Тед Лигети се прости од скијањето со снимка од повредениот грб

Американскиот скијач, 36-годишниот Тед Лигети, реши да ја заврши кариерата поради повреда на грбот.

Американецот, кој освои пет светски титули и две олимписки титули во текот на својата богата кариера, за шест дена планирал да ја заврши својата кариера натпреварувајќи се во велеслалом, неговата омилена дисциплина, на Светското првенство во Кортина Д’Ампецо.

"Имам најсилна ишијас во мојот живот. Не знам што го активирал. Магнетната резонанца покажа дека двата диска се поместени и не можам безбедно да скијам", објави Лигети.

Тој го освои олимпиското злато во комбинација во Торино во 2006 година, кога заврши пред Ивица Костелиќ и во велеслалом во Сочи во 2014 година. На светските шампионати освои три злата во велеслалом во 2011, 2013 и 2015 година и во 2013 година беше носител на златен медал во комбинација и супервелеслалом.

Лигети дури пет пати го освоил Малиот кристален глобус за најдобар велеслаломски скијач оваа сезона на Светското првенство.

"Бев возбуден од фактот дека ќе се збогувам под свои услови. За жал, не било судено, мојот грб покажа кој е шеф", напиша Лигети на својот Фејсбук со фотографија од наодите на магнетната резонанца.

Фото: Иванишевиќ и Селеш како деца

Легендарниот екс југословенски тенисер Горан Иванишевиќ, сега тренер на најдобриот светски тенисер Новак Ѓоковиќ на социјалните мрежи објави фотографија стара повеќе од 30 години.

Старата фотографија ги разбудила спомените на Горан од времето на поранешна Југославија.

На носталгичната фотка тинејџерот Горан Иванишевиќ се ракува со едно насмеано девојче, за оние кој не ја препознаваат, тоа е некогашната најдобра светска тенисерка славната Моника Селеш.

-Добри стари времиња со една од најдобрите на сите времиња, Моника Селеш. Мислам дека немавме поим што ќе постигнеме во годините кои доаѓаа, напишал Иванишевиќ во описот на сликата.

Моника и Горан подоцна го достигнаа светскиот врв. Иванишевиќ го оствари сонот со освојување на Вимблдон, а Моника Селеш владеше со светскиот тенис со до трагичното ранување во Хамбург во 1993 година од луд навивач на ривалката Штефи Графт.

Селеш во кариерата освои девет Грен слем титули.

Фото: Карлеуша во ленти

Српската пејачка Јелена Карлеуша повторно се разголе на социјалните мрежи.

Популарната Карли уште еднаш ги воодушеви своите фанови со бујните облини покриени со минијатурни врвки.

Јелена нема проблем да позира во костим за капење или во долна облека, но со последниот избор на гардероба ги изненади сите. Карлеуша одлучила да се фотографира во минијатурен градник и уште помали гаќички врзани со ленти.

Во оваа прилика може да се каже дека Карлеуша покажа скоро се. Нејзините фанови за „храброста“ ја наградија со рекорден број од 70 илјади лајкови.

Флик на излезната врата на Баерн Минхен

 По само две години работа и освоени титули меѓу кои и во Лигата на шампионите, Ханси Флик си заминува од германскиот гигант  Баерн Минхен на крајот на сезоната.

Иако се споменува дека ќе стане селектор на Германија, тоа не е причината за заминувањето туку конфликтот со директорот на баварците Хасан Салихамиџиќ.

Германските медиуми остро коментираат дека откако Салхимаиџиќ е дојден на функцијата, Баерн кој беше познат по сигурноста за тренерите и работата на долги патеки, сега го смени курсот и пребрзо ги менува шефовите и тоа со добро завршена работа.

Се тврди дека од истите причини Баерн предвреме ги набрка Нико Ковач и Карло Анчелоти.

Критиките одат до таму што на Баерн јавно му се упатува прашање...дали е можно секогаш да се виновни тренерите, а директорите да се во право?

притисни ентер