Томас Лауко, Главниот извршен директор на Publicis Groupe CEE ја носи глобалната АИ визија на самитот Macedonia 2026 - Канал 5

Технологија

Томас Лауко, Главниот извршен директор на Publicis Groupe CEE ја носи глобалната АИ визија на самитот Macedonia 2026

Еден од највлијателните гласови во глобалниот маркетинг, Томас Лауко, Главниот извршен директор на Publicis Groupe CEE, говорник на самитот Macedonia 2026.

Томас Лауко, Главниот извршен директор на Publicis Groupe CEE ја носи глобалната АИ визија на самитот Macedonia 2026

За првпат, Самитот Macedonia 2026 во организација на Македонија 2025, ќе му посака добредојде на Томас Лауко, Главен извршен директор на Publicis Groupe за Централна и Источна Европа (CEE), кој ќе биде дел од престижниот панел „Дигитална компетитивност: Вештачка интелигенција, податоци и индустриска трансформација“, што ќе се одржи на 13 мај во Скопје. Како еден од најважните и највлијателни гласови во маркетингот, технологијата и маркетинг трансформацијата во Централна и Источна Европа, првото појавување на Томас Лауко пред македонската публика со сигурност ќе биде една од најочекуваните работи на овогодинешниот самит.

Томас Лауко поседува ретка комбинација од стратешка визија и оперативна длабочина, водејќи една од најмоќните комуникациски групации на пазарите во Централна и Источна Европа.

Под негово водство, Publicis Groupe CEE постојано го надминува растот на индустријата кога се работи за имплементирање на иновации базирани на вештачка интелигенција, интегрирани платформи и оперативни модели базирани на податоци, а воедно има и голем удел во позиционирањето на регионот ЦИЕ како глобален центар за градење капацитети преку Центри за извонредност. Во своето излагање, Лауко ќе ја сподели со присутните неговата визија за тоа како вештачката интелигенција и податоците фундаментално ги реорганизираат индустриите и зошто идните лидери мора храбро да ја прифатат и интегрираат технологијата, со креативноста и стратегиите. Истакнувајќи дека неговото излагање нема да биде за иднината, туку за луѓето што веќе ја градат истата.

„Навистина сум воодушевен што имам можност да ја донесам нашата глобална и регионална перспектива во Скопје и што ќе можам да разменам знаење и искуства со бизнис лидерите што ја обликуваат иднината на земјата и регионот. Кога се комбинираат имагинацијата, технологијата и податоците, не само што се трансформираат бизнисите, туку се трансформира и потенцијалот. Во Publicis Groupe, нашата филозофија „Power of One-Моќта на еден“ значи посветеност на интегрирано и заедничко размислување и функционирање на секое ниво и токму тоа е она што нашата канцеларија го Скопје го покажува секој ден – таа е место каде што локалната брилијантност се среќава со глобалната амбиција и каде што иднината на комуникациската индустрија веќе се пишува“, изјави Томас Лауко, Главен извршен директор на Publicis Groupe CEE.

Самитот Macedonia 2026 е еден од престижните собири на бизнис, индустриски и политички лидери, посветени на унапредување на дискусијата за економскиот развој, иновациите и иднината на индустриите ширум Централна и Источна Европа.

Томас Лауко доаѓа во Скопје во година кога Publicis Groupe Македонија слави јубилеј, 30 години на креативност, иновации и континуирана трансформација на бизнисите и локалната заедница.

„Како компанија која е дел од поголемото семејство на Publicis, ние ја носиме глобалната визија на Publicis Groupe во Македонија, комбинирајќи ја глобалната “Power of One” култура со суштинско локално знаење, бидејќи локалното и глобалното знаење не се судираат, туку меѓусебно се надополнуваат. Во текот на изминатите три децении, не само што им помогнавме на брендовите да пораснат, туку и активно учествувавме во обликувањето на начинот на кој комуникацијата, креативноста и технологијата се спојуваат на македонскиот пазар.

Овие триесет години нè потсетуваат дека смелите идеи, креативност и блиската соработка со клиентите, можат да ги трансформираат не само брендовите и бизнисите, туку и заедницата во која живееме.

И навистина, не постои подобар начин да се одбележи овој јубилеј со тоа што ни се придружува нашиот глобален визионер Томас Лауко во Македонија.

На овој начин создаваме можност со сите нас да сподели знаења, да инспирира дијалог и да помогне во обликувањато на иднината на нашата индустрија“, изјави Александра Дилевска, Главен извршен директор на Publicis Groupe Хрватска и Македонија.

Publicis Groupe Македонија е една од најголемите и најнаградувани интегрирани комуникациски компании на пазарот и во регионот, која повеќе од 30 години претставува клучна сила во обликувањето на македонската маркетинг индустрија. Водена од пристапот Power of One, компанијата беспрекорно ја обединува експертизата на агенциите Publicis и Saatchi & Saatchi, со повеќе од 80 таленти кои испорачуваат комуникациски решенија за различни индустрии. Publicis Groupe С. Македонија е дел од Publicis Groupe – глобален лидер во комуникациите, присутен во повеќе од 100 земји, со околу 114.000 вработени ширум светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Холандија почина пациент заразен со западнонилска треска

Пациент заразен со вирусот Западен Нил почина во Холандија, но ризикот од заразување со болеста што се пренесува преку комарци во земјата останува „многу низок“, соопштија властите.

Во Холандија почина пациент заразен со западнонилска треска

„Во покраината Утрехт, едно лице почина од западнонилска треска. Ова лице се зарази со вирусот Западен Нил во Холандија и почина во болница“, објави Националниот институт за јавно здравје и животна средина (RIVM).

Нема вакцина или лек

RIVM регистрираше три случаи на инфекција со вирусот Западен Нил оваа година, веројатно заразени во Холандија. „Сè уште е многу малку веројатно дека луѓето ќе се заразат со треска од Западен Нил во Холандија“, се додава во соопштението.

Вирусот Западен Нил, присутен кај птиците, може да се пренесе на луѓето преку каснувања од комарци кои се хранеле со крвта на заразена птица. Вирусот не се пренесува од човек на човек.

Албанија, Австрија, Франција, Германија, Грција, Италија, Косово, Холандија, Македонија, Романија, Србија и Шпанија пријавија случаи оваа година, објави Европскиот центар за превенција и контрола на болести (ECDC) минатата недела.

Вирусот убива помалку од 1 процент од луѓето

Пет смртни случаи поврзани со вирусот Западен Нил се пријавени во Северна Македонија. Хрватскиот институт за јавно здравје во понеделник потврди три случаи на инфекција со вирусот Западен Нил во Хрватска, а еден пациент бил поврзан со вентилатор.

Во Европа, повеќето човечки инфекции се јавуваат за време на сезоната на комарци, од доцна пролет до есен, со врв на пренос помеѓу јули и септември.

Според RIVM, приближно 80 проценти од луѓето кои се заразуваат со вирусот Западен Нил немаат никакви симптоми, 19 проценти имаат симптоми слични на грип, а еден процент може да развие сериозни невролошки симптоми.

Не постои вакцина или лек за овој вирус.

Тагови: западно нилска треска Холандија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Шпанската традиција продолжува: Илјадници луѓе се гаѓаа со домати на улиците на Буњол (ВИДЕО)

Илјадници луѓе се собраа денеска во шпанскиот град Буњол на фестивалот Ла Томатина, каде што тони презреани домати ги преплавија улиците. 

Шпанската традиција продолжува: Илјадници луѓе се гаѓаа со домати на улиците на Буњол (ВИДЕО)

Буњол е мал град во источна Шпанија, околу 40 километри западно од Валенсија, пишува NY Post.

Фестивалот традиционално се одржува последната среда во август. Сè започна со спонтано гаѓање со храна во 1945 година и прерасна во годишна традиција. На фестивалот, учесниците фрлаат тони презреани домати едни кон други, а улиците завршуваат покриени со мелени домати и сок.

Полицијата денес употреби солзавец во еден момент од фестивалот за да растера дел од толпата. Целиот настан траеше повеќе од еден час, а зградите во центарот на градот претходно беа заштитени со церади.

Повеќе посетители од Индија

Благодарение на вниманието на медиумите, фестивалот прво стана национален, а потоа и светски настан во 1980-тите. Оваа година се очекуваа повеќе од 20.000 учесници. Според податоците на шпанската агенција EFE, во последните три години околу 40 проценти од посетителите биле странски туристи.

Бројот на посетители од Индија значително се зголемил по боливудскиот филм од 2011 година „Zindagi Na Milegi Dobara“ („Само еднаш се живее“). Филмот, кој ги следи тројца пријатели на патување за моминска забава во Шпанија, го претстави „La Tomatina“ и го популаризираше фестивалот меѓу индиската публика.

Влезницата за посетителите кои не се жители на Буњол е 15 евра. Постои само едно правило, а тоа е да се смачка доматот пред да се фрли за да се избегнат повреди. Многу учесници сè уште носат очила за пливање и чепови за уши за заштита.

По еден час, истрел од топ го означи крајот на настанот. Учесниците потоа можеа да се мијат во јавни тушеви, додека градските служби ги чистеа улиците со слуз. Иако дамките од домати на облеката тешко се отстрануваат, нивната киселина делува како природно средство за чистење, па затоа се вели дека улиците на Буњол се почисти од вообичаеното по фестивалот.

Слични фестивали се организираат во Флорида, Лондон, Амстердам, колумбискиот град Сутамархан и Хајдерабад, Индија.

Тагови: домати традиција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Спејс Икс на Маск планира изградба на најголемиот комплекс за лансирање на светот (ВИДЕО)

ЅpaceX ги откри плановите за изградба на огромен комплекс за лансирање во вселената вреден 100 милијарди долари во Луизијана.

