Тензична средба Радев – Зеленски - Канал 5

Балкан

Тензична средба Радев – Зеленски

Радев го покажа вистинското лице и експллицитно застана зад Русија, се дел од реакции кон бугарскиот претседател кој се најде во вкрстен оган, по вчерашната средба со Зеленски во Софија.

Тензична средба Радев – Зеленски

Радев го покажа вистинското лице и експллицитно застана зад Русија, се дел од реакции кон бугарскиот претседател кој се најде во вкрстен оган, по вчерашната средба со Зеленски во Софија, а на која поранешниот воен пилот го убедуваше украинскиот колега зошто Украина не треба да добие помош во оружје од Бугарија.

-Паднаа некои маски. Ние и бугарското општество знаеме колку тешко формираме оваа влада но сега, односно од вчера се виде дека тоа било исклучително важно, Бугарија да има редовна влада и тоа го кажувам во контекст на искажаната позиција на претседателот Радев, кој вчера јасно се позиционираше на страната на Русија. , изјави Атанас Атанасов, пратеник на Продолжуваме со промената/Демократска Бугарија.

Никој во Бугарија не очекуваше дека претседателот со префикс проруски воопшто би ја поддржал Украина, но ретко кој сметаше дека Радев ќе предизика тензична средба со зачудени погледи и куп пишани забелешки кои ги нотираше Зеленски кон домаќинот, особено, откако Радев руската инвазија ја нарече конфликт, а не војна.

-Продолжувам да тврдам дека овој конфликтот нема воено решение. И колку повеќе оружје тешко ќе донесе решение, а тоа го гледаме веќе година и половина. Ние очекуваме да има решение, но тоа не се случува. , изјави Румен Радев, претседател на Бугарија.

-Не дај Боже да се случи трагедија и вие да сте на моето место и ако немате помош во оружје од луѓето со кои делите заеднички вредности, што ќе правите тогаш? Ќе речете ли „Путин зграби ја бугарската територија“? Не, вие како вистински претседател, сигурен сум дека пристапите на компромис, за државата, независноста и суверенитетот. , изјави Володимир Зеленски, Претседател на Украина.

По жестокиот напад на Зеленски, Радев побара камерите да ја напуштат просторијата, но веќе беше предоцна, а реакциите од синоќа се нижат на контото на претседателот, кого екс министерот за одбрана Ноев, го нарече лицемер кој е срам за државата. Бугарскиот премиер Денков денеска кусо порача дека помош за Украина ќе има, но само ако не ја загрозува безбедноста на земјата.

-Ова не е прашање за кое се разговара пред медиумите. Војската проверува што е потребно и што може да се даде. И кои се роковите за обновување н муницијата. , изјави Николај Денков, премиер на Бугарија.

Сенка на посетата на Зеленски фрли и инцидентот кога бугарски свештеник се обиде да се испречи пред конвојот возила на украинската делегација, за како што потоа самиот изјавил, да му фрли клетва на украинскиот претседател.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло време со температура до 33 степени

Времето утре ќе биде сончево и топло со мала до умерена локална облачност, информираат од УХМР.

Утре сончево и топло време со температура до 33 степени

КОЛИЧИНА НА ВРНЕЖИ за изминатите 9 часа во (l/m2)

18 Крива Паланка.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

МАКСИМАЛНА ТЕМПЕРАТУРА

19 Попова Шапка, 24 Крушево, 27 Берово, 28 Маврови Анови, 29 Крива Паланка, Претор, Прилеп, Виница, 31 Битола, 32 Тетово, Охрид, Штип, Струмица, 33 Демир Капија, Кавадарци, 34 Скопје – Петровец, 35 Скопје – Зајчев Рид, Велес, Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес претпладне беше сончево и топло со мала до умерена локална облачност. Во попладневните часови во источните делови од државата и тоа најпрво во североисточните, па потоа и во југоисточните, имаше појава на нестабилност со појава на грмежи, пороен дожд и наместа појава на суградица и град. Локално процесите беа во форма на краткотрајно невреме проследени со силен ветер, појава на грмежи, пороен дожд и наместа појава на суградица и град. Во североисточните делови дуваше северозападен ветер кој повремено надминуваше брзина од 60 km/h. Во текот на ноќта се очекува стабилизација на времето.

