Свет

Таст и зет се изрешетани пред куќа во Германија, убиецот во бегство

Двајцата мажи кои во саботата попладне беа брутално убиени пред зграда во Бад Наухајм, Германија, се таст и зет!

Според медиумите, двајцата се турски државјани на возраст од 59 и 28 години, пренесе АП.

Тастот и зетот биле убиени во моментот кога излегувале од зградата за да одат во продавница по набавки. Убиецот се уште е во бегство, а иако првично се шпекулираше дека имало повеќе напаѓачи, полицијата сега верува дека само едно лице го извршило делото.

Соседите ги раскажаа застрашувачките детали. Една жена вели дека слушнала дека некој испукал десет истрели.

„Кога погледнав низ прозорецот, видов маж како лежи на подот. Луѓето истрчаа од зградата, неговото семејство, детето врескаше „Тато, тато“, раскажува соседот.

Друг сосед вели дека убиениот млад човек кобниот ден дошол да го посети својот таст Сулејман С.

"Двајцата штотуку излегле од зградата за да одат до продавница кога одекнале истрели. Сулејман паднал пред зградата, веднаш бил мртов. Неговиот зет се вратил во зградата, но стигнал само до скалите во ходникот. Таму паднал, немало шанси да се спаси", сведочеше потресениот сосед.

Жителите на овој мал германски град велат дека во зградата пред која се случило злосторството живеат пет семејства. Наводно, сите се имигранти, кои пристигнале во земјава во ноември 2024 година.

„Откако дојдоа, полицијата е многу тука“, вели еден жител на улицата каде што се случило злосторството.

Друг посочува дека никој од улицата не се дружел со луѓето што живеат во зградата.

„Никој немаше никаков контакт со нив. Тие живеат во свој свет, свој живот“, вели друг.

Според инспекторот, изрешетаните жртви од претходно не ѝ биле познати на полицијата, а се сомнева дека мотивот за убиството бил личен.

Полицијата вчера цел ден беше на местото на злосторството и прибираше докази. На жителите кои живееле во близина им било забрането да ги напуштат становите.

Тагови: изрешетани убиец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.