Топлотниот бран во Европа однесе најмалку 18 животи, издаден е црвен аларм - Канал 5

Европа

Топлотниот бран во Европа однесе најмалку 18 животи, издаден е црвен аларм

Најмалку 18 лица починаа во Франција, вклучувајќи две деца кои беа оставени во загреан автомобил, бидејќи топлотен бран ја погоди Европа и ги собори рекордите за температура во неколку градови.

Топлотниот бран во Европа однесе најмалку 18 животи, издаден е црвен аларм

Училиштата низ Франција се затворени или работат по изменет распоред, додека метеоролозите во Велика Британија предупредуваат дека рекордите за температура во јуни би можеле да бидат соборени оваа недела.

Температурите во Бордо, во западна Франција, достигнаа 41,9 степени Целзиусови, соборувајќи го рекордот поставен минатиот август. Во Поатје, во централна Франција, беа измерени 41,2 степени.

Во Сан Себастијан, во традиционално постудениот север од Шпанија, се очекува температурите да достигнат 40 степени, повеќе од двојно од историскиот просек за 22 јуни.

Европа се затоплува двојно побрзо од остатокот од светот

Извештајот на Светската метеоролошка организација објавен во април покажа дека Европа се затоплува повеќе од двојно побрзо од глобалниот просек.

Службите за итни случаи не беа во можност да реанимираат две деца, на возраст од две и четири години, кои беа пронајдени во несвест во автомобилот на нивната мајка пред семејниот дом, изјави обвинителот во Карпентрас во југоисточна Франција.

„Три постари лица, на возраст меѓу 80 и 95 години, починаа за време на викендот во регионот Бордо поради здравствени компликации предизвикани од топлотниот бран“, изјави локален функционер.

Портпаролот на француската цивилна заштита, Жером Буланже, ги повика луѓето да пливаат само во области под надзор на спасувачи откако беа пријавени 13 давења.

Велика Британија би можела да постави јунски рекорд

Топлотниот бран што зафати големи делови од Европа е познат како „Омега блок“ поради неговата форма, која наликува на грчката буква омега - со маса топол воздух во средината и постуден воздух од двете страни.

„Топлиот воздух доаѓа од Северна Африка, или Сахара, и се движи многу бавно. Затоа имаме толку интензивна топлина“, објасни Клер Барнс, истражувач за екстремни клими на Империјал колеџ во Лондон.

Британската Национална метеоролошка служба соопшти дека четиридневниот топлотен бран би можел да ги зголеми температурите над 39 степени Целзиусови во некои области, со што ќе го сруши јунскиот рекорд поставен во 1957 и 1976 година. Само пред неколку недели, Велика Британија веќе го сруши својот температурен рекорд за мај.

Според прелиминарните податоци од Метео Франс, Париз би можел да ја забележи и највисоката јунска температура досега, со очекувани 38,4 степени Целзиусови.

Извор: Б92

Тагови: Европа топлотен бран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јувентус се откажува од ангажманот на голманот на Астон Вила, Емилијано Мартинез

Италијанскиот фудбалски гигант Јувентус одлучи да не го ангажира аргентинскиот голман Емилијано Мартинез, пренесе Фабрицио Романо.

Јувентус се откажува од ангажманот на голманот на Астон Вила, Емилијано Мартинез

Италијанскиот великан процени дека цената што ја бара Астон Вила за 33-годишниот аргентински репрезентативец е превисока.

Мартинез е дел од клубот од Бирмингем од 2020 година, неговите одлични настапи во Премиер-лигата му ја донесоа улогата на прв голман во националниот тим. Тој беше клучен играч во походот на Аргентина кон титулата на Светското првенство во Катар во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: Инцидент на рели, светскиот шампион излета од патеката, со хеликоптер пренесен во болница

Актуелниот светски шампион во рели, Себастиен Ожие, доживеа сериозна несреќа на Релито во Финска, но кратко по неа потврди дека и тој и неговиот совозач Жилиен Инграсија се надвор од животна опасност.

Видео: Инцидент на рели, светскиот шампион излета од патеката, со хеликоптер пренесен во болница

Французинот излета од патеката со голема брзина на претпоследниот саботен тест за брзина, додека водеше во генералниот пласман.

Неговата Тојота се преврте неколку пати и заврши целосно уништена, но Ожие и Инграсија успеаја сами да излезат од автомобилот.

Како мерка на претпазливост, двајцата биле однесени со хеликоптер во болница, каде што им биле извршени детални прегледи.

Заменик-шефот на тимот на Тојота, Јуха Канкунен, потврди дека двајцата возачи по инцидентот за среќа завршиле без сериозни повреди.

„Стапивме во контакт со нив и разговаравме. Себ беше повеќе во шок, но немаше скршеници. Со хеликоптер беа пренесени во болница на прегледи, што е рутинска и исклучително важна процедура по ваква несреќа. Сè уште не знаеме дали причината за несреќата беше технички дефект или нешто друго“, изјави Канкунен за „Rally.tv“.

Набргу потоа се огласи и самиот Ожие; им се заблагодари на сите за поддршката и истакна дека ќе остане во болница преку ноќ од претпазливост.

„Најважно е што и двајцата сме добро. Се разбира, ова не беше исходот на кој се надевавме, особено по фантастичниот почеток на викендот. Сакам да му се заблагодарам на целиот тим на „Тојота“ за изработката на толку издржливи и безбедни автомобили, како и на Жилиен, кој веднаш го извести моето семејство дека сè е во ред.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Алкараз за Ѓоковиќ: Тука нема простор за дебата

За еден од најдобрите светски тенисери во моментов, младиот Шпанец, Карлос Алкараз нема дилема:  славниот Србин Новак Ѓоковиќ е без конкуренција кога станува збор за движењето на теренот и карактеристичниот стил на лизгање ...

Алкараз за Ѓоковиќ: Тука нема простор за дебата

За еден од најдобрите светски тенисери во моментов, младиот Шпанец, Карлос Алкараз нема дилема: славниот Србин Новак Ѓоковиќ е без конкуренција кога станува збор за движењето на теренот и карактеристичниот стил на лизгање што стана негов заштитен знак.

Младиот шпански ас јавно му оддаде признание на српскиот тениски ас, ставајќи го на самиот врв во оваа категорија.

Оваа реакција беше поттикната од објава на официјалниот профил на АТП на Инстаграм, каде што од навивачите се бараше да го изберат играчот со најдобро движење на турнејата.

Покрај Ѓоковиќ и Алкараз, меѓу кандидатите беа и Рафаел Надал и Енди Мареј.

Меѓу илјадниците одговори од навивачите, посебно внимание привлече коментарот на шпанскиот тенисер; без двоумење, тој го даде својот глас за Ѓоковиќ.

„Ѓоковиќ. Тука нема простор за дебата“, напиша шпанскиот тенисер.

Српскиот тенисер го планира својот следен настап на турнирот „Мастерс“ во Синсинати, кој ќе му послужи како последна подготовка за „Ју-Ес Опен“. Од друга страна, Шпанецот исто така се подготвува за остатокот од сезоната и се очекува да биде меѓу главните фаворити на последниот грен-слем турнир оваа година, покрај Ѓоковиќ и Јаник Синер.

Тагови: Карлос Алкараз Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер