Тејлор Свифт бира венчаница инспирирана од легендарна холивудска актерка - Канал 5

Шоу биз

Тејлор Свифт бира венчаница инспирирана од легендарна холивудска актерка

Светската музичка ѕвезда, Тејлор Свифт наводно ќе избере фустан инспириран од легендарната холивудска актерка Елизабет Тејлор за нејзината претстојна свадба со Тревис Келс. 

Тејлор Свифт бира венчаница инспирирана од легендарна холивудска актерка

Според странските медиуми, Свифт е особено привлечена од стилот што Тејлор го носеше на нејзината прва свадба во 1950 година, кога се омажи за Конрад Хилтон. Фустанот, препознатлив по класичниот крој, нагласениот струк и деталите од чипка, стана еден од најзначајните во историјата на модата.

Извори тврдат дека Тејлор развила посебен интерес за естетиката на старата холивудска ера додека работела на песна посветена на познатата актерка, која е вклучена во нејзиниот последен албум.

Венчавката, која веќе привлече големо внимание од јавноста, е закажана за 3 јули во Њујорк, а подготовките се во тек. Според достапните информации, поканите веќе се испратени до гостите.

YouTube video

Меѓу гостите и членовите на потесниот круг се голем број познати личности, меѓу кои Селена Гомез и Џиџи Хадид, кои наводно подготвуваат посебна содржина за церемонијата, вклучувајќи видео посветено на врската на двојката и забавна програма за гостите.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем пожар во туристички регион во Турција: Евакуирана болница и десетици куќи (ВИДЕО)

Голем шумски пожар што избувна во туристичкиот регион Мугла во југозападна Турција доведе до евакуација на жителите и затворање на еден главен пат.

Голем пожар во туристички регион во Турција: Евакуирана болница и десетици куќи (ВИДЕО)

Десетици домови се евакуирани, како и одделението за интензивна нега во локалната болница, а автопатот помеѓу Фетије и Анталија е затворен поради густ чад, објавува Бианет.

Пожар потпомогнат од ветер се прошири

Пожарот избувна на обработливо земјиште во населбата Бајир во округот Сејдикемер во Турција. Силните ветрови потоа го проширија во блиската шума. Пожарот се гаси од воздух и од копно, а според соопштението од канцеларијата на гувернерот на Мугла, на терен се распоредени речиси 400 луѓе, пет авиони и 12 хеликоптери.

Превентивни евакуации

Како мерка на претпазливост, властите евакуираа 65 лица од 43 домови лоцирани во близина на местото на пожарот. Одделенијата за интензивна нега и палијативна нега на Државната болница Сејдикемер се исто така евакуирани. Болницата е оддалечена околу 2,5 километри од пожарот.

Прекин во сообраќајот

Автопатот што ги поврзува Анталија и Сејдикемер е затворен за сообраќај. Властите соопштија дека пожарот и густиот чад целосно го покриле подрачјето, што го направило сообраќајот небезбеден.

Тагови: пожар турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ал-Итихад му понудил на Меси рекордни 1,5 милијарди евра, но тој ги одбил

Претседателот на саудискиот клуб Ал-Итихад, Анмар Ал Хаили откри дека бил подготвен да го урне светскиот рекорд за највреден договор во спортот само за да го доведе Лионел Меси.

Ал-Итихад му понудил на Меси рекордни 1,5 милијарди евра, но тој ги одбил

Според првиот човек на Ал-Итихад, клубот му понудил на капитенот на Аргентина фантастични 1,5 милијарди евра по заминувањето од ПСЖ, за трансвер во Саудиска Арабија, но Лео без двоумење ја одбил понудата и се решил кариерата да ја продолжи во Интер Мајами.

„Му понудивме 1,5 милијарди евра, но тој ја одби понудата затоа што неговото семејство сакаше да живее во Мајами“, изјави Ал Хаили.

Еден од најдобрите светски фудбалери во историјата без многу размислување ја одбил фанстатичната понуда бидејќи сакал да остана доследен на своите лични приоритети и изборот во иднина да продолжи да живее во САД иако саудискиот клуб бил подготвен да понуди историски договор.

39 годишниот Меси по заминувањето од Париз, од 2023 живее во Мајами во САД, каде го носи дресот на Интер Мајами.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на работен состанок за реформската агенда: Остануваме посветени на спроведување на реформите

Премиерот Мицкоски денеска одржал работен состанок посветен на реформската агенда, на кој преку онлајн обраќање учествувал директорот на Генералниот директорат на европската комисија за проширување и источно соседство, Герт Јан Копман.

Мицкоски на работен состанок за реформската агенда: Остануваме посветени на спроведување на реформите

На состанокот се зборувало за досегашниот напредок, следните чекори и координацијата меѓу институциите, со цел реформските процеси да продолжат ефикасно, навремено и во согласност со утврдените приоритети. На состанокот на кој учествувал и заменик министерот за јавна администрација Лазе Јаќимовски, во фокусот биле и реформите во јавната администрација, информираа од ресорното министерство

Остануваме посветени на спроведување на реформите што ќе придонесат за поефикасни институции, подобри услуги за граѓаните и забрзан напредок на државата, изјави денеска Мицкоски.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер