Живот

Телескопот Џејмс Веб откри знаци на живот на далечната планета

Дали конечно ќе биде потврден живот надвор од нашата планета?

Тим од британски научници од универзитетот Кембриџ откри дека се пронајдени досега најсилните знаци за можен живот на планетата К2-18б. Иако се работи за неофицијални докази кои би можеле да укажат на постоење живот на друга планета, сепак тоа е голем чекор за науката, рече астрофизичарот и член на Собранието на Скопското астрономско друштво, Радан Митровиќ.

-Голема цел на науката и астрономијата и астрофизиката. Генерално е да се пронајде, една од целите, не е само тоа е да се пронајде и некаков си живот. Но, ние тешко може да детектираме, јас лично не очекувам да детектираме цивилизација, така како што ги гледаме во холивудските филмови, да имаме вселенски бродови или не знам како. Тоа тешко ќе се случи.- Радан Митровиќ

-Ние тешко можеме да знаеме сега за сега за каков евентуално живот би се работел. Веројатно за некој си голем, зашто, замислете, тоа е планета неколку пати поголема од нашата и е цела прекриена со огромна површина на океан. Ама тој океан не е длабок како што е кај нас 10км, тоа е океан најверојатно со можеби стотици километри длабочина.- Радан Митровиќ

Според него науката постојано трага по друга цивилизација, но се уште не е пронајдено ништо конкретно. Научниците истражуваат и имаат свои сателити кои мерат одредени параметри, но на друго место досега не е детектиран живот. Како што објасни за Канал 5, се работи за планета која има неколку пати посилна гравитација од нашата и за да се стигне до неа се потребни неколкукратно посилни ракети од оние кои се лансирани досега.

-Ние имаме неколку сателити на Јупитер и на Сатурн кои исто така имаат голема шанса да најдеме нешто што е живо. Но, сето тоа се сведува на еден принцип. Ние бараме вода. Ние имаме живот на планетата Земја затоа што имаме течна вода.- Радан Митровиќ

-Кога таа планета би била во Сончевиот систем, ние би можеле да дојдеме до неа и би можеле евентуално да слеземе на неа, но многу би било поголем проблем да полетаме од неа.- Радан Митровиќ

Оваа вест утринава ја објави универзитетот Кембриџ и одекна како топ тема и на светските медиуми, меѓу кои CNN, BBC и NBC.

Инаку, тимот од истражувачи го предводи професорот Нику Мандусудан од универзитетот Кембриџ. Според него, ова е најсилниот доказ за вонземен живот досега, а се надева и дека ќе може да се потврди истото во рок од една до две години.

Тагови: планета Џејмс Веб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.