Свет

Германски масовен убиец е осуден на доживотен затвор: Ги убивав оние кои ми го уништија животот

Германскиот војник и снајперист Флоријан Г. (33) е осуден на доживотен затвор за трикратно убиство и едно дело за убиство од небрежност.

Пресудата е донесена во судот во Верден, а Флоријан не покажал емоции за време на изрекувањето на пресудата, иако претходно се изјаснил за виновен за сите кривични дела.

Во својата изјава Флоријан рече: „Ги убив луѓето кои ми го уништија животот... Се чувствував како да сум на должност, продолжив како што научив. Извидување, борби од куќа до куќа... барај, направи, убиј...“, пренесува Билд.

Крвавиот поход започнал ноќта на 1 март 2024 година, кога со пушка и пиштол се упатил кон семејната куќа во Вестервезеде во Долна Саксонија. Прво ги убил Нилс О. (30), новиот партнер на неговата тогашна сопруга и неговата мајка Бербел (55). Потоа продолжил со нападот и ја убил Стефани К.(33), најдобра пријателка на неговата поранешна сопруга.

Во моментот кога ја убил Стефани, таа во рацете го држела тригодишното девојче Роња, кое исто така го убил. Флоријан подоцна изјавил дека немал намера да го убие детето, но дека не го видел бидејќи било покриено со ќебе. Државното обвинителство и адвокатите на жртвите ја прифатија неговата верзија за настаните, сметајќи дека убиството на девојчето било од невнимание, а не намерно.

Мотивот за овој крвав поход бил емотивниот слом на Флоријан поради загубата на неговото семејство. Неговиот брак долго време бил во криза, сопругата поднела барање за развод и си нашла нов партнер, а најдобриот пријател на сопругата го гледал како закана за бракот и семејството. Не помогнале ниту менталните здравствени проблеми, вклучувајќи несоница и самоубиствени мисли. Психијатарот кај него препознал елементи на емоционална студенило и нарцисоидност.

Флоријан Г. сега ќе одлежи доживотна затворска казна за своите брутални злосторства, кои ја шокираа јавноста во Германија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протоколарна средба на претседателот на Собранието со британскиот амбасадор Метју Лосон

Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент.

Денеска во Собранието се одржа протоколарна средба на претседателот на Собранието на Република Македонија, Африм Гаши, со британскиот амбасадор Метју Лосон. Беа констатирани одличните билатерални односи меѓу Република Македонија и Обединетото Кралство, кои се одвиваат на редовна основа со развојна динамика.

Претседателот Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. Го истакна значењето на проектната помош за Собранието што се одвива преку Весминстер фондацијата за демократија и со која се зајакнуваат функциите на Собранието и Службата.

Амбасадорот Лосон изрази задоволство за потврдата на продолжување на веќе воспоставената соработка.

Претседателот Гаши го информираше амбасадорот за процесот на дигитализација на Собранието, за зајакнувањето на надзорната улога на Собранието, како и за подигнувањето на нивото на политичката култура во Собранието и подобрувањето на перцепцијата на законодавниот дом во јавноста.

Двајцата соговорници разменија мислења околу претстојните активности на Собранието, можностите и модалитетите во рамките на веќе утврдената соработка, но и за потенцијалите на друг вид на соработка од взаемен интерес. Беше изразена посебна благодарност до Обединетото Кралство за водечката улога и поддршка во развитокот и во клучните историски моменти на нашата земја како независна европска демократија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Стој за УСЈЕ“: Средбата со министерот за животна средина беше позитивна

Од иницијативата „Стоп за УСЈЕ“ попладнево беа на средба со министерот за животна средина Мухамет Хоџа.

Средбата како што оценија потоа, била позитивна во насока на изнаоѓање на некакво решение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.