Автомобилизам

Тојота најави производство на автомобили во Чешка- инвестиција вредна 680 милиони евра

Јапонскиот производител на автомобили „Тојота“соопшти дека ќе започне со производство на електрични возила (EV) во фабрика во Чешка, со инвестиција од 680 милиони евра.

Ова ќе биде прв пат производителот на автомобили да составува електрични возила во Европа, додека се стреми да ги намали емисиите на јаглерод диоксид на нула, објави „Кјодо“.

„Тојота“ усвои „повеќестран пристап“ за постигнување јаглеродна неутралност, ветувајќи дека ќе понуди различни опции на пазарот - од електрични возила на батерии до хибриди и автомобили со водородни горивни ќелии.

Јапонската компанија планира да го прошири својот постоечки производствен погон во Чешка, управуван од локална подружница, и да изгради фабрика за склопување батерии.

На настанот на кој беше објавен инвестицискиот план, чешкиот премиер Петр Фијала ја поздрави одлуката на „Тојота“, за која се очекува дека ќе ѝ помогне на неговата земја да ја одржи својата способност да произведува автомобили со користење на напредни технологии.

Тагови: тојота Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и топло

Времето денес ќе биде сончево и топло со мала до умерена локална облачност.

Попладне ќе биде нестабилно со пороен дожд, грмежи и засилен ветер. Наместа процесите ќе бидат поинтензивни во форма на невреме со силен ветер, пороен дожд, грмежи и појава на град. Ќе дува умерен, повремено засилен ветер од северен правец. Минималната температура ќе биде во интервал од 13 до 21, а максималната ќе достигне од 28 до 35 степени.

Во Скопје, сончево и топло со мала до умерена облачност. Во делови од котлината ќе има услови за краткотрајно невреме проследено со пороен дожд, силен ветер, грмежи и можна појава на град. Ќе дува слаб до умерен ветер од променлив правец. Минималната температура ќе се спушти до 20, а максималната ќе достигне до 35 степени.

Денес претпладне ќе биде сончево и топло, а во попладневните часови ќе има појава на нестабилност проследена со засилен ветер, пороен дожд и грмежи. Локално процесите ќе бидат во форма на невреме со силен ветер, пороен дожд и појава на град. До почетокот на следната седмица времето ќе биде сончево и топло со мала до умерена локална облачност. Во петок ќе дува засилен до силен ветер, претежно од северен правец.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски ќе присуствува на промоција на комунални возила

Денес претседателот на Владата на Република Македонија, Христијан Мицкоски, ќе присуствува на промоција на комунални возила, на паркингот пред спортскиот центар „Борис Трајковски“.

Предвидено е премиерот Мицкоски да даде изјава за медиуми.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Без вода делови од Центар

Една информација за граѓаните од централното градско подрачје.

Без вода денеска од 8:30 часот ќе останат корисниците на потегот од Градски Парк до владата, како и од булеварот „Илинденска“ до градскиот стадион, а од 9 часот и дел од корисниците на булеварот „Гоце делчев“, дел од објектите на Македонската телевизија и населбата Крњево. Како што соопшти регионалниот центар за управување со кризи на Град Скопје, прекинот со водоснабдување е поради уличен дефект на водоводна мрежа на улицата „Коле Неделковски“ бр. 5 во Општина Центар, и дефект на приклучна цевка на улицата „Дана Стуцки“ бр. 18, исто така во Општина Центар..

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.