Тајната на долговечноста на 108- годишна Британка: Наместо деца, чував кучиња - Канал 5

Живот

Тајната на долговечноста на 108- годишна Британка: Наместо деца, чував кучиња

Ада Даниел од Дербишир, Англија, живеела 108 години.

Тајната на долговечноста на 108- годишна Британка: Наместо деца, чував кучиња

Својата долговечност ја припишала на необична животна одлука: наместо деца, решила да има кучиња. Во интервју за Би-Би-Си, таа се присетила на својата младост исполнета со друштво на бројни хртови и се пошегувала дека токму тоа е причината зошто живеела толку длабока старост.

Нејзиниот совет за долговечност бил едноставен: „Само продолжете понатаму“. Во нејзините постари денови, таа уживала во друштвени игри, а нејзина омилена била играта домино.

Немала деца, но имала стотици пријатели

Бидејќи немала деца или внуци, останала без блиско семејство во староста. Но, во Домот за стари лица Коднор Парк, каде што ги поминала последните години, брзо одлучиле дека заслужува посебен роденден. Кели Гушер, координаторка на активности, започнала повик на локална Фејсбук страница со цел да добие барем 108 картички за Ада на нејзиниот 108-ми роденден.

Одѕивот бил над сите очекувања. „Следното утро се разбудив и видов 135 пораки од луѓе кои сакаа да испратат честитки“, рече Кели. На крајот, Ада доби повеќе од 300 честитки од целиот свет.

Чиститка од Бакингемската палата

Заедно со стотици честитки, Ада доби и многу подароци, балони и натписи со нејзиното име и слика на нејзиниот роденден. Најпосебното изненадување дојде од Бакингемската палата. Кралот Чарлс III ѝ испрати честитка на која пишуваше: „Јас и сопругата сме исклучително среќни што знаеме дека го славите вашиот сто и осми роденден. Ви испраќаме најтопли честитки и искрени желби во една ваква посебна пригода.“

Во Обединетото Кралство, вообичаено е секој граѓанин кој ќе наполни 100 години, како и секој следен, да добие честитка од владетелот.

„Секако дека мора да се насмевнете“

Кога ја прашаа што мисли, дали насмевката е неопходна за долг живот, Ада веднаш одговори: „Да. Секако дека мора!“

За жал, 108-от роденден на Ада беше и нејзиниот последен. Во ноември 2023 година, од домот за стари лица пристигна вест дека таа починала. Сепак, благодарение на несебичноста и топлината на непознати луѓе, таа го прослави својот последен роденден опкружена со внимание, подароци и љубов.

Тагови: долговечноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер