Трагедија на скопската обиколница – во судар животот го загубија четири лица - Канал 5

Македонија

Трагедија на скопската обиколница – во судар животот го загубија четири лица

Денот ги разоткри размерите на катастрофата која синоќа околу полноќ се случи на скопската обиколница – изгорениот камион, испокршените банкини и трагите од пожар на асфалтот останаа нем сведок за страотната трагедија која одзеде четири животи.

Трагедија на скопската обиколница – во судар животот го загубија четири лица

Жртви во судирот се сите патници во возилото „БМВ“ кое целосно изгорело, односно 51 годишниот возач, Ристо Велков, еден од водечките баритони во МОБ, и уште три 20 годишни момчиња, меѓу кои и неговиот син Адам Велков.

Критичниот момент се случил токму на ова место, кога камионот од таа страна ја пробил банкината, удрил во уличното осветлување кое е во висина од 20 метри и го откорнал и при пробивањето на овој дел од патот удрил во БМВ-то, при што продолжил и завршил долу под патот во нивата.

76 годишниот возач на камионот со косовски регистарски таблички е во добра состојба, и веднаш по несреќата, по наредба на јавен обвинител, бил приведен и задржан во полиција. Причините за тоа како камионџијата се нашол на спротивната страна од автопатот во близина на Радишани, засега се сведуваат на неофицијални информации и се чека истрагата истите да ги утврди.

-Од судирот настанал пожар во двете возила, од кој патничкото возило и кабината на влекачот целосно изгореле. Од здобиените повреди на местото на несреќата починал возачот Р.В. и сопатниците од неговото возило Лекар од итна медицинска помош констатирал смрт, а по наредба на јавен обвинител телата на починатите се дадени на обдукција. Исто така, по наредба на јавен обвинител, возачот Б.Б. е лишен од слободаи задржан во полициска станица. По целосно расчистување и документирање на случајот ќе биде поднесена соодветна пријава,- - Гоце Андреевски – Портпарол на МВР.

Од МОБ велат, вестите ги дочекале со неизмерна тага и дека земјава пред се загубила добар човек, кој, како првенец, го носел епитетот „италијански баритон со кадифена боја“.

Македонската оперска сцена изгуби исклучителен уметник, врвен интерпретатор и човек, чиј глас уметност и сценско присуство оставија длабока трага во МОБ. Ристе Велков беше еден од водечките македонски баритони и еден од најхаризматичните оперски солисти,- – Национална опера и балет.

Со Велков се збогуваат и други бројни негови колеги, како и министерството за култура и министерот Зоран Љутков, кој на социјалните мрежи напиша дека дека денеска е тажен ден за македонската култура. Замолкна еден моќен и препознатлив глас, но одекот на уметноста на Ристе Велков ќе продолжи да живее на сцената, во музиката и срцата на публиката, порача Љутков, кој изрази сочувство до неговот семејството и најблиските.

YouTube video

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Издадено предупредување: Русите подготвуваат пекол (ВИДЕО)

Украинскиот претседател Володимир Зеленски изјави дека има информации дека Русија подготвува масовен напад врз Украина.

Издадено предупредување: Русите подготвуваат пекол (ВИДЕО)

„Постојат многу непријатни информации за подготовка на уште еден масовен руски напад. Постојат разузнавачки информации и веднаш по нашата прес-конференција ќе се вратам во Украина со мојот тим многу наскоро“, рече Зеленски на прес-конференцијата по церемонијата на отворање на ирското претседателство со Советот на Европската Унија.

Украинскиот претседател ги повика граѓаните да не ги игнорираат сирените за воздушен напад и веднаш да одат во засолништа во случај на опасност.

„Ги повикувам нашите луѓе да бидат особено внимателни, да се заштитат себеси, своите деца и семејства, да користат засолништа и да обрнат внимание на сирените за воздушен напад“, нагласи тој.

Тагови: Володимир Зеленски предупредување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер