Тошковски: Да изградиме институција што ќе им служи на граѓаните, а не на дневната политика - Канал 5

Тошковски: Да изградиме институција што ќе им служи на граѓаните, а не на дневната политика

Законот за внатрешни работи и измените на Законот за полиција претставуваат основа за темелна реформа на полицијата.

Тошковски: Да изградиме институција што ќе им служи на граѓаните, а не на дневната политика

Законот за внатрешни работи и измените на Законот за полиција претставуваат основа за темелна реформа на полицијата, од организацијата, преку раководењето и критериумите за унапредување, до интегритетот, систематизацијата, системот на кариера и одговорноста во работењето.

Ова не е законска козметика, туку суштинска промена што произлегува од анализа, дијалог и заедничка работа. Во процесот учествуваа:

- стручните служби на МВР,

- претставници на синдикатите,

- независни правни експерти,

- меѓународни партнери.

Препораките на ГРЕКО и анализите на ОБСЕ се целосно вградени во новите решенија.

[✅] Со новиот ЗВР:

- Ја поедноставуваме класификацијата на работните места.

- За првпат воведуваме тест за раководење и за позиција главен.

- Обуката станува услов за секоја раководна позиција.

- Воспоставуваме тест за професионален интегритет без политички влијанија.

- Советничките позиции конечно добиваат правно функционална рамка.

- Се воспоставува јасен и доследен систем за управување со човечки ресурси – од мобилност и распоредувања, до развој и кариера.

[✅] Со измените на Законот за полиција:

- Се дефинираат професионални и специфични критериуми за директорот на БЈБ – со искуство исклучиво во полициските работи.

- Се отвораат нови полициски станици во Сарај и Илинден, согласно безбедносни и територијални потреби.

- Се усогласува внатрешната организација и нормативното уредување со новиот концепт на управување во полицијата.

Додека некои, било од незнаење, било од желба за брзи политички поени, избираат да манипулираат и критикуваат без основа, ние остануваме посветени на суштината, да изградиме институција што ќе работи по јасни правила, ќе вреднува знаење и одговорност и ќе им служи на граѓаните, а не на дневната политика,рече министерот за внатрешни работи Панче Тошковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шест пријави за семејно насилство за еден ден- претепани сопруги, по еден случај за нападнат брат и ќерка

Во изминатото деноноќие, на територијата на целата држава регистрирани се шест пријави за семејно насилство.

Шест пријави за семејно насилство за еден ден- претепани сопруги, по еден случај за нападнат брат и ќерка

На 15.11.2026 во 18:10 часот во гостиварско село, полициски службеници од Полициското одделение Чегране го лишија од слобода А.Н.(35) од селото, постапувајќи по претходна пријава дека во дворот од семејната куќа, по кратка расправија, со остар предмет го нападнал неговиот брат.

На 16.11.2026 во 00:30 часот, полициски службеници од Полициското одделение Чашка го лишија од слобода Џ.Б.(51) од село во општина Чашка, постапувајќи по претходна пријава дека во домот физички ја нападнал неговата 36-годишна сопруга. Тој бил задржан во полициска станица и известен бил јавен обвинител.

Ноќеска (16.11.2026) во 00:05 часот во Струмица, полициски службеници од СВР Струмица го лишија од слобода Р.Д.(37) од Струмица, постапувајќи по претходна пријава дека во семејниот дом агресивно се однесувал кон неговата поранешна сопруга. Лицето било задржано во Полициската станица Струмица, а за настанот е известен јавен обвинител од Основното јавно обвинителство Струмица.

На 16.11.2026 во 03:30 часот во СВР Скопје е пријавено дека на 15.11.2026 околу 20:00 часот во домот на подрачјето на Бутел, С.Д.(34) физички ја нападнал неговата малолетна ќерка.

На 15.11.2026 во 13:15 часот во СВР Скопје, 36-годишна жена пријави дека на 14.11.2026 околу 18:30 часот во домот на подрачјето на општина Аеродром била физички нападната од нејзиниот сопруг Б.Д.(52).

На 15.11.2026 во 23:50 часот, полициски службеници од СВР Битола го лишија од слобода Р.М.(48) од Битола, постапувајќи по претходна пријава од неговата 43-годишна вонбрачна сопруга дека физички ја нападнал.

По пријавените случаи се преземаат мерки за целосно расчистување и документирање, по што ќе следуваат соодветни поднесоци.

Министерство за внатрешни работи упатува апел до граѓаните да не го премолчуваат семејното насилство и навремено да го пријавуваат секој случај. Секој што е жртва на семејно насилство, но и секој што има сознанија дека друго лице е изложено на насилство, може да пријави во најблиската полициска станица или на телефонските броеви 112 и 192, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски со осуди за нападот врз девојката во Охрид: Сè ќе сториме сторителот да биде изведен пред лицето на правдата

„Ова мое денешно обраќање требаше да биде на сосема поинаква тема, да зборуваме за содржината на состаноците коишто ги имавме денес овде, за борбата којашто ја водиме за Македонија во Белгија, Брисел.

Мицкоски со осуди за нападот врз девојката во Охрид: Сè ќе сториме сторителот да биде изведен пред лицето на правдата

„Ова мое денешно обраќање требаше да биде на сосема поинаква тема, да зборуваме за содржината на состаноците коишто ги имавме денес овде, за борбата којашто ја водиме за Македонија во Белгија, Брисел.

Но, за жал, до мене стигна ужасната вест којашто ги потресе охриѓани, но и генерално граѓаните на Македонија, за инцидентот и претепувањето на младата девојка.

Ја користам оваа прилика да изразам жалење и жестоко да го осудам дивјаштвото коешто се случува.

А, воедно, како човек, како родител, како татко, како брат и сопруг, сакам да изразам поддршка до семејството на девојката и да ветам дека сè ќе сториме како институција и јас како претседател на Владата, лицето коешто го сторило овој ужасен напад да биде изведено пред лицето на правдата.“, изјави премиерот Христијан Мицкоски, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Роберт Патисон е новиот Џејмс Бонд

Официјалниот профил на Џејмс Бонд на социјалните мрежи објави фотографија од актерот Роберт Патинсон, со која се потврдува дека тој ќе ја игра улогата на новиот Џејмс Бонд.

Роберт Патисон е новиот Џејмс Бонд

Роберт Патинсон е новиот Џејмс Бонд. Патинсон (40) е официјално најавен како наследник на Даниел Крег и стана седмиот актер што го игра познатиот агент 007 во официјалните филмови за Бонд, објави Би-Би-Си.

„Џејмс Бонд се врати“

Патинсон се појавува во промотивно видео по повод објавувањето на агентот 007.

Видеото кое потврдува дека Роберт Патинсон ќе го игра Џејмс Бонд го прикажува англискиот актер со пиштол во рака, облечен во елегантно одело и вратоврска.

Видеото завршува со пораката:

„Џејмс Бонд се врати“.

Како што е наведено, неговиот избор ќе го означи „почетокот на нова ера за еден од најпознатите ликови во историјата на киното“.

Објавата следеше по долг процес на избор на актерот. Патинсон наводно бил еден од петте кандидати кои влегле во потесен избор, заедно со Џошуа О'Конор и Калум Тарнер. Во петокот беше објавено дека на Патинсон му е понуден попрофитабилен договор од другите кандидати, што дополнително ги разгоре гласините дека тој е фаворит за улогата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер