Кошарка

Свечено отворено Европското првенство во кошарка

Европското првенство во кошарка кое од 5 септември до 20 септември ќе се одржува во четири држави синоќа беше прогласено за отворено на церемонијата што се одржа во Загреб.

ЕП, кое е 39-то по ред, за отворено го прогласија претседателот на ФИБА – Европа Тургај Демирел и претседателката на Хрватска Колинда Грабар Китаровиќ.

- Во 1989 година Загреб беше домаќин на голем настан (Европско првенство) на кој се појавија големи играчи на овој спорт. Еден од нив беше Дражен Петровиќ, кој го поведе својот тим до подиумот. Ова е првпат Евробаскетот да се одржува во четири држави, но тоа е наша обврска бидејќи мораме да бидеме со нашите навивачи, изјави претседателот на ФИБА Европа Демирел.

Првата фаза од натпреварувањето ќе се игра во четири држави: Хрватска (Загреб), Франција (Монпеље), Германија (Берлин) и Летонија (Рига), додека завршницата ќе биде во францускиот град Лил.

Македонија ќе биде една од 24-те држави учеснички на Евробаскетот, а во првата фаза нашата репрезентација ќе игра во групата Ц во Загреб заедно со селекциите на Хрватска, Словенија, Грција, Холандија и на Грузија.

На стартот Македонија утре од 18 часот ќе игра против Грција. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон.

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон, кои Белата куќа ги оцени како позитивни и продуктивни.

Двајцата лидери престојуваа во главниот град на САД за да присуствуваат на погребот на сенаторот Линдзи Греам, кој беше силен поддржувач на Израел и застапник за американската помош за Украина.

По средбата со Трамп, Зеленски рече дека американскиот претседател го прифатил барањето на Украина за добивање лиценци за производство на системот за противвоздушна одбрана „Патриот“.

Средбата со Нетанјаху пак, Трамп ја оцени како позитивна, а израелскиот премиер за медиумите соопшти дека двајцата имаат разбирање за како што посочи, заедничката цел иран да не произведе нуклеарно оружје...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија прогласи вонредна состојба поради сериозниот недостиг на вода

Унгарскиот министер за заштита на животната средина, Ласло Гајдош, денеска изјави дека владата прогласила вонредна состојба поради сериозниот недостиг на вода предизвикан од сушата.

Во објава на Фејсбук, Гајдош наведе дека индексот на суша во 66 од вкупно 84 унгарски водостопански области ги надминал праговите утврдени со прописите, поради што биле воведени вонредни мерки, пренесе МТИ.

Според него, експерти од Дирекцијата за управување со води ќе спроведат посебни мерки за заштита и управување со водните ресурси на 74 отсто од територијата на земјата, со цел да се ублажат последиците од сушата.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација Јаќимоски на работен состанок за реализацијата на Реформската агенда и процесот на европска интеграција.

Заменик-министерот за јавна администрација, Лазе Јаќимоски, денеска учествуваше на работен состанок посветен на реализацијата на Реформската агенда и процесот на европската интеграција, предводен од претседателот на Владата на Република Македонија, проф. д-р Христијан Мицкоски, и директорот на Генералниот директорат на Европската комисија за проширување и источно соседство, Герт Јан Копман.

На состанокот беа разгледани досегашниот напредок во спроведувањето на реформските активности, приоритетите во наредниот период, како и потребата од понатамошна координација меѓу институциите со цел навремено исполнување на преземените обврски од Реформската агенда.

Во фокусот на состанокот беа и реформите во областа на јавната администрација, како значаен дел од процесот на европска интеграција и усогласувањето со европските стандарди. Во оваа насока, беа разгледани активностите поврзани со исполнувањето на обврските од Реформската агенда, како и тековните процеси за унапредување на законската рамка и системските решенија во областа на јавната администрација.

Преку континуирано спроведување на реформите и конструктивна соработка со европските партнери, Министерството за јавна администрација придонесува кон изградба на институции кои функционираат според принципите на професионалност, ефикасност и отчетност. Јакнењето на јавната администрација останува еден од клучните приоритети во процесот на европска трансформација на државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.