СЗО со апел до постарите од 60 години: Не патувајте!

Општите патни забрани нема да го спречат ширењето на омикронот, но патувањата треба да ги одложат лицата постари од 60 години, предупреди Светската здравствена организација (СЗО).

„56 земји донесоа мерки за патување во обид да го одложат увозот на новата варијанта“, се вели во упатствата на СЗО објавени денеска.

Организацијата со седиште во Женева редовно дава препораки за кои не може да се каже дека ги спроведуваат 194 земји-членки.

„Општите забрани за патување нема да го спречат меѓународното ширење на вирусот и ќе бидат тежок товар за животите на луѓето и за заработувачката за живот“, предупредува СЗО.

Напротив, мерките „може да имаат негативен ефект врз здравствените системи во пандемија бидејќи би можеле да ги обесхрабрат државите да известуваат за новите секвенционирачки и епидемиолошки податоци“, велат од организацијата, која издаде такво предупредување за време на викендот.

СЗО ги повикува луѓето кои не се во добра здравствена состојба и им се заканува потешка форма на Ковид, да ги одложат патувањата.

„Луѓето на возраст над 60 години и оние со коморбидитети (срцеви заболувања, рак, дијабетес) треба да го одложат патувањето“, препорачува СЗО.

Ги повикуваат сите патници да бидат „внимателни“, да се вакцинираат и да се придржуваат до санитарните прописи за јавно здравје без разлика на нивниот статус со вакцинација, да носат маски и да одржуваат физичка дистанца, да избегнуваат собири, да ги проветруваат просториите.

Во неделата, регионалната канцеларија на СЗО за Африка ги повика земјите да ги остават границите отворени, а Јужна Африка повика на „итно укинување“ на ограничувањата за патување што државите почнаа да ги применуваат по откривањето на варијантата омикрон.

Во денешната техничка изјава, СЗО ги повика земјите да ги проценат ризиците како проверка на патниците, изолација при одлучувањето за мерките.

„Сите мерки мора да бидат пропорционални на ризикот, временски ограничени и имплементирани со почитување на достоинството на патниците, човековите права и основните слободи“, пишува СЗО.

„Важните меѓународни патувања - вклучително итно хуманитарно патување, репатријација на граѓани и транспорт на потребна опрема и материјали мора да бидат приоритет“, соопшти СЗО, цитирајќи препораки што веќе ги дала во првите месеци од пандемијата.

Ѓоковиќ купил данска фирма која развива лек против Ковид

Новак Ѓокович купил 80 отсто удел во данската компанија „QuantBioRes“, која развива терапија против Ковид-19, потврди генералниот директор на компанијата Инан Лочаревиќ за Ројтерс.

Според данскиот деловен регистар, Јелена и Новак Ѓоковиќ се вистински сопственици на данската компанија од 3 јули 2020 година. Уделот на Јелена во сопственост е 39,2 отсто, а на Новак 40,8 отсто.

Директорот на компанијата Иван Лончаревиќ изјавил дека инвестицијата била реализирана во јули 2020 година, но одбил да каже колкава е нејзината вредност, пишува Ројтерс.

„QuantBioRes“ вработува 11 научници во Данска, Австралија и Словенија, а примарна цел на компанијата е да се развие лек против Ковид, а не вакцина, вели Лончаревиќ.

Компанијата развива пептид што го спречува коронавирусот да ги инфицира човечките клетки и очекува да започне со клинички испитувања во Велика Британија ова лето, вели Лончаревиќ.

Портпаролот на Ѓоковиќ не одговорил на барањето за коментар, пренесува Ројтерс.

Инаку, Ѓоковиќ не е вакциниран против Ковид, а деновиве е депортиран од Австралија и не може да настапи на Австралија Опен, пишува Индекс.хр.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

„Intel“ планира да произведува чипови за рударење на Биткоин

„Intel“ најави дека следната генерација на системи за рударење на Биткоини би можела да се испорачува со „Intel Inside“ налепници.

Компанијата ги најави плановите за тоа дека на нивната претстојна конференција ќе се дискутира за „Bonanza Mine“ чип за рударење на Биткоин.

„Bonanza Mine“ е опишан како ефикасен, „ASIC“ за рударење на Биткоин со ниска потрошувачка, според податоците и документацијата кои се потпишани од страна на тројца претставници на „Intel“.

Засега, програмата не укажува на тоа дали „Intel“ навистина планира да го испорача „Bonanza Mine“ како завршен производ или само како истажувачки проект.

„Intel“ претходно објави планови за блокчеин, како и дека тие нема да вклучваат стандардни процесори или графички карти. Тоа не претставува изненадување, со оглед на тоа дека Биткоин рударењето одмана е преминато на „ASIC“.

„Intel“ нема објавено информации за моќноста за рударање на новиот уред ниту дали ќе биде оптимизиран само за Биткоин.

притисни ентер