Македонија

Таткото на Вања на распит ги негирал сведоштвата дека е поврзан со киднапирањето

Денеска е погребана 14-годишната Вања Ѓорчевска на градските гробишта во Бутел.

Претходно беше завршена и обдукцијата на телата на девојчето и 74-годишниот велешанец Панче Жежовски, во Институтот за судска медицина и криминалистика. Извештаите со резултатите се уште не се доставени до обвинителството, потврдуваат од Јавното обвинителство. Обдукцијата треба да ги утврди точните причини за насилната смрт како и точното време кога е убиена. Додека се чекаат овие извештаи кои ќе бидат едни од клучните докази во истрагата и расветлување на случајот, во текот на денот се очекува кривичната пријава од МВР со што предистрагата ќе премине во официјална истрага. Со наредбата за истрага најверојатно ќе се оди и со предлог за 30 дневен притвор за четворицата осомничени - штипјанецот Влатко Кешишов, велешаните Велибор Манев и Боре Видоевски, како и таткото на Вања, Александар Ѓорчевски кој вчера беше спроведен во кривичниот суд и првично му беше определен 48 часовен притвор.

Истрага досега е покрената за првоосомничениот Љупчо Палевски Палчо, које во бегство а се посочува како извршител на убиствата. За него вчера беше распишана меѓународна потерница.

-Постапувајќи по предлог на Основното јавно обвинителство Скопје, донесе решение со кое го прифати предлогот на обвинителството и на Љ.П. од Скопје, му определи мерка притвор од 30 дена од денот на неговото пронаоѓање и лишување од слобода, а поради постоење на опасност од бегство, ќе ја попречи кривичната постапка со влијание врз сведоци или ќе го повтори кривичното дело. Соопштија денеска од Основен Кривичен суд Скопје.

По наредбата за истрага и предлогот за притвор, останатите осомничени денеска повторно ќе треба да бидат изведени пред судија на претходна постапка во Кривичниот суд. Сите осомничени се наоѓаат во истражниот затвор во Шуто Оризари, а таткото на Вања пак попладнево е спроведен на распит во обвинителството.

Телата на Вања и Панче беа пронајдени во околината на Скопје и Велес. Претходно, и девојчето и велешанецот беа пријавени за исчезнати во полиција. Според МВР и Обвинителството, тие двајца не биле поврзани, но за нивното грабнување и убиство се осомничени истите лица.

Вања, според првичните сознанија кои ги изнесе МВР, била грабната од влезот во зградата во која живеела во скопски Центар рано утрината на 27 ноември кога од домот тргнала на училиште. Со врзани раце и нозе била ставена во вреќа за спиење па во багажникот на возилото „ситроен“ чиј сопственик, бил велешанецот Жежовски. Двојчето потоа е однесено надвор од Скопје, во близина на селото Бразда каде што, според досегашните наоди, е убиено и закопано, а возилото е запалено. Тројца од осомничените признале вина, соопшти обвинителството, а таткото на Вања негирал во првичниот исказ, иако како што поочи обвинителот Бубевски, располагаат со докази кои ја потврдуваат неговата вмешаност. Мотивот за убиствата, како што посочија, е користољубие, кое, според нив, поради паника завршува со ликвидација на малолетната Вања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Последното писмо на Меган Маркл до татко ѝ, обвинет за педофилија- знаела што се случува

Британската војвотка од Сасекс Меган Маркл во последното писмо што му го испратила на својот татко Томас Маркл, со кого го прекинала контактот, изјавила дека е свесна за обвинувањата за сексуална злоупотреба на деца.

Британската војвотка од Сасекс Меган Маркл во последното писмо што му го испратила на својот татко Томас Маркл, со кого го прекинала контактот, изјавила дека е свесна за обвинувањата за сексуална злоупотреба на деца што му биле упатени, нагласувајќи дека одлуката да одбие контакт со своите деца ја донела за да ги заштити, пренесува британскиот весник The Sun, повикувајќи се на извори.

Според весникот, Меган го испратила писмото до нејзиниот татко во декември 2025 година, додека тој бил на болничко лекување на Филипините, по ампутација на ногата поради компликации предизвикани од згрутчување на крвта.