ВРЕМЕТО УТРЕ

Сончево и топло со мала до умерена локална облачност. Ќе дува умерен, повремено засилен ветер од северен правец. Минималната температура ќе биде во интервал од 12 до 19, а максималната ќе достигне од 29 до 33 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Минималната температура ќе се спушти до 18, а максималната ќе достигне до 33 степени.

ВРЕМЕТО ВО НАРЕДНИТЕ ДЕНОВИ

До средината на следната работна седмица времето ќе биде сончево и топло со слаба до умерена облачност во текот на денот. До понеделник ќе дува северозападен ветер кој во недела и понеделник долж Повардарието ќе надминува брзина од 40 km/h. Од Вторник ветерот ќе го смени правецот во југозападен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Камен пијан“ 67- годишен жител на Кадрифаково без возачка излетал од патот

Возач од светиниколско возел без дозвола и под дејство на алкохол и со возилото излетал од патот, следува пријава.

„Камен пијан“ 67- годишен жител на Кадрифаково без возачка излетал од патот

На 02.09.2026 во 16:13 часот, полициски службеници од ОВР Свети Николе го лишија од слобода Д.Б.(67) од с.Кадрифаково, светиниколско. Претходно, тој со патничко возило „форд“ со штипски регистарски ознаки, кое го управувал во село Кадрифаково, излетал надвор од патот.

При преземање мерки било констатирано дека го управувал под дејство на алкохол, односно му биле измерени 2,09 промили алкохол во крвта, без да поседува важечка возачка дозвола и со измината важност на сообраќајната дозвола. Извршен е увид, за настанот е известен јавен обвинител и по негово целосно документирање ќе следува соодветна пријава, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Убиен е руски генерал, кој наредил напад на детската болница во Киев- му пукале во лице

Во регионот Саратов во Русија, утрово беше извршен обид за атентат врз воен офицер кој командувал со ракетен напад врз Детската болница Охматдит во Киев во јули 2024 година. 

Убиен е руски генерал, кој наредил напад на детската болница во Киев- му пукале во лице

Според достапните информации, офицерот е во критична состојба, пишува украинска Правда.

Детали за нападот врз генералот

Каналот „Шпио досие Телеграм“ објави дека генерал-мајор Николај Варпаховиќ, командант на 22-та тешка бомбашка дивизија на руските воздухопловни сили, бил застрелан околу седум часот наутро. Истиот извор наведува дека Варпаховиќ е во критична состојба. Според информациите од каналот „Маш“, напаѓачот се упатил кон куќата во селото Пробужденије со мотоцикл со кацига на главата и отворил оган. Едниот куршум го погодил Варпаховиќ во торзото, а другиот во лицето.

Неговиот возач исто така бил ранет, кој успеал да избега, да се скрие, а потоа да повика брза помош. Лекарите ги отстраниле куршумите на Варпаховиќ и го подготвуваат за транспорт со специјален лет до Москва. Рускиот медиум „Астра“ пишува дека селото Пробуждение е наведено како една од адресите на Варпаховиќ.

Истрага и обвиненија

Напаѓачот сè уште не е уапсен. Регионалниот истражен комитет на Русија покрена кривична постапка за обид за убиство на воен службеник, што го потврди и државната агенција ТАСС.

Безбедносната служба на Украина (ССУ) на 31 август објави дека го сомничи Варпаховиќ, заедно со уште еден руски офицер, во отсуство за вмешаност во ракетните напади врз новинарите на „Ројтерс“ во регионот Донецк и Детската болница „Охматдит“.

Украинската истрага утврди дека Варпаховиќ ја издал борбената наредба за нападот врз болницата на 8 јули 2024 година. Војниците под негова команда извршиле целен удар со крстосувачка ракета Х-101, која била лансирана од руски стратешки бомбардер Ту-95МС.

Последици од нападот врз болницата

Во времето на нападот врз Охматдит, во болницата имало повеќе од 600 пациенти. Две лица беа убиени, вклучувајќи и еден лекар, а десетици луѓе беа повредени. Ракетата целосно ја уништи зградата за токсикологија и оштети уште четири згради каде што беа извршени операции и каде што беа лекувани тешко болни деца.

Овој обид за атентат доаѓа кратко откако автомобилот на руски војник експлодираше во Санкт Петербург на 27 август. Неговото име е во базата на податоци „Мировник“, а неговата единица беше обвинета за напади врз украински цивили.

Тагови: Генерал детска болница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер