Тајланд и Камбоџа потпишаа договор за прекин на огнот, соопшти камбоџанското Министерство за одбрана - Канал 5

Свет

Тајланд и Камбоџа потпишаа договор за прекин на огнот, соопшти камбоџанското Министерство за одбрана

 Тајланд и Камбоџа денеска се договорија да ги прекинат неколку неделите гранични судири, кои се најжестоки меѓу двете соседни јужноазиски држави во последните години.

Тајланд и Камбоџа потпишаа договор за прекин на огнот, соопшти камбоџанското Министерство за одбрана

„Двете страни се согласија да го одржат сегашното распоредување на војници без понатамошно движење“, соопштија министерствата за одбрана на двете земји во заедничко соопштение. Прекинот на огнот ќе стапи на сила денеска напладне по локално време.

„Секакви засилувања ќе ги зголемат тензиите и негативно ќе влијаат на долгорочните напори за решавање на ситуацијата“, се вели во соопштение на камбоџанското министерство за одбрана објавено на социјалните медиуми.

Со договорот, потпишан од тајландскиот министер за одбрана Натафон Накфанит и неговиот камбоџански колешка Теа Сејха, завршуваат 20-дневните борби во кои загинаа најмалку 101 лице и беа раселени повеќе од половина милион од двете страни на границата.

Судирите почнаа повторно на почетокот на декември откако американскиот претседател Доналд Трамп посредуваше за претходниот прекин на огнот во јуни.

Во меѓувреме, Камбоџа го обвини Тајланд дека денеска извршил воздушен напад во северозападниот дел на земјата, токму кога двете страни продолжуваа да преговараат за прекин на огнот.

Министерството за одбрана на Камбоџа соопшти дека Тајланд распоредил борбени авиони Ф-16 за да фрли четири бомби врз цел во Сереј Саопхоан во северозападната покраина Бантеј Минчи утрово.

Камбоџа вчера соопшти дека за време на напад исфрлила 40 бомби врз цел во селото Чок Чеј во истата покраина.

Тагови: Камбоџа Тајланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер