Свет

Терористички напад на плажата Бонди: 12 загинати, меѓу нив и дете

Дванаесет лица, меѓу кои и едно дете, загинаа во вооружен напад на плажата Бонди во Сиднеј за време на прослава на Ханука.

Дванаесет луѓе, меѓу кои и едно дете, загинаа за време на пукањето на австралиската плажа Бонди, за време на прославата на еврејскиот празник Ханука, потврди полицијата на Нов Јужен Велс. Повредени се и двајца полицајци, а загинат е и еден од напаѓачите.

Според првичните информации, другиот наводен напаѓач е во критична состојба.

Мажите од кои едниот облечен во црно, можеа да се видат како пукаат кон луѓето од оружје со голема моќност. Десетици возила на полицијата и брзата помош се упатија на местото на настанот.

Видео снимките покажуваат две вооружени лица кои стојат на пешачки мост што ги поврзува Кемпбел Параде со Бонди Павилјонот и пукаат во толпата.

Полицискиот комесар на Нов Јужен Велс, Мал Ланион на прес конференција изјави дека неговите полицајци пронашле возило на плажата Бонди за кое веруваат дека содржи неколку импровизирани направи, а единицата за деактивирање бомби работи на случајот.

„Во тек се истраги. Нема извештаи за какви било други инциденти во Сиднеј поврзани со овој настан“, велат од полицијата.

Во меѓувреме, се појави видео снимка на која се гледа како граѓанин се справува со еден од вооружените напаѓачи. На снимката се гледа како мажот го напаѓа вооруженото лице одзади, се бори со него и успева да му го одземе оружјето, по што го врти оружјето кон напаѓачот и го принудува да се повлече..

Откако го совлада напаѓачот, граѓанинот го спушти оружјето и ги крена рацете во вис за да ѝ покаже на полицијата дека тој не е еден од напаѓачите. На видеото се гледа и како полицаец пристигнува на местото и отвора оган кон осомничените.

Нападот се случил денеска околу 18.30 часот по локално време, три часа подоцна беше објавено дека станува збор за терористички напад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Имаме договори со Хрватска,Швајцарија и Романија,во октомври очекувам договор со Словенија

Проблемот со превозниците се решава билатерално.

Веќе имаме договори со Хрватска Швајцарија и Романија работиме со Австрија, Унгарија Германија во октомври очекувам разговори со Словенија,ова утринава го кажа министерот за Транспорт Александар Николоски за проблемот со превозниците.

Претставниците на транспортните здруженија од Македонија, Босна и Херцеговина, Србија и Црна Гора пред три дена имаа регионален состанок во Скопје, тие најавија дека ќе ги почекаат разговорите на нивните претставници со Европската комисија, како и седницата на Европската комисија на 1 септември, по што, доколку нема конкретни решенија, ќе се организира регионален протест.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ поднесе кривична против полициски службеници и Манасиевски: Службени тајни завршиле во ВМРО-ОКГ

Поминаа 9 дена од нападот на младите активисти во Ново Село а досега никој не е повикан на распит, нема истрага, нема ништо.

Власта ги штити насилниците, молчи Јавното обвинителство, молчи МВР.

Прво ги нападнаа физички младите активисти после и јавно, со лаги и конструкции.

Мислеа дека ќе ги замолчат.

ВМРО-ОКГ на прес-конференција објави доверливи податоци од документи од Полициската станица Струмица.

Докуметни и податоци до кои немаат право на пристап и кои се водени како службена тајна.

А тоа е ново кривично дело.

Мислеа дека ќе се спасат?

Се излажаа.

СДСМ денеска поднесе Кривична пријава до Основното јавно обвинителство и до Обвинителството за гонење организиран криминал.

1.Против полициски службеници во СВР Струмица за повеќе дела:

-Злоупотреба на службената положба и овластување, со пристап кон казнената евиденција и извлекување на доверливи документи кои биле дадени и завршиле во ВМРО.

-Оддавање службена тајна (Член 360 од КЗ), затоа што податоците од казнената евиденција претставуваат класифицирана информација и службена тајна а завршиле во ВМРО.

-Злоупотреба на лични податоци (член 149), затоа што овозможиле податоци од посебна категорија (казнена евиденција) да бидат искористени за партиски цели на ВМРО-ОКГ, сосема различна од онаа за која се прибрани.

2.Понатаму, кривична пријава и против Валентин Манасиевски од ВМРО-ОКГ за:

-Злоупотреба на лични податоци. Бидејќи без никаков законски основ, јавно презентираше и соопшти податоци од казнената евиденција преку средства за јавно информирање.

-Поттикнување (член 23 од КЗ) поради основано сомнение дека самостојно или преку посредници, со умисла ги поттикнал првопријавените да ги извршат кривичните дела злоупотреба на службената положба и оддавање службена тајна.

