Свет

Терористот, уапсен од Американци, раскажал каква улога имал во масакрот во Москва

Мухамед Шарифулах, кој бил уапсен од САД под сомнение дека е одговорен за нападот на аеродромот во Кабул во 2021 година, за време на испрашувањето признал дека им давал инструкции на луѓето кои учествувале во терористичкиот напад во Москва.

Наводниот организатор на бомбашкиот напад на аеродромот во Кабул пред четири години признал дека им дал инструкции на неколку извршители на терористичкиот напад во концертната сала во Москва, соопшти американското Министерство за правда.

За потсетување, веста за апсењето на Шарифула првично ја соопшти американскиот претседател Доналд Трамп за време на обраќањето пред Конгресот, истакнувајќи дека човекот е одговорен за смртта на американските војници за време на повлекувањето на војниците од Авганистан.

Подоцна, прес-секретарот на Белата куќа, Каролин Левит, изјави дека тој „ја признал одговорноста за нападите на аеродромот на Пакистанците“ и наводно бил вклучен и во други напади во Русија и Иран. Тој ги повтори овие изјави за време на испрашувањето од агенти на ФБИ, додаде таа.

За време на испрашувањето, Шарифулах им признал на агентите на ФБИ дека споделил инструкции за употреба на автомати Калашников и друго оружје со потенцијалните напаѓачи во име на ИСИС-К (авганистанскиот огранок на Исламската држава). „Тој, исто така, призна дека препознал двајца од четворицата милитанти кои беа уапсени како поединци на кои претходно им давал инструкции“, се вели во соопштението на американското Министерство за правда.

Да потсетиме, терористичкиот напад во концертната сала Крокус во Красногорск, Московскиот регион, се случи на 22 март. Напаѓачите отвориле оган од автоматско оружје врз луѓето во зградата и ја запалиле салата. Загинаа 145 луѓе.

Ракомет

Македонските ракометари во третиот „шешир“ пред жрепката за ЕП 2026

Откако македонската ракометна репрезентација во неделата се квалификуваше за Европското првенство следната година, денеска дозна дека ќе биде сместена во третиот „шешир“ пред ждрепката за завршниот турнир.

Македонија е во ист ранг со Австрија, Холандија, Црна Гора, Чешка и Полска и со овие репрезентации нема да биде во иста група на почетокот на Европското првенство.

Шешир 1: Франција, Данска, Шведска, Германија, Унгарија, Словенија

Шешир 2: Португалија, Норвешка, Исланд, Хрватска, Шпанија, Фарски Острови

Шешир 3: Австрија, Холандија, Црна Гора, Чешка, Полска, Македонија

Шешир 4: Грузија, Србија, Швајцарија, Романија, Украина, Италија

Ждрепката ќе се одржи во данскиот град Хернинг на 15 мај со почеток во 19 часот.

Веќе е познато дека Германија ќе игра во групата А во Хернинг, Данска во групата Б во истиот град, а Шведска во групата Е во Малме. Норвешка ќе игра во групата Ц во Осло, Фарските Острови ќе бидат во истиот град, но во групата Д, додека Исланд е сместен во групата Ф во Кристијанштад.

Репрезентациите ќе бидат поделени во шест групи од по четири екипи.

Европското првенство заедно ќе го организираат Данска, Шведска и Норвешка од 15 јануари до 1 февруари 2026 година./МИА

Тагови: ЕП 2026

НБА

НБА: Мичел се повреди, неизвесен за петтиот натпревар во плејофот

Кошаркарот на НБА лигашот Кливленд, Донован Мичел, го пропушти второто полувреме од четвртиот натпревар од плејоф серијата против Индијана, во кој неговиот тим беше поразен со 109-129, поради повреда на левиот глужд, објави денеска ЕСПН.

Тренерот на Кливленд, Кени Аткинсон, изјави дека на Мичел денеска ќе му биде направена магнетна резонанца, додавајќи дека во моментов „не знае“ дали неговиот најдобар играч ќе биде подготвен за петтиот натпревар во вторник.

Мичел го напушти теренот за време на полувремето да се загрее, но почувствува болка во левиот зглоб додека шутираше, по што во придружба на медицинскиот тим на Кливленд се врати во соблекувалната пред почетокот на третата четвртина и не се врати во игра.

Мичел постигна 12 поени во првото полувреме, а пред четвртиот дуел беше во одлична форма, врзувајќи два натпревари со 40 или повеќе поени, нешто што ниту еден играч на Кливленд не го постигнал од Леброн Џејмс./МИА

Тагови: НБА

Македонија

Манасиевски: Дали Филипче има удел во бизнисите на Заев во Дубаи

Дали Филипче има удел во бизнисите на Заев во Дубаи, затоа ли молчи за златната виза?

Молкот на Филипче е громогласен, а веќе 3 месеци се крие и бега од одговор за тоа од каде му е на него, златна виза за Дубаи?

Филипче во својот живот има работено како лекар, министер, пратеник, а со тие примања, тешко се доаѓа до златна виза, особено ако знаеме дека таа виза се добива врз база на инвестиции, а најмалку треба да се инвестираат над 500 илјади долари.

Оттука се поставува прашањето, од каде му пари на Филипче за инвестиции во Дубаи? Дали Филипче заедно со Заев инвестирал во 50катница во Дубаи? Од каде му на Филипче над 500 илјади долари за да добие златна виза? Или можеби ги чувал од мекици и родендени?

Почитувани,

Исмевање на интелигенцијата на народот, Филипче мисли дека ќе му пројде. Но, граѓаните и те како ги имаат прочитано и Филипче и СДС. Затоа, Филипче е со рејтинг рамен на статистичка грешка.

Филипче и Заев изминативе години ја срозија државата, ја донесоа пред банкрот, а сега со украдените пари, градат ли 50катница во Дубаи?

Филипче и Заев се срам за Македонија. Филипче, СДС и Заев се синоним за неспособност, криминал и корупција.

Валентин Манасиевски, член на ЦК на ВМРО-ДПМНЕ

Центар за комуникации на ВМРО-ДПМНЕ