прават како опозиција и никако не можат да се помират дека не се на власт, а ако продолжат вака, ќе исчезнат само како политичка партија.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер