Топлотен бран ја зафати Аргентина

Топлотен бран ја зафати Аргентина, стотици илјади луѓе во Буенос Аирес останаа без струја поради дефект на мрежата.

Главниот град на Аргентина, Буенос Аирес, вчера беше погоден од голем недостиг на електрична енергија, поради што илјадници домаќинства останаа без струја поради топлотните бранови и температурите кои се искачија над 40 степени Целзиусови, меѓу највисоките во светот.

Дистрибутерите на електрична енергија Edenor и Edesur соопштија за исклучена струја поради високите температури што предизвикуваат зголемување на побарувачката на енергија за ладење домови и канцеларии.

Националната регулаторна управа за електрична енергија (ENRE) соопшти дека прекинот на струја погодил 700.000 луѓе во областа Буенос Аирес.

AySA, која го снабдува Буенос Аирес со вода, побара од жителите да ја оптимизираат употребата на водата бидејќи прекинот на електричната енергија влијаеше и на нивниот систем за прочистување. Високите температури се очекува да продолжат во текот на целата недела со пикови блиску до 40 Целзиусови степени, соопшти Националната метеоролошка служба (СМН). „СМН издаде предупредување во очекување на екстремен топлотен бран оваа недела, со температури кои би можеле да достигнат 41 степен Целзиусов во областа на концесијата", наведоа од Едесур во е-пораки до своите клиенти. „Работиме на зајакнување на нашата мрежа поради зголемената побарувачка".

Повеќе скопски населби утре без струја

Без струја утре од 8:30 до 12:30 часот ќе бидат дел од корисниците од улицата „Божидар Аџија", од Државниот студентски дом „Пелагонија" до улицата „Димо Хаџи Димов" во општина Кисела Вода.

Во периодот од 8.30 до 15:00 часот струја ќе немаат дел од корисниците од село Зелениково, а од 8:40 до 14:30 часот корисниците од улиците „13 Август-Охридски Договор", „1633" и „Роман Каскалиев" во општина Гази Баба.

Без струја утре од 9:00 до 11:00 часот ќе бидат дел од корисниците лоцирани на булевар „Партизански одреди" во општина Карпош, од 9:00 до 13.00 часот дел од корисниците од улицата „Мариовска" во општина Кисела Вода, а од 11:00 до 14:00 часот без струја ќе бидат дел од корисниците од улицата „Ванчо Мицков" во општина Карпош.

Како што соопшти РЦУК-Скопје, прекините се поради технички зафати во електродистрибутивниот систем.

СБ одобри 30 милијарди долари за обезбедување на храна

Светска банка (СБ) соопшти дека ќе стави на располагање 30 милијарди долари за да помогне во снабдувањето со храна, што е отежнато поради руската инвазија врз Украина.

Предвидено е 12 милијарди долари да бидат наменети за нови проекти и повеќе од 18 милијарди долари од постоечките проекти за храна и исхрана кои се одобрени, но сè уште не се исплатени.

– Порастот на цените на храната има катастрофални ефекти врз најсиромашните и најранливите. За информирање и стабилизација на пазарот, клучно е сега земјите да даваат јасни изјави за идното зголемено производство како одговор на руската инвазија врз Украина, изјави претседателот на Групацијата Светска банка, Дејвид Малпас.

СБ најави и дека очекува нови проекти за поддршка на земјоделството и наводнувањето, како и за социјалната заштита, со цел да се ублажат ефектите од повисоките цени на храната врз сиромашните. Повеќето ресурси одат во Африка и Блискиот Исток, Источна Европа и Централна Азија и Јужна Азија.

Тие области се меѓу најтешко погодените од војната во Украина. Земјите како Египет се во голема мера зависни од украинската и руската пченица и се борат за снабдување затоа што Русија го блокираше извозот на украинските земјоделски производи од пристаништата на Црното Море и воведе ограничувања за домашниот извоз.

ВМРО-ДПМНЕ: Дали Џафери во Берлин ќе му каже на германскиот колега дека ги пцуе вработените?

Дали Џафери во Берлин ќе му каже на својот германски колега дека ги пцуе, вреѓа и врши мобинг на вработените во собранието?

Нели му е непријатно на Талат Џафери и Димитар Ковачевски кога одат во земјите од ЕУ и нашите стратешки сојузници, каде моралните вредности се на највисоко ниво, и дали не се срамат дека тие дознале за нивниот примитивизам?

Како се чувствува Џафери кога зборува за човекови права, демократија и етички кодекс, а тој самиот е причина за трауми на десетици вработени во собранието?

Џафери ја срами Македонија, и позицијата која ја држи.

Талат Џафери по доаѓањето од Берлин треба да си поднесе оставка, а доколку тоа не го стори истото од него да го побара Димитар Ковачевски. Доколку и Ковачевски продолжи да релативизира, тој треба да знае дека народот го гледа и него како одобрувач на односот на Џафери, но и отворено ќе се сомнева јавноста дека односот на Џафери, е и однос на Ковачевски со неговите вработени.

Примитивизмот на оваа власт е исто така една од причините зошто ни се потребни предвремени парламентарни избори час поскоро.

Со почит,

Центар за комуникации на ВМРО-ДПМНЕ

притисни ентер