Во писмото, како што се наведува, таа вели дека нема да му дозволи да се сретне со нејзините деца и дека повеќе нема да биде во контакт со него.

Весникот наведува дека во писмото Меган упатила сериозни обвинувања против нејзиниот татко, вклучително и наводи за неговото наводно непримерно однесување кон малолетниците и дека била свесна дека случајот се разгледува.

Томас Маркл моментално е под истрага поради сомнеж дека поседува материјал кој прикажува сексуална злоупотреба на деца, што тој го негираше, пишува Сан.

Според весникот, спорниот материјал наводно бил пронајден во неговиот дом на Филипините, во неколку кутии.

Неговиот син Томас Маркл Јуниор, полубрат на војвотката од Сасекс, изјави дека дошол до материјалот и дека случајот го пријавил во надлежните институции во Соединетите Американски Држави.

Сан известува дека на 10 јули, Томас Џуниор го пријавил случајот во Федералното истражно биро (ФБИ), Националниот центар за исчезнати и експлоатирани деца и полицијата во државата Пенсилванија, каде што порано живеел неговиот татко.

Томас Маркл постариот ги отфрли обвинувањата во изјавата што ја даде за Дејли Меил во петокот.

Меган Маркл проговори за случајот во изјава за магазинот People во која изјави дека е длабоко потресена од информациите кои се појавија и дека нејзините мисли се со сите деца кои можеби биле повредени.

Таа исто така изјави дека во 2018 година, писмо со вознемирувачки наводи против нејзиниот татко било испратено до лондонската Метрополитен полиција и службата задолжена за заштита на членовите на кралското семејство и другите заштитени лица.

Меган и нејзиниот сопруг, принцот Хари, имаат две деца, седумгодишниот син Арчи и петгодишната ќерка Лилибет.

Томас Маркл не присуствуваше на нивната венчавка во мај 2018 година, кога беше придружувана по патеката од кралот Чарлс III.

Според магазинот People, Меган за писмото со обвинувања дознала по венчавката, а потоа, како што наведува извор запознаен со случајот, и било советувано да не зборува за тоа јавно за да не се загрози евентуалната истрага.

Изворот додаде дека таа е загрижена и за правните последици од јавното изнесување непотврдени тврдења.

Тагови: Меган Маркл

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

15- годишно дете од тетовско било застрелано во стомакот- во полиција сами се пријавиле татко и син

На 24.10.2026 во 14:10 часот во СВР Тетово, од Клинички центар Тетово било пријавено дека кај нив со прострелна рана во пределот на стомакот бил донесен 15 - годишен малолетник од с.Боговиње, тетовско.

Подоцна, во Полициската станица Тетово се самопријавиле С.М.(42) и неговиот 16-годишен син, двајцата од с.Боговиње, кои предале пиштол со една празна рамка. Според изјавата на С.М., настанот се случил околу 13:45 часот во с.Боговиње, при што од невнимание дошло до испукување на еден куршум од пиштолот, кој го носел неговиот малолетниот син.

Извршен е увид во присуство на јавен обвинител од ОЈО Тетово и претставници од Центарот за социјални работи Тетово.

Малолетникот е задржан за понатамошна постапка и се преземаат мерки за целосно расчистување на случајот, по што ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 12 лица се повредени во пукотница во Флорида

Најмалку 12 лица, меѓу кои шест малолетници, беа повредени во пукотница во Талахаси, Флорида, доцна синоќа во близина на стадионот „Браг Меморијал“ на Универзитетот за земјоделство и машинство во Флорида.

Најмалку 12 лица, меѓу кои шест малолетници, беа повредени во пукотница во Талахаси, Флорида, доцна синоќа во близина на стадионот „Браг Меморијал“ на Универзитетот за земјоделство и машинство во Флорида, соопшти локалната полициска станица и универзитетот.

Полицијата соопшти дека 11 од 12-те повредени лица имале прострелни рани, објави Ројтерс.

„Во овој момент, најмалку три од жртвите од пукотницата се во критична состојба, додека девет се во стабилна состојба“, соопшти полициската станица во Талахаси.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.