Здравје

Светски ден за борба против туберкулоза - Македонија во групата земји со ниска инциденца

Од 2019 година, Македонија припаѓа во групата на земји со ниска инциденца, што значи имаме помалку од 10 новооткриени на 100 илјади жители.

Надлежните од здравствените институции на денешната прес-конференција по повод Светскиот ден за борба против туберкулоза - 24 Март, истакнаа дека болеста е излечива и може да се спречи ширењето. Најризични групи за пренос на болеста се здравствените работници, лицата со хронични заболувања (дијабет), пациентите со ХИВ/СИДА, категориите на граѓани кои имаат низок социјален стандард на живеење, како и местата каде има долг заеднички престој како затворите, психијатриските болници, прифатилиштата за бездомни лица.

Директорот на Институтот за белодробни заболувања и туберкулоза, Сеад Зејнел соопшти дека во лани имале 160 случаи за разлика од 2019 година кога биле отркеини 199 случаи. Бројот на хоспитализирани пациенти на Институтот за белодробни заболувања во Скопје варира од пет до 10 лица.

- Овој пад на бројот на новооткриени случаи во годините на Ковид пандемијата го сметаме за најреален, истовремено очигледен и непосреден ефект на самата Ковид пандемија, која може да се протолкува како нарушување на контролата на туберкулозата заради рефокусирање на сите здравствени капацитети кон справувањето со неа. Овие бројки кореспондираат и со светските статистики и бројки, каде што на преминот од 2019 кон 2020 година имаше пад на новооткриените случаи за 25 отсто, рече Зејнел.

Доц.д-р Катерина Бошковска, педијатар пулмолог и раководител на Одделот за туберкулоза во Универзитетската Клиника за респираторни заболувања кај децата – Козле истакна дека за овие неполни три месеци од годинава дијагностицирале седум деца со туберкулоза. Потенцира дека моментално, на Клиниката во Козле не лежи ниту едно дете, бидејќи се пуштени на домашно лекување.

- Лекувањето трае долго, шест месеци. Во 2023 година на Клиниката во Козле имале вкупно 20 деца со туберкулоза. Децата до петгодишна возраст според препораките на СЗО се стават на превенција.Тоа е пократок режим од три или шест месеци, зависи со колку лекови се лекува. Затоа што кај децата, особено доенчињата во првите две години и до 40 проценти е ризикот да развие болест доколку не се превенираат, рече Бошковска.

Министерот за здравство, Илир Демири информира дека Министерството на годишно ниво одвојува околу 10 милиони денари за кампања наменета за борбата против туберкулозата.

- Последен период како да заборавивме на неа дека постои, но како министер за здравство и инфектолог ви кажувам дека туберкулозата е присутна. Има начин да се спречи, бидејќи е излечива како болест. Треба рана детекција. Тоа е успехот за борба против туберкулозата, рече Демири.

Светскиот ден за борба против туберкулоза годинава се одбележува под мотот „Да! Можеме да ставиме крај на туберкулозата!“

Туберкулозата (ТБ) е сериозна заразна болест која првенствено ги зафаќа белите дробови, но може да влијае и на други делови од телото. Тоа е предизвикано од бактерија наречена Mycobacterium tuberculosis. ТБ се шири низ воздухот кога лице со ТБ на белите дробови или грлото кашла, кива или зборува, а некој друг ја вдишува бактеријата.

ТБ може да биде латентна, што значи дека бактериите се присутни во телото, но не предизвикуваат симптоми и не се активни, притоа може да се пренесат на други. Симптомите на активна ТБ може да вклучуваат: кашлица која трае повеќе од три недели, болка во градите, кашлање крв, замор, треска, ноќно потење и губење на тежината. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

НБА финале: „Брејк“ на Њујорк во Тексас-Видео

Серијата победи на Њујорк Никс продолжува, а тимот од „Големото јаболко“ го направи првиот чекор кон шампионската титула.

Џејлен Бренсон постигна 30 поени во своето деби во НБА финалето, Карл-Ентони Таунс додаде 18 поени и 12 скока, а Никсите се вратија од минус од 14 поени во второто полувреме и ги победија Сан Антонио Спарс со 105-95 во првиот натпревар од големото финале во НБА.

О-Џеј Ануноби постигна 17 поени за Њујорк, кој го доби својот 12-ти натпревар по ред во плејофот. Со тоа, Никсите станаа само седмиот тим во историјата на НБА со таква серија, и само третиот што го сторил тоа во една сезона.

Бренсон постигна 13 поени во последната четвртина, само шест помалку од оние што Спарс ги постигнаа како тим во тој период.

Тој практично ја запечати победата со спектакуларен шут од вртење додека паѓаше на подот, 38 секунди пред крајот на натпреварот. „Тој е играч за големи натпревари. Кога е најпотребно, тој испорачува. Така играат кандидатите за MVP“, рече тренерот на Никс, Мајк Браун.

Њујорк го заврши натпреварот со серија од 11:0 и напиша нова страница во историјата. Никс станаа првиот тим што ги победи Спарс во првиот натпревар од финалето на НБА, бидејќи франшизата од Тексас претходно имаше резултат од 6-0 во такви натпревари. Ова е исто така прв пат Спарс да заостануваат во серија од финалето пред нејзиниот крај.

Тагови: НБА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Англичаните составија тим на фудбалери од екс-ју за СП 2026: Во него има двајца Македонци!

Портал „GiveMeSport“ од Англија го состави хипотетички список од 26 фудбалери кои потекнуваат од поранешна Југославија кои, според нив, би патувале на Светскиот шампионатво 2026 во Канада, САД и Мексико.

На списокот меѓу 26 фудбалери, се и двајца Македонци, голманот на Валенсија, Столе Димитриевски и фудбалерот од средниот ред на Наполи, Елиф Елмас.

Хипотетички состав на југословенската репрезентација за Светското првенство 2026:

Голмани: Јан Облак (Словенија, Атлетико Мадрид), Вања Милинковиќ-Савиќ (Србија, Торино), Столе Димитриевски (Македонија, Валенсија)

Одбрана: Јошко Гвардиол (Хрватска, Манчестер Сити), Јосип Станишиќ (Хрватска, Баерн), Страхиња Павловиќ (Србија, Милан), Никола Миленковиќ (Србија, Нотингем Форест), Сеад Колашинац (БиХ, Аталанта), Јака Бијол (Словенија, Лидс), Марин Понграчиќ (Хрватска, Фиорентина), Амар Дедиќ (БиХ, Бенфика).

Среден ред: Лука Модриќ (Хрватска, Милан), Матео Ковачиќ (Хрватска, Манчестер Сити), Марио Пашалиќ (Хрватска, Аталанта), Никола Влашиќ (Хрватска, Торино), Сергеј Милинковиќ-Савиќ (Србија, Ал Хилал), Немања Гудељ (Србија, Севилја), Саша Лукиќ ( Србија, Аталанта), Елиф Елмас (Македонија, Лајпциг)

Напад: Бенјамин Шешко (Словенија, Манчестер јунајтед), Един Џеко (БиХ, Шалке), Душан Влаховиќ (Србија, Јувентус), Ведат Муриќи (Косово, Мајорка), Анте Будимир (Хрватска, Осасуна), Андреј Крамариќ (Хрватска, Хофенфајм) Иван Перишиќ (Хрватска, ПСВ).

Тагови: Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.