Тајван го проширува производството на чипови во Европа, почетна точка е Германија - Канал 5

Технологија

Тајван го проширува производството на чипови во Европа, почетна точка е Германија

Една од најголемите светски компании за чипови и полупроводници TSMC планира да изгради повеќе фабрики во Европа, со фокус на пазарот за чипови за вештачка интелигенција (AI), според високиот тајвански функционер Ву Ченг-вен.

Тајван го проширува производството на чипови во Европа, почетна точка е Германија

„Тие ја започнаа изградбата на првата фабрика во Дрезден и веќе планираат уште неколку фабрики во иднина за различни пазарни сектори“, рече тој во интервју за ТВ Блумберг.

Ву не ја прецизира временската рамка за понатамошното проширување на тајванскиот производител на чипови во Европа и изјави дека самата компанија ќе треба да процени дали да ја прошири својата прва европска фабрика во Дрезден или да започне со изградба на нови капацитети во други области на Европската унија.

Прекуокеанските фабрики на TSMC, исто така, создаваат можности за блиските земји и градови да обезбедат инвестиции за нивните добавувачи, а Чешка веројатно ќе има најголема корист од локацијата Дрезден, која е блиску до границата со Чешка, додаде њујоршката агенција.

Како што е наведено, фабриката во Дрезден е заедничко вложување меѓу компанијата TSMC, која поседува 70 отсто од акциите, и компаниите Robert Bosch, Infineon и NXP Semiconductors, а фабриката формално ќе биде назначена со кратенката ESMC.

Во фабриката ќе се инвестираат вкупно 10 милијарди евра и се очекува да се отворат околу 2.000 директни работни места за висока технологија.

Минатиот август, тајванската TSMC донесе стратешка одлука за првпат да го прошири својот производствен капацитет во Европа и да изгради фабрика во Германија, привлечена од владините стимулации во Берлин, објавија медиумите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хорор во САД: Од библиотеката се слушале звуци од огнено оружје и вресоци на луѓе, има мртви (ВИДЕО)

Најмалку две лица загинаа во пукотница што се случила во библиотека во Калифорнија, соопшти локалната полиција.

Хорор во САД: Од библиотеката се слушале звуци од огнено оружје и вресоци на луѓе, има мртви (ВИДЕО)

Пукањето се случило во градот Чико на северот од оваа американска држава, а еден осомничен е во притвор, јавува Асошиејтед Прес.

Полицијата соопшти дека одговорила на повик во кој се слушале звуци од огнено оружје и вресоци на луѓе од библиотеката.

„Кога полицајците влегле во библиотеката, осомничениот избегал низ задната врата. Дополнителни сили за спроведување на законот зад библиотеката го привеле осомничениот“, изјави началникот на полицијата Били Олдриџ.

Според него, инцидентот е многу тажен и трауматичен за многу луѓе.

Улиците околу библиотеката биле привремено затворени, а за луѓето што биле во зградата бил отворен центар за семејно обединување.

Едно дете е однесено во болница со полесни повреди.

Полицијата не го објави името на осомничениот ниту детали за тоа што го предизвикало пукањето, но рече дека верува дека стрелецот дејствувал сам.

АП додаде дека полицијата изјавила дека нема да ги објави имињата на убиените додека не бидат известени најблиските роднини.

Локалните власти ги повикаа луѓето да ја избегнуваат областа.

Извор: Б92

Тагови: пукање САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Времеплов низ срцето на Скопје, запознајте ја историјата, културата и архитектурата на Центар

Општина Центар ги поканува сите заинтересирани граѓани на  бесплатна тематската прошетка  „Времеплов низ Центар,  историја, култура и архитектура“, која ќе се одржи на 24 јуни (среда),  од  18:00 до 20:00 часот.

Герасимовски: Времеплов низ срцето на Скопје, запознајте ја историјата, културата и архитектурата на Центар

Собирно место е на улица „Македонија“, пред Спомен-куќата на Мајка Тереза, од каде ќе започне прошетката низ богатото историско, културно и архитектонско наследство на централното градско подрачје.

Водичи на турата ќе бидат Димитар Таневски и Антонио Павловски , а посетителите преку интересни факти и приказни ќе се запознаат со минатото на Центар од еден нов агол.

„Придружете ни се на уште една прошетка низ повеќе локации кои се наше секодневие, но толку малку знаеме за нив. Ова е прилика да откриете што е тоа што го прави нашиот град единствен и уникатен“, порача градоначалникот на Општина Центар Горан Герасимовски.

Маршутата опфаќа препознатливи обележја , меѓу кои Градскиот трговски центар, Камениот мост, Кејот на Вардар, Даут Пашин Амам и многу други значајни историски и архитектонски знаменитости.

Посетителите ќе имаат можност да слушнат за личности, настани и објекти кои оставиле траен белег врз развојот на градот, како и да откријат детали што често остануваат незабележани во секојдневниот урбан ритам.

Турата е бесплатна и е дел од Програмата за култура на Општина Центар за 2026 година.

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Карпош: Засилена динамика на реновирање и реконструкција на оштетените урбани игралишта и урбани елементи

Од општината апелираат до граѓаните да не ја вандализираат урбаната опрема и урбаните елементи, бидејќи истите служат за нивна рекреација, дружење и одмор на сите генерации на карпошани, особено во летните месеци.

Општина Карпош: Засилена динамика на реновирање и реконструкција на оштетените урбани игралишта и урбани елементи

Целосно се реновирани и реконструирани, оштетените урбани елементи на детските игралишта, во дворот на ООУ „Јан Амос Коменски“, во урбаната заедница Тафталиџе 1, на „Фонтана“ во у.з Карпош 3, кај Адреналински парк во Карпош 3, како и на ул. „Никола Парапунов“, во населбата Карпош 4. Во рамки на ова игралиште, беа реновирани клупите, беа поставени нови лулашки, и се санираше другата урбана опрема. Се поставија и нови влезни врати, се детските лизгалки и клацкалки. На детското игралиште во ООУ „Јан Амос Коменски“, се поставија нови даски со качувалки за платформата на лизгалиштето, нов лимен покрив на куполата и се фиксираше лизгалката. Исто така се постави и клацкалка, како и две сосема нови лулашки. Се бојадисаа железните делови на игралиштето и се постави даска на клупа во училишниот двор.

Во оваа фаза на реновирање, реконструкција и поправка на оштетените детски игралишта и урбани елементи на територијата на општина Карпош, се постави и нов обрач и мрежа за кош на игралиштето за баскет кај студентскиот дом „Гоце Делчев“, нова табла и мрежа за кошот на локацијата позади ресторанот „Македонска куќа“ во населбата Козле, како и нова стаклена табла и мрежа на игралиштето во населбата Влае 2. Во рамки на училишниот двор на основното училиште „Аврам Писевски“, во населбата Бардовци, беа поставени и пет нови клупи, а беше средено средено детското спортско игралиште со што се подобри амбиенталниот простор на училиштето, односно училишниот двор доби модерен и функционален изглед. На улицата Варшавска бр.7 се заменија оштетени и стари даски на две клупи , додека на ул. Варшавска бр. 9 се пребојадисаа клупите за седење. Општина Карпош и во иднина, ќе инвестира во реновирање на постојните над педесет и пет урбани (детски) игралишта кои се наоѓаат на нејзината територија, ќе ги реконструира оштетените клупи и корпи за отпадоци, како и ќе поставува нови, по барање на граѓаните, на однапред утврдени локации, онаму каде што има потреба. Затоа, повторно апелираме до граѓаните, да не ја вандализираат урбаната опрема и урбаните елементи, бидејќи истите служат за нивна рекреација, дружење и одмор на сите генерации на карпошани, особено во летните месеци.

Општина Карпош

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер