СЗО и ОН: Нема здравје без ментално здравје; годинава фокусот е на луѓето во кризи и катастрофи - Канал 5

Здравје

СЗО и ОН: Нема здравје без ментално здравје; годинава фокусот е на луѓето во кризи и катастрофи

На денешниот Светски ден на менталното здравје, кој се одбележува секоја година на 10 октомври, Светската здравствена организација (СЗО) и Обединетите нации (ОН) алармираат за итната потреба од поддршка на менталното здравје .

СЗО и ОН: Нема здравје без ментално здравје; годинава фокусот е на луѓето во кризи и катастрофи

На денешниот Светски ден на менталното здравје, кој се одбележува секоја година на 10 октомври, Светската здравствена организација (СЗО) и Обединетите нации (ОН) алармираат за итната потреба од поддршка на менталното здравје и психосоцијалните потреби на луѓето погодени од хуманитарни вонредни состојби и катастрофи.

Овогодинешната тема е „Пристап до услуги – ментално здравје при катастрофи и вонредни состојби“. Сеопфатната цел на Денот, инициран од СЗО во 1992 година, е да се подигне свеста за проблемите со менталното здравје низ светот и да се мобилизираат напори во негова поддршка. СЗО нагласува дека нема здравје без ментално здравје, истакнувајќи дека менталната благосостојба е составен дел од нашата општа благосостојба.

Секоја година, милиони луѓе се погодени од вонредни ситуации како што се вооружени конфликти и природни катастрофи. Овие кризи значително влијаат на менталното здравје, што кај повеќето луѓе се манифестира преку психолошки стрес и зголемена појава на депресија и посттрауматско стресно нарушување на долг рок.

Податоците покажуваат дека едно од пет лица (22 проценти) кои доживеале воени конфликти во претходните 10 години имаат депресија, анксиозност, посттрауматско стресно нарушување, биполарно нарушување или шизофренија. Лицата со потешки ментални нарушувања, како и постарите лица и жените, се особено ранливи во вонредни ситуации, при што појавата на криза значително го попречува обезбедувањето услуги за ментално здравје и ја намалува достапноста до квалитетна здравствена нега.

СЗО нагласува и дека професионалците кои пружаат помош во екстремни услови се исто така изложени на огромен товар и имаат потреба од стручна помош и поддршка за сопственото ментално здравје.

Меѓународните упатства препорачуваат различни активности за обезбедување достапност на услугите за ментално здравје и психосоцијалната поддршка, кои се движат од самопомош во заедницата до психолошка прва помош и клиничко лекување.

Поддршката на менталната благосостојба на поединците за време на кризи не е само важна – таа спасува животи и им дава сила на луѓето да се справат со предизвиците.

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неверојатни сцени од Либија: Силните дождови го поплавија Триполи, има загинати (ВИДЕО)

Најмалку едно лице загина откако обилните дождови ги поплавија улиците и предградијата на либискиот главен град Триполи, уништувајќи десетици возила.

Неверојатни сцени од Либија: Силните дождови го поплавија Триполи, има загинати (ВИДЕО)

Владата им нареди на јавните служби итно да интервенираат, а Дирекцијата за безбедност на Триполи прогласи затворање на обиколница, објави France24, наведувајќи поплавени електрични раскрсници, зголемувајќи го ризикот од електричен удар.

Видеата што кружат на социјалните мрежи и во медиумите, исто така, покажуваат возачи кои успеваат да излезат од своите автомобили заробени во водата во последен момент.

Зградите во центарот на градот беа поплавени, вклучувајќи ја и Централната болница, каде што водата влезе во ходниците.

Националниот метеоролошки центар на Либија прогнозира обилни дождови низ северниот дел од земјата во понеделник вечерта, предупредувајќи ги луѓето што живеат во близина на суви речни корита и во долини.

France24 објави дека секоја година во текот на летото, локалните власти во Триполи се обидуваат да ги подготват градските улици пред дождовите, чистејќи ги дренажните мрежи и шахтите кои често се затнати со песок што го носи пустинскиот ветер, но и покрај ова, за време на дождовната сезона улиците редовно се поплавуваат.

Тагови: Либија Триполи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Страшна повреда на италијанска тенисерка: Ногата ѝ пропадна во земјениот терен (ВИДЕО)

Италијанската тенисерка Елеонора Алвизи претрпе една од најтешките повреди на тениската турнеја оваа година и мораше да се повлече од натпреварот во Санта Маргарита ди Пула, турнир на ИТФ.

Страшна повреда на италијанска тенисерка: Ногата ѝ пропадна во земјениот терен (ВИДЕО)

Во тајбрејкот во вториот сет против шведската противничка Елизабет Ског, таа се обиде да влезе на теренот и да стигне до топка, но се сопна на куп земјена подлога и заврши на земја.

Повредата на коленото веднаш беше јасна, а судијата истрча за да види што точно се случува.

Италијанката беше изнесена од теренот, а ќе видиме дали 23-годишната ќе може да се натпреварува до крајот на сезоната.

Таа влезе меѓу првите 1000 на овој турнир, но нејзиното видео привлече големо внимание во врска со подготовката на самиот земјен терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова со Баренбаум: Историската вистина за македонските Евреи мора да се зачува

Претседателката Гордана Сиљановска-Давкова денеска го прими д-р Мајкл Баренбаум, истакнат професор по еврејски студии и експерт за Холокаустот, кој во март годинава ја придружуваше за време на посетата на Меморијалниот комплекс „Треблинка“ во Полска.

Сиљановска-Давкова со Баренбаум: Историската вистина за македонските Евреи мора да се зачува

На средбата присуствуваа Горан Садикарио, директор на Фондот на холокаустот на Евреите од Македонија, Љиљана Мизрахи и Тодор Чепреганов.

Сиљановска-Давкова укажа на опасноста од историски ревизионизам, минимизирање и негирање на Холокаустот и од антисемитизам.

За неа, Треблинка каде што биле убиени 7.144 македонски Евреи, односно 98 проценти од македонската еврејска заедница е длабоко потресно искуство, но и споменик што сведочи за историските факти, како и причина за прераснување на одбележувањето во традиција.

Претседателката му се заблагодари на Баренбаум за експертското и човечко ангажирање во одбраната на историската вистина за Холокаустот врз македонските Евреи, особено за аргументираната заложба да се сочува автентичниот натпис на спомен-плочата во Треблинка, наспроти обидите за негова измена.

За професорот, присуството на Претседателката, пратеници и претставници на македонската Eврејска заедница на одбележувањето на 11 Март - Денот на депортацијата на македонските Евреи, во Треблинка, е од исклучителна важност.

Баренбаум потсети дека со испишувањето на имињата на македонските Eвреи на ѕидот во Меморијалниот комплекс, секоја жртва ќе добие траен спомен и заслужена заштита од заборав.

Тој укажа на важноста од документирање на историјата и едукација на младите генерации за Холокаустот во сите степени од образовниот процес, како и организирање студентски посети на Меморијалниот комплекс во Треблинка.

Директорот на Меморијалниот центар на холокаустот на Евреите од Македонија информираше за тековните активности, меѓу кои и иницијативата за формирање на едукативен институт во негови рамки, како и за утрешната изложба посветена на еврејските партизани во Скопје, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер