Со поддршка на Илон Маск, 58-годишната sвезда на филмската серија „Невозможна мисија“ е подготвен да полета заедно со режисерот Даг Лиман да снимаат снимки за сè уште неименуваниот филм.
Круз и Лиман навистина ќе патуваат до Меѓународната вселенска станица следната година во капсулата „ Axiom Space Crew Dragon“ - вселенскиот шатл во сопственост на Маск - за проект поддржан од НАСА, објави „ Space Shuttle Almanac“
Доколку проектот навистина продолжи, тоа ќе биде првиот филм некогаш направен во вселената.
За Лиман исто така се верува дека го напишал сценариото, а „ Universal Pictures “ вложи 200 милиони долари во производство, пишува „ Deadline “.
Проектот за прв пат е објавен од НАСА уште во мај минатата година, кога директорот Џим Бриденстин објави на Твитер: „НАСА е возбудена што работи со Том Круз на филм на Вселенската станица! Потребни ни се популарни медиуми за да инспирираме нова генерација инженери и научници за да ги реализираат амбициозните планови на НАСА“.
Кристофер МекКвари, сценарист и режисер на филмови за невозможните мисии на Итан Хоук, ќе биде советник и продуцент на овој проект, заедно со Круз, Лиман и Пи-Џеј ван Сандвијк, кои се и продуценти на најавениот филм.
Следниот филм е многу очекуваното седмо продолжение од франшизата „Невозможна мисија“, што во моментов сè уште се снима откако проектот се соочи со непредвидени одложувања поради пандемијата на коронавирус.
Круз, покрај патувањето до вселената, има уште многу работа, бидејќи покрај „Невозможна мисија“, тој мора да го промовира и одложениот филм „Топ Ган: Маверик“, кој треба да биде премиерно прикажан во декември откако се одложи летната премиера.