Тоа го сторил со цел да му ги обезбедат предметните доверливи податоци за потребите на неговиот јавен настап.

Сега Јавното обвинителство е на потег. За прекршување на законите мора да има одговроност!

Криминалната ВМРО погреши што дигна рака на младите и прати насилници да ги тепаат.

Погрешија што направија уште едно кривично дело со злоупотреба на доверливи документи и податоци.

Нема да се спасат, сите ќе одговараат!

Прес-конференција на СДСМ, Александар Саша Димитријевиќ, генерален секретар

Ги нападнаа младите во Ново Село, па злоупотребија податоци - СДСМ поднесе кривична пријава

Власта ги штити насилниците, а Јавното обвинителство и МВР молчат за нападот на младите во Ново Село и злоупотребата на податоци, нагласи генералниот секретар на СДСМ, Александар Саша Димитријевиќ на денешната прес-конференција. СДСМ денеска поднесе кривична пријава до Основното јавно обвинителство и до Обвинителството за гонење организиран криминал поради злоупотреба на доверливи податоци.

„Поминаа 9 дена од нападот на младите активисти во Ново Село а досега никој не е повикан на распит, нема истрага, нема ништо. Власта ги штити насилниците, молчи Јавното обвинителство, молчи МВР.“ рече Димитријевиќ.

Димитријевиќ посочи дека младите активисти прво беа физички нападнати, а потоа беа предмет и на јавни напади преку лаги и конструкции.

„Прво ги нападнаа физички младите активисти после и јавно, со лаги и конструкции. Мислеа дека ќе ги замолчат.“ рече Димитријевиќ.

Ккривична пријава како што посочи Димитријевиќ, е против полициски службеници во СВР Струмица за повеќе дела.

„Против полициски службеници во СВР Струмица за повеќе дела: Злоупотреба на службената положба и овластување, со пристап кон казнената евиденција и извлекување на доверливи документи кои биле дадени и завршиле во ВМРО. Оддавање службена тајна (Член 360 од КЗ), затоа што податоците од казнената евиденција претставуваат класифицирана информација и службена тајна а завршиле во ВМРО. Злоупотреба на лични податоци (член 149), затоа што овозможиле податоци од посебна категорија (казнена евиденција) да бидат искористени за партиски цели на ВМРО-ОКГ, сосема различна од онаа за која се прибрани“, рече Димитријевиќ.

Тој додаде дека СДСМ пондесе кривична пријава и против Валентин Манасиевски од ВМРО-ОКГ за злоупотреба на лични податоци.

„Бидејќи без никаков законски основ, јавно презентираше и соопшти податоци од казнената евиденција преку средства за јавно информирање. Поттикнување (член 23 од КЗ) поради основано сомнение дека самостојно или преку посредници, со умисла ги поттикнал првопријавените да ги извршат кривичните дела злоупотреба на службената положба и оддавање службена тајна. Тоа го сторил со цел да му ги обезбедат предметните доверливи податоци за потребите на неговиот јавен настап“, рече Димитријевиќ.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Mладите ракометарки од Ѓорче Петров најдобри во Македонија ќе настапат на меѓународното „Pлазма“ финале во Сплит

Градоначалникот на Општина Ѓорче Петров, Александар Стојкоски денеска ги прими младите ракометарки од училишната екипа „АСТРА“ при ООУ „Тихомир Милошевски“, кои остварија извонреден успех на Спортските игри за млади - „Плазма“, освојувајќи го првото

Со овој резултат, младите спортистки од Ѓорче Петров се изборија за учество на меѓународното финале во Сплит, каде што ќе ја претставуваат Македонија и ќе се натпреваруваат со свои врсници од земјите од регионот.

На средбата, градоначалникот им честиташе на ракометарките за постигнатиот успех и им посака успешен настап на претстојното меѓународно натпреварување.

-Овие девојки се најдобри во Македонија и се вистинска гордост за Ѓорче Петров. Зад нивниот успех стојат многу труд, дисциплина, спортски дух и посветеност. Убеден сум дека достоинствено ќе ги бранат боите на своето училиште, нашата општина и Македонија и на меѓународното финале во Сплит. Општина Ѓорче Петров ќе продолжи силно да ги поддржува младите, училишниот спорт и создавањето услови за нови генерации шампиони - рече Стојкоски на средбата.

Посебни честитки беа упатени и до наставничката и ментор Мирјана Гошевска, како и до сите наставници, тренери и родители кои со својата поддршка придонесуваат за развојот и успесите на младите спортисти.

Спортските игри за млади „Плазма“ претставуваат една од најголемите аматерски спортски манифестации за деца и млади во регионот, а пласманот на ракометарките од Ѓорче Петров на меѓународното финале е уште една потврда за квалитетот и потенцијалот на младите спортисти од општината.

Општина Ѓорче Петров останува посветена на континуирано вложување во спортската инфраструктура, училишниот спорт и поддршката на младите таленти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.