Македонија

Таравари демантира: Немало план со Ахмети за заедница на албански општини и уцена за избори

Со првиот човек на ДУИ – Ахмети, никогаш не се разговарало или пак имало идеја за создавање на заедница на албански општини во Македонија.

Со првиот човек на ДУИ – Ахмети, никогаш не се разговарало или пак имало идеја за создавање на заедница на албански општини во Македонија, – лидерот на Алијансата за Албанците, Арбен Таравари, во гостувањето во „Само Интервју“ ги отфрли наводите кои деновиве ги објави политичкиот аналитичар Љуљзим Фаризи..

Смета дека станува збор за обид за негова дискредитација, иако во исказот на Фаризи препознава дека за темата тој разговрал со неговиот поранешен сопартиец Азил Алиу. Таравари вели дека се залага за унитарна Макеоднија, но со многу поголема децентрализација, а доколку се менува внатрешното уредување, да се врати територијалната поделба со 20-тина општини како што било во поранашена Југославија.

- Се повикува дека имало разговор со некој ваш близок кој потоа бил министер – Он е Азир Алиу, тој е другар на Азир Алиу. Воопшто немало таква идеја, да има зошто би го криеле тоа? .... - Арбен Таравари – Претседател на Алијанса за Албанците.

Фаризи за Канал 5 и денеска останува на тврдењето дека опозициските албански партии разговарале за идејата – „заедница на албански општини“, икао не сакаше да потврди дали човекот со кој разговарал е Азил Алиу.

-Тоа покажува дека тоа што сум го кажал, односно што ми го кажале неговите соработници, на тоа стојам, бидејќи не сум го рекол јас, туку ми го соопштиле неговите соработници. Тие разговори внатре во партијата ги направил со своите приврзаници што биле во неговата, тогашната политичка партија и кои веќе не се дел од таа политичка партија. Тоа што ми е соопштено тогаш, јас сум се спротивставил на таа идеја, бидејќи не е возможно, бидејќи нема волја таква од страна на граѓаните. - Љуљзим Фаризи – Аналитичар.

Идејата за формирање на т.н. заедница на албаснки општини во Македонија, по примерот на предвидената Српска заедница во Косово, во земјава пред две години ја лансираше пратеникот Зеќирија Ибрахими од тогашната партија Алтернатива, но формална иницијатива никогаш не беше претставена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности за подобрување на безбедноста во сообраќајот и спречување насилство

Граѓаните беа информирани дека алкохолот сериозно ги намалува возачките вештини, ги нарушува психомоторните способности и претставува сериозна закана по нивната и безбедноста на останатите учесници во сообраќајот.

На 25.09.2026 во Велес и Штип, полициски службеници од Полициската станица за безбедност на патниот сообраќај при СВР Велес и Полициската станица за безбедност на патниот сообраќај Штип спроведоа превентивни активности со цел да се влијае на подигнување на свеста на возачите за ризикот од управување на возило под дејство на алкохол. Граѓаните беа информирани дека алкохолот сериозно ги намалува возачките вештини, ги нарушува психомоторните способности и претставува сериозна закана по нивната и безбедноста на останатите учесници во сообраќајот. Полициски службеници од Полициското одделение Чашка пак, реализираа превентивна активност во рамки на која на возачите им беше укажано на обврската за прилагодување на брзината според сообраќајната сигнализација и условите на патот. Во ООУ „Раде Кратовче“ и ООУ „Кирил и Методиј“ во Кочани, како и во ОУ „Елпида Караманди“ во Битола, полициски службеници од СВР Штип и СВР Битола им објаснуваа на децата како да се движат во сообраќајот, односно безбедно да стигнат од училиштето до дома и обратно.

На 24.09.2026 полициски службеници од Отсекот за превенција при СВР Велес, на подрачје на општина Чашка реализираа превентивна активност на тема „Има помош за живот без насилство“ и ги информираа граѓаните за појавите на семејно насилство, како и за нивните права и мерки за заштита при постоење на некои од облиците на семејно насилство, потенцирајќи им ја важноста од навремено пријавување на сите облици на насилство. Во рамки на активностите беше поделен печатен едукативен материјал.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Мицкоски- Вучиќ во Њујорк: Продолжуваме со отворен дијалог и конструктивна соработка

Премиерот Христијан Мицксоки на маргините на Генералното собрание на ОН во Њујорк се сретна со српскиот претседател Александар Вучиќ.

Остварив средба со претседателот на Република Србија, Александар Вучиќ.

На средбата разговаравме за актуелните состојби во регионот, значењето на добрососедските односи, унапредувањето на соработката и заедничките интереси кои придонесуваат за стабилност, развој и просперитет на нашите народи.

Продолжуваме со отворен дијалог и конструктивна соработка во насока на јакнење на регионалното поврзување и европската перспектива на Западен Балкан, објави Мицкоски на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делегација на УЈП предводена од директорката м-р Елена Петрова во работна посета на Унгарија

Делегација на Управата за јавни приходи, предводена од директорката на УЈП, м-р Елена Петрова, беше во работна посета на Унгарија, со цел унапредување на институционалната соработка и размена на искуства со даночната администрација на Унгарија.

Во рамки на посетата, директорката на Управата за јавни приходи, м-р Елена Петрова, и директорката на Националната управа за даноци и царина на Унгарија, Моника Рожен Шат, потпишаа Меморандум за соработка, со кој се воспоставува основа за продлабочување на соработката и континуирана размена на знаења, искуства и добри практики во повеќе области од даночната сфера.

Соработката опфаќа размена на искуства во областа на ИТ-системите и применетите апликации, предпополнетите даночни пријави за личен доход, онлајн фискалните каси и електронските системи за фактурирање, како и поддршката на даночните обврзници преку поедноставување на административните постапки.

Посебно внимание ќе биде посветено и на примената на бихејвиорални анализи во процесите на наплата на даноците, унапредувањето на клиентската ориентираност и современите пристапи за управување со усогласеноста на даночните обврзници.

Меморандумот предвидува и размена на искуства во областа на методите и начините на анализа на ризик, професионалниот развој и обуката на вработените, конкретни даночни прашања, како и имплементацијата на директивите на Европската Унија поврзани со даночните администрации.

Во текот на работната посета, делегациите разменија искуства и информации за современите начини на работа и дигиталните решенија во даночната администрација, со фокус на унапредување на ефикасноста на институционалните процеси и квалитетот на услугите за даночните обврзници.

Потпишувањето на Меморандумот претставува значаен чекор кон продлабочување на институционалната соработка и воспоставување континуирана размена на знаења, искуства и добри практики меѓу даночните администрации на Македонија и Унгарија.

УЈП

Тагови: УЈП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.