Спејс Икс на Маск планира изградба на најголемиот комплекс за лансирање на светот (ВИДЕО)

ЅpaceX ги откри плановите за изградба на огромен комплекс за лансирање во вселената вреден 100 милијарди долари во Луизијана, од кој компанијата планира да ја лансира својата масивна ракета Starship илјадници пати годишно.

Се очекува изградбата да започне до крајот на следната година во близина на јужниот брег на Луизијана во округот Вермилион, а првото лансирање е планирано најдоцна до 2029 година.

Таквиот проект би претставувал голема промена за SpaceX и американската ракетна индустрија. Луизијана никогаш порано не била домаќин на орбитални лансирања, но би можела да стане најпрометниот центар за лансирање во светот.

Бројни кули ќе бидат посветени на прием на ракети

Новиот комплекс на Спејс Икс ќе се вика „Starbase, Louisiana“, именуван по неодамна основаниот град во Јужен Тексас кој е поврзан со SpaceX. Starbase, Тексас, моментално е дом на објектот за тестирање и развој на Starship, каде што се спроведени 13 тест летови со различен степен на успех.

Сепак, локацијата во Луизијана треба да служи за оперативни летови на Starship откако ракетата ќе биде подготвена за употреба и ќе докаже дека може безбедно да носи товар во орбитата.

SpaceX, исто така, планира да слета и повторно да користи секој дел од своите вселенски бродови, вклучувајќи го и горниот дел од вселенското летало, што никогаш порано не е направено. Целта е да се овозможи брза повторна употреба на ракетите и да се намалат трошоците за секое лансирање.

Ова значи дека Луизијана не само што ќе стане центар за лансирање, туку и место каде што ќе има бројни кули високи стотици метри, дизајнирани да примаат ракети и вселенски летала кога ќе се вратат од вселената.

Извршните директори на компанијата отпатуваа во Луизијана за да ги проценат потенцијалните локации

„Starbase Louisiana на крајот ќе има повеќе од десетина кули за лансирање, што ќе овозможи повеќе од 30 летови на вселенски бродови дневно и ќе го направи најголемиот комплекс за лансирање на Земјата!“, напиша извршниот директор на SpaceX, Елон Маск, на својот профил на социјалните мрежи X во вторник.

На презентацијата во Луизијана, оперативната директорка на SpaceX, Гвин Шотвел, го опиша проектот како „самоодржлив вселенски комплекс со сопствено производство на гориво, производство на енергија, можности за превоз на длабоко море, капацитети за обработка на возила и евентуално аеродром“.

SpaceX тивко развива планови за новиот комплекс со месеци во соработка со избраните функционери на Луизијана. Раководителите на компанијата отпатуваа во државата за да ги проценат потенцијалните локации, што доведе еден локален медиум да го нарече проектот „најлошо чуваната тајна“ во Луизијана.

Гувернер: Луизијана премногу често е искористена, она што го прави Маск е различно

Гувернерот на Луизијана, Џеф Ландри, републиканец, го промовираше проектот како можност за „трајна иднина и долгорочен просперитет“.

„Со генерации, индустриите доаѓаа во Луизијана не за да изградат траен просперитет, туку за да извлечат богатство. Премногу често, Луизијананците беа искористени, додека други уживаа во профитот. Денес, она што Елон Маск и неговиот тим ѝ го нудат на Луизијана е различно“, рече Ландри.

Голем дел од планот останува да се види. Старшип сè уште не е оперативен. Се очекува SpaceX да го спроведе својот најважен тест лет досега во септември, за време на кој ракетата би можела да стигне до орбитата за прв пат. Ќе бидат потребни дополнителни тестирања за да се утврди како горната фаза на ракетата може да се спушти и повторно да се употреби.

Веројатно ќе се соочи со обемна регулаторна контрола

Вселенски комплекс со големината и обемот на проектот во Луизијана веројатно ќе се соочи со обемна регулаторна контрола. „Проектот ќе ги помине сите применливи еколошки, мочуришни, природни ресурси и прегледи поврзани со лансирањето“, потврдува веб-страницата на проектот.

Ваквите прегледи што ги вклучуваат објектите на SpaceX во Тексас, кои се значително помали од планираниот комплекс во Луизијана, траеја речиси една деценија. Некои локални еколошки групи сè уште се борат против компанијата во судовите во Тексас поради влијанието на тестирањето на ракети врз локалните заедници.

Шотвел рече дека SpaceX планира да остави „големи делови“ од Starbase Louisiana, кој ќе се протега на околу 50.585 хектари, „недопрени, така што вредните мочуришта ќе останат живеалиште, а не да станат инфраструктура“. „Додека градиме, ќе помогнеме во финансирањето на заштитата, реставрацијата и управувањето со овие области“, рече Шотвел.

Соопштението е најновото во низата знаци на доверба дека Starship ќе го трансформира SpaceX. Компанијата веќе објави дека започнала постепено со повлекување од употреба на својата главна ракета Falcon 9, со цел да лета со повеќето мисии откако Starship ќе биде оперативен.

Тагови: Спејс Икс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер