Телефонски разговор Бајден – Кралот Абдула Втори - Канал 5

Свет

Телефонски разговор Бајден – Кралот Абдула Втори

Претседателот на САД Џо Бајден разговараше телефонски со кралот на Јордан Абдула Втори, за ситуацијата во регионот а по падот на режимот на Башар Асад во Сирија, соопштија синоќа од Белата куќа.

Телефонски разговор Бајден – Кралот Абдула Втори

Како што се наведува во изјавата Бајден „ја истакна својата целосна поддршка за процесот на транзиција и управување со Сирија под покровителство на Обединетите нации, а според Резолуцијата 2254 на Советот за безбедност на ОН“.

Бајден и Абдула исто така разговарале за ситуацијата на истокот од Сирија, земајќи ја предвид посветеноста на САД на мисијата за пораз на „Исламската држава“, вклучувајќи ги и нападите извршени минатата ноќ врз кампови на милитанти и локации каде што се наоѓале лидерите на ИД.

-Претседателот ја потврди поддршката на САД за стабилноста на Јордан и централната улога на Јордан во одржувањето на стабилноста и намалувањето на тензиите низ целиот Блиски Исток, се вели во изјавата од Белата куќа.

Од почетокот на граѓанската војна во 2011 година, повеќе од еден милион сириски бегалци пристигнале во соседниот Јордан. Вастите во Аман се надеваат дека ќе избегнат нова бегалска криза по падот на владата на Асад.

Разговорот меѓу Бајден и Абдула се одржа во контекст на посетата на заменик-државниот секретар на САД за политички прашања Џон Бас и помошник-државниот секретар за Блискиот Исток Барбара Лиф во регионот, а за консултации со клучните партнери. Според Стејт департментот, тие вчера се наоѓале во Аман, Јордан, а за време на викендот ќе отпатуваат во Катар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Републиканците го блокираа импичментот на Пит Хегсет, демократите најавуваат нов

Републиканците во Претставничкиот дом на САД го блокираа обидот за импичмент на министерот за Одбрана Пит Хегсет.

Републиканците го блокираа импичментот на Пит Хегсет, демократите најавуваат нов

Со 211 гласа „за“ и 204 „против“ беше усвоен предлогот за упатување на осумте точки за импичмент до правосудниот комитет.Иницијативата ја поднесе републиканскиот конгресмен Томас Маси, но не доби поддршка од ниту еден друг републиканец.

Демократите го обвинуваат Хегсет за злоупотреба на функцијата и незаконско наредување воени операции во Иран и Јемен.Во обвиненијата се споменуваат и американските напади врз бродови на Карибите, како и заробувањето на венецуелскиот претседател Николас Мадуро. Хегсет ги отфрли обвинувањата, оценувајќи дека обидот за негов импичмент е политичка фарса.Тој ја бранеше воената политика на администрацијата на Доналд Трамп и тврдеше дека неговите наредби биле законски.

Трамп и потпретседателот Џ.Д. Венс јавно застанаа во одбрана на министерот.Демократите, кои по среднорочните избори ќе ја преземат контролата врз Конгресот, најавуваат дека ќе разговараат за нова иницијатива.

Незадоволството од војната во Иран беше и еден од факторите што влијаеја врз изборните резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“ каде обвинети се Артан Груби и Перпарим Бајрами

Денеска продолжува рочиштето  за предметот „Државна Лотарија“. Меѓу обвинетите се поранешниот прв вицепремиер Артан Груби и поранешниот директор на Државна Лотарија, Перпарим Бајрами, како и уште шест лица.

Продолжува судењето за „Државна Лотарија“ каде обвинети се Артан Груби и Перпарим Бајрами

Тие се товарат за злоупотреба на службената положба и овластувања при набавка на видеолотариски терминали.

Според обвинението, со незаконско постапување на државната компанија ѝ била нанесена штета од околу 596 милиони денари, односно 9,7 милиони евра.

Сите обвинети досега се изјаснија дека не се чувствуваат виновни.Бајрами на судењето се појави откако претходно беше во бегство, а притворот му беше заменет со гаранција во недвижен имот вредна над 1,1 милион евра.

На Груби кој исто така беше во бегство пред судењето, му беше укинат домашниот притвор, но останува без пасош и со други мерки на претпазливост.

Тагови: Државна лотарија Артан Груби Основен кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со изведување докази на одбраната продолжува судењето за пожарот во „Пулс“

Со изведување на докази на одбраната, која има најавено 240 сведоци, во судницата во затворот „Идризово“ при Основниот кривичен суд Скопје денеска продолжува судењето за пожарот во дискотеката „Пулс“ во Кочани.

Со изведување докази на одбраната продолжува судењето за пожарот во „Пулс“

Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември минатата година, осум месеци по катастрофалниот пожар што се случи на 16 март 2025 година за време на настап на групата ДНК, во кој животот го загубија 63 лица, а над 200 беа повредени.

Тагови: Основен суд Кочани Пулс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер