Во вчерашната пресметка од четвртфиналето на Мастерсот во Рим против Доминик Копфер во вториот сет, тој го загуби сервисот без да освои бод, па потоа се изнервира и со сета сила го фрли рекетот на земја. Го уништи со еден потег, што доволно зборува за силата на ударот и количината на фрустрацијата во моментот.
Иако не е соодветно, ваквото однесување не е необично на тениските терени, но бидејќи тој е најдобриот тенисер на светот кој неодамна го имаше инцидентот во Њујорк, светските медиуми едвај дочекаа за да го искритикуваат неговото однесување .
„Новак Ѓоковиќ во гнев скрши рекет“, „Новак Ѓоковиќ го изгуби трпението“, „Ѓоковиќ дивееше, Србинот го фрли рекетот на земја две недели откако беше исфрлен од УС Опен“, беа насловите во медиумите.
Но, веќе не станува збор само за нивниот однос со Ѓоковиќ како тенисер, туку тој е нападнат од разни лобија заради своите ставови, кои неодамна ги разјасни во големото интервју за Њујорк Тајмс. Покрај тоа, тој го потресе светскиот тенис основајќи своја асоцијација на играчи.
"Не е прв рекет што сум го скршил во мојата кариера. Сум го правел тоа претходно и веројатно ќе го сторам повторно. Не сакам, но кога станува збор за мене, тоа се случува", објасни Ѓоковиќ.
"Така оди. Понекогаш така се ослободувам од лутината и тоа дефинитивно не е најдобрата порака, особено до младите тенисери кои гледаат кон мене и дефинитивно не сакам да го охрабрувам тоа", изјави првиот светски тенисер.