Топлотниот бран во Европа однесе најмалку 18 животи, издаден е црвен аларм - Канал 5

Европа

Топлотниот бран во Европа однесе најмалку 18 животи, издаден е црвен аларм

Најмалку 18 лица починаа во Франција, вклучувајќи две деца кои беа оставени во загреан автомобил, бидејќи топлотен бран ја погоди Европа и ги собори рекордите за температура во неколку градови.

Топлотниот бран во Европа однесе најмалку 18 животи, издаден е црвен аларм

Училиштата низ Франција се затворени или работат по изменет распоред, додека метеоролозите во Велика Британија предупредуваат дека рекордите за температура во јуни би можеле да бидат соборени оваа недела.

Температурите во Бордо, во западна Франција, достигнаа 41,9 степени Целзиусови, соборувајќи го рекордот поставен минатиот август. Во Поатје, во централна Франција, беа измерени 41,2 степени.

Во Сан Себастијан, во традиционално постудениот север од Шпанија, се очекува температурите да достигнат 40 степени, повеќе од двојно од историскиот просек за 22 јуни.

Европа се затоплува двојно побрзо од остатокот од светот

Извештајот на Светската метеоролошка организација објавен во април покажа дека Европа се затоплува повеќе од двојно побрзо од глобалниот просек.

Службите за итни случаи не беа во можност да реанимираат две деца, на возраст од две и четири години, кои беа пронајдени во несвест во автомобилот на нивната мајка пред семејниот дом, изјави обвинителот во Карпентрас во југоисточна Франција.

„Три постари лица, на возраст меѓу 80 и 95 години, починаа за време на викендот во регионот Бордо поради здравствени компликации предизвикани од топлотниот бран“, изјави локален функционер.

Портпаролот на француската цивилна заштита, Жером Буланже, ги повика луѓето да пливаат само во области под надзор на спасувачи откако беа пријавени 13 давења.

Велика Британија би можела да постави јунски рекорд

Топлотниот бран што зафати големи делови од Европа е познат како „Омега блок“ поради неговата форма, која наликува на грчката буква омега - со маса топол воздух во средината и постуден воздух од двете страни.

„Топлиот воздух доаѓа од Северна Африка, или Сахара, и се движи многу бавно. Затоа имаме толку интензивна топлина“, објасни Клер Барнс, истражувач за екстремни клими на Империјал колеџ во Лондон.

Британската Национална метеоролошка служба соопшти дека четиридневниот топлотен бран би можел да ги зголеми температурите над 39 степени Целзиусови во некои области, со што ќе го сруши јунскиот рекорд поставен во 1957 и 1976 година. Само пред неколку недели, Велика Британија веќе го сруши својот температурен рекорд за мај.

Според прелиминарните податоци од Метео Франс, Париз би можел да ја забележи и највисоката јунска температура досега, со очекувани 38,4 степени Целзиусови.

Извор: Б92

Тагови: Европа топлотен бран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пица без месење тесто

Во вторник (16.06.2026) во емисијата гостин ни бeше Роберт Митров и Никола Ѓеоргиев

„Гответе со Дракче“ - Пица без месење тесто

Состојки за денешниот рецепт:

170 гр. брашно

250 мл. јогурт

1 јајце

1 лажиче сол

1 лажиче шеќер

2 лажици масло

1 прашок за пециво

За фил:

200 гр. кашкавал

200 гр. шунка или кулен

100 гр. печурки

оригано и сусам

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска на пладне ќе има прекин на системот „Мој ДДВ“

Денеска  на пладне ќе има прекин на системот „Мој ДДВ“, информираат од Управата за јавни приходи. Прекинот во работата, додаваат од УЈП, е поради планирани активности за унапредување на ИТ-инфраструктурата на управата.

Денеска на пладне ќе има прекин на системот „Мој ДДВ“

„Недостапноста е поради миграција на системот на нова инфраструктура со цел обезбедување поголема сигурност и достапност на услугата“,велат од УЈП. Оттаму додаваат дека системот ќе биде повторно ставен во функција по завршување на активностите.

Тагови: Мој ДДВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗР: Наплатените придонеси не се доволни за покривање на дефицитот во пензискиот систем на државата

Објавен Конечен ревизорски извештај ДЗР - Фонд на пензиското и инвалидското осигурување на Република Македонија за 2024 година.

ДЗР: Наплатените придонеси не се доволни за покривање на дефицитот во пензискиот систем на државата

Зголемените приходи не се доволни за покривање на дефицитот за исплата на пензиите во 2024 година, поради што се вршат трансфери од Буџетот на државата кои учествуваат со 36,71% во вкупните приходи на Фондот Државниот завод за ревизија изврши ревизија на финансиските извештаи заедно со ревизија на усогласеност на Фондот на пензиското и инвалидското осигурување на Македонија (Фондот) за 2024 година.

Со извршената ревизија за 2024 година изразено е неповолно мислење за вистинито и објективно прикажување на финансиската состојба и резултатите од финансиските активности, како и за усогласеноста на финансиските трансакции со релевантната законска регулатива, упатства и воспоставените политики. Со спроведената ревизија ревизорите меѓу другото утврдија: Приходите од наплатен придонес за ПИО1 во 2024 година се зголемени за 14% во однос на претходната 2023 година2 и изнесуваат 71.435.601 илјади денари со учество од 61,74% во вкупно остварените приходи. Оствареното зголемување на приходите во 2024 година и понатаму не е доволно за покривање на расходите за пензии кои исто така секоја година бележат раст и во 2024 година изнесуваат 90.277.241 илјади денари.

Трендот на движење на учеството на трансферираните средства од Буџетот на Република Македонија во вкупните приходи во периодот од 2014 до 2024 година е прикажан на следниот графикон:

Графиконот укажува дека процентот на средствата кои се одвојуваат од Буџетот на државата до 2018 година континуирано се зголемува, за да од 2019 година бележи тренд на намалување. Во 2024 година учеството на трансферираните средства од Буџетот на државата учествува со 36,71% и бележи зголемување од 4,14 % во однос на 2023 година.

Врз основа на податоците од матичната евиденција на Фондот со состојба декември 2024 година, бројот на осигурениците изнесува 556.294 лица додека бројот на пензионери изнесува 343.048 лица односно соодносот пензионери/осигуреници на крајот од 2024 година изнесува 1:1,63 и истиот бележи намалување во однос на 2023 година кога изнесувал 1:1,70.

Ревизијата укажува на слабости во начинот на пресметката и навремената уплата на придонесите за осигурениците во вториот пензиски столб. Иако Фондот ги изготвува пресметките и ги доставува до надлежното министерство во законски утврдениот рок, средствата не се трансферираат навремено, при што во 2024 година доцнењето изнесува во просек околу два месеца. Заклучно со 27.02.2026 година, утврден е долг од 2.592.918 илјади денари по основ на нераспределени придонеси кон приватните пензиски друштва.

Ревизијата утврди дека Фондот не врши навремена уплата на придонесите и за здравствено осигурување на пензионерите кон Фондот за здравствено осигурување на Република Македонија, иако има законска обврска за тоа. Во 2024 и 2025 година исплатите се вршени со задоцнување од неколку месеци, при што до 28.02.2026 година придонесите се исплатуваат со доцнење од осум месеци. Вкупната неисплатена обврска за периодот од јуни 2025 до јануари 2026 година изнесува 8.415.865 илјади денари односно 136.400.000 евра. Оваа состојба овозможува пензионерите да користат здравствени услуги без навремено уплатени придонеси, што негативно влијае и врз ликвидноста на Фондот за здравствено осигурување на Република Македонија.

Фондот во континуитет се соочува со недостиг на кадровски капацитети на стручен и обучен кадар во секторите клучни за дејноста, подрачните единици, во Секторот за ИТ и во одделението за внатрешна ревизија, што значително влијае на квалитетот на извршувањето на дејноста и работењето на Фондот.

Во делот на административното работење на Фондот утврдени се одредени надминувања на утврдените слабости од минатаите години но во периодот предмет на ревизија, 2024 година, ревизијата утврди дека:

- не е извршено евидентирање на движниот и недвижен имот во деловните книги на постојаните средства добиени по основ на стечајни постапки за кои Фондот има сопственост или пренесено право на користење;

- пописот на земјиштето е нецелосно спроведен и не е воспоставена целосна сметководствена евиденција на истото; - пописот на дел од побарувањата е извршен без утврдување на правниот основ и застареност;

- Фондот не располага со целосни податоци за вкупно наплатените средства од акцизи од Буџетот и за основот за повлекување на средства од сметката од страна на надлежното министерство што влијае на потврдување на точноста и целосноста на наплатените приходи по овој основ;

- одредени слабости во начинот на издавање на деловниот простор под закуп;

- на сметката за уплата и распределба на придонеси, на крајот на секоја година остануваат парични средства кои не се користат за исплата на пензии;

-слабости во спроведувањето на дел од постапките и реализацијата на договорите за јавни набавки;

- слабости во начинот на доделување и исполнетоста на условите за сместување во становите при домовите за живеење на корисниците на пензија со кои стопанисува Фондот.

Во делот на останати прашања известуваме за не усогласеноста на Законот за ПИО со Законот за административни службеници во начинот на пресметка на платите на вработените.

За надминување на утврдените состојби дадени се препораки по кои надлежните органи имаат обврска да постапат.

Тагови: ДЗР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер