Свечено отворање на 58. издание на Фестивалот „Охридско лето“ - Канал 5

Култура

Свечено отворање на 58. издание на Фестивалот „Охридско лето“

Охрид од вечерва се до 20 август ќе ги живее своите 40 дена возбуда што ги носи Фестивалот „Охридско лето“. 

Свечено отворање на 58. издание на Фестивалот „Охридско лето“

Повеќе од 800 уметници од 27 земји од целиот свет по 58-ми пат наредните месец и половина ќе музицираат, глумат, творат на неколкуте фестивалски сцени во Охрид...

Во текот на престојните фестивалски вечери, „Охридско лето“ ќе донесе совршен спој на музиката, театрот и воопшто на уметноста. Ќе настапат звучни имиња од светот на музиката, но и најдобрите театарски продукции со извонредни драмски проекти. Предвидени се и три изложби, ликовна, изложба на фотографии и на современ накит.

Свеченото отворање на нашата најзначајна музичко-сценска манифестација традиционално започнува на големата сцена на Античкиот театар. Овојпат сцената на Антички резервирана за големите оперски ѕвезди, сопранистката Елена Мошуц и тенорот Калин Братеску, под диригентската палка на Николае Молдовеану и во придружба на оркестарот на Македонската филхармонија.

Фестивалот за отворен ќе го прогласи покровителот на манифестацијата, претседателот на државата Ѓорге Иванов, а обраќање пред публиката на отворањето ќе има и министерот за култура на Република Македонија, Асаф Адеми. Уметничката порака годинава ќе ја пренесе познатиот македонски актер Никола Ристановски.

Уметниците Мошуц, Братеску и Молдовеану кои се веќе тука најавија масимално вложување и незаборавно искуство и концерт за паметење вечерва на Антички.

Оперската певица Елена Мошуц, која важи за еден од најразновидните и најекспресивните сопрани во светот, во обраќањето пред медиумите и јавноста во Македонија рече дека е благодарна што ќе биде дел од фестивал со долгогодишна традиција на кој настапувале светски познати уметнички имиња.

- Природата тука и луѓето се прекрасни, со нетрпение го очекуваме утрешниот концерт. Програмата ја избравме заеднички со колегата Братеску. Поради временските ограничувања односно должината на концертот од еден час, избравме оперски дела за поширока публика така што очекуваме добар прием кај публиката, рече таа.

Маестро Николае Молдовеану кој веќе имаше проби со уметниците од Македонската филхармонија, рече дека за отворањето на „Охридско лето“ е избрана програма во чиј репертоар се најубавите италијански и француски арии за сопран, тенор и дуо.

- Секој концерт на отворено не е само уметнички настан, туку културен феномен што остава можности за дополнително поврзување на уметниците со публиката. Во време на политички тензии на континентот, концертите на отворено носат радост и чувство на слобода како за публиката така и за нас уметниците. Благодарни сме што ни е дадена таа привилегија да бидеме тука за вас и со задоволство ве очекуваме, истакна Молдовеану, изразувајќи уверување дека и временските услови ќе придонесат за незаборавен концерт и неповторливо искуство.

Шефот на оркестарот на Македонската филхармонија, Горан Муратовски, изрази задоволство, но додаде дека е и голема чест што Македонската филхармонија е традиционален гостин на фестивалот „Охридско лето“.

- Оваа година ја имаме честа да го отвориме фестивалот. Задоволство е да се соработува со уметници од ваков калибар, со извонредниот диригент маестро Молдовеану, со оперската дива Мошуц и тенорот Братеску. На свечното отворање на Антички театар очекуваме голем спектакл, рече Муратовски.

Градоначалникот на Општина Охрид, Јован Стојаноски, вчера на прес-конференцијата по повод отворањето на „Охридско лето“ најави дека општината и натаму ќе ја дава безрезервната поддршка на фестивалот како голем македонски и европски културен бренд.

- На сите уметници коишто ќе присуствуваат во Охрид им посакувам топло добредојде, да си поминат убаво во нашиот град, и да придонесат за уште едно успешно издание на фестивалот „Охридско лето“. Како Локална самоуправа отсекогаш сме го поддржувале овој фестивал, а тоа ќе продолжи и понатаму заради тоа што НУ „Охридско лето“ е најпознатиот бренд којшто го претставува и го зацртува Охрид како културна дестинација во светот, рече охридскиот градоначалник Јован Стојаноски.

Како посебни доживувања на 58-то фестивалско издание се очекуваат концертите на пијанистот Николај Лугански, челистот Александар Књазев, виолинистот Сергеј Крилов, потоа пијанистот Александар Маџар, виртуозот на усна хармоника Антонио Серано, акапела-секстетот „Д’Квин Сикс“ од Велика Британија, како и неколку концерти што ќе се реализираат во соработка со амбасадите во Македонија. Традиционалната Полска вечер на фестивалот ќе донесе концерт на барокниот ансамбл „Вроцлав“, во рамки на Француската вечер ќе настапат светски познатиот пијанист Мишел Бурдонкле и неговиот син Николас, а во соработка со Амбасадата на Шпанија во Скопје ќе настапи сопранистката Еугенија Боикс и пијанистката Ана Ферер.

Драмската програма започнува еден ден по свеченото отворање, а ќе понуди театарски креации од домашните театарски куќи, како и гостувања на театри од Србија, Хрватска и Словенија.

По традиција, во рамки на „Охридско лето“ ќе настапат и голем број домашни уметници од Македонската филхармонија, Македонската опера и балет и Музичката младина на Македонија.

Според в.д. директорката на „Охридско лето“ Сузана Вренцовска, сите сцени и простори каде што годинава ќе се одржуваат музичко-сценските настани на фестивалот се оспособени за уметниците, како и за посетителите кои секоја година ги има во голем број, а како што најави, од следната година е планирана изградба на монтажно гледалиште кое ќе може да се поставува насекаде, со што ќе можат да се одржуваат настани на секое соодветно место во градот.

Фестивалот „Охридско лето“ се одржува со финансиска поддршка на Министерството закултура на Република Македонија, а помогнат од Општина Охрид, како и од бројни спонзори./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Купиле куќа, стара 102 години, па се шокирале кога ги подигнале теписите (ВИДЕО)

Кога Ајдан и Кетрин Мекгован се преселија во нивниот „дом од соништата“, беа исполнети со возбуда и радост.

Купиле куќа, стара 102 години, па се шокирале кога ги подигнале теписите (ВИДЕО)

Сепак, имаше едно нешто што ги мачеше - куќата од 1900-тите што планираа да ја реновираат беше исполнета со постојан, непријатен мирис, па затоа решија прво да се справат со тоа.

Новите сопственици се разболеа

Веднаш ги отстранија теписите од нивниот рурален дом во Јужна Дакота, очекувајќи да најдат оригинални дрвени подови под нив.

Наместо тоа, двојката откри дека подовите се целосно натопени со урина!

Кетрин, која работи како наставничка, откри дека непријатниот мирис станал уште поинтензивен кога ги отстраниле теписите. Еден агол бил толку натопен што им се слошило кога се обиделе да го исчистат.

„Нашето куче стоеше во близина...“

„Бевме без зборови кога ја сфативме состојбата на подовите. Сè што можевме да направиме беше да стоиме таму во шок“, рече жената.

„Нашето куче стоеше во близина и изгледаше подеднакво ужаснато, како да може да се обвини за овој хаос“, додаде таа.

За жал, кошмарот на новите сопственици не заврши тука, објавува The Sun.

Немале искуство во реновирање

Вековните борови подови испуштаа непријатен мирис и покрај неколкуте нови слоеви боја. Затоа решија целосно да ги заменат со даб, што ќе ги чини околу 20.000 долари!

Тие исто така ќе ги отстранат гипс-картонските плочи во собите за да се обидат да ја отстранат смрдеата од нивниот нов дом. Сепак, крајната цел е да се зачува карактерот на куќата од почетокот на 20 век.

Ејдан и Кетрин нагласуваат дека немаат претходно искуство во реновирање и велат дека знаеле дека преземаат зграда која ќе бара средување.

И покрај трошоците за замена на подовите, тие сè уште се возбудени што ќе го декорираат својот нов дом по свој вкус.

Тагови: куќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран ги нападна американските воени бази во Јордан- Трамп се закани со одмазда

Американскиот претседател Доналд Трамп објави дека ќе му возврати на Иран за неговиот напад врз американските бази во Јордан.

Иран ги нападна американските воени бази во Јордан- Трамп се закани со одмазда

„Ќе ги погодиме силно. Ќе има одговор“, потврди Трамп во телефонски разговор со Треј Јингст од Фокс њуз.

Тој истакна дека американските системи за воздушна одбрана ги пресретнале сите освен една од ракетите, на која ѝ било дозволено да помине низ воздушниот простор бидејќи било утврдено дека не лета по траекторија што би погодила нешто „значајно“.

Остави малку простор за можни преговори. „Тие се многу желни да се сретнат. Само не знам дали можеме да сметаме на договор со нив. Санкциите почнуваат да делуваат многу силно“, рече Трамп.

Американците напаѓаат ирански лансери

Американски извор изјави за Фокс њуз дека немало значајни последици откако Иран испали најмалку осум балистички ракети кон американските сили во Јордан во неделата. Нападот следеше по американскиот напад врз лансерите на Иранската револуционерна гарда на островот Ларак.

Американските сили го извршија нападот откако утврдија дека лансирањето ракети од страна на Иранската револуционерна гарда се подготвува со цел поставување нови морски мини во Ормутскиот теснец.

Централната команда на американската војска го опиша нападот како „ограничена, прецизна акција“ против силите за поставување мини кои претставуваат „непосредна закана“ за комерцијалниот поморски сообраќај и слободниот тек на глобалната трговија.

Иранските власти признаа дека санкциите сè повеќе ја погодуваат земјата поради падот на извозот на нафта, но Техеран досега не покажа знаци дека е подготвен да го промени курсот или да постигне договор со Вашингтон.

Тагови: Доналд Трамп Јордан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џим Кертис за врската со Џенифер Анистон: Се чувствувам благословено (ВИДЕО)

Дечкото на Џенифер Анистон, Џим Кертис, во ново интервју зборуваше за нивната врска, но и за блискиот круг на луѓе кои ја опкружуваат актерката со години. 

Џим Кертис за врската со Џенифер Анистон: Се чувствувам благословено (ВИДЕО)

За време на гостувањето во „Шоуто на Џејми Керн Лима“, емитувано на 31 август, 50-годишната хипнотерапевтка откри дека нејзините пријатели многу брзо се привлекле кон него, опишувајќи ги како тесен круг кој функционира како семејство.

„Се чувствувам неверојатно благословена што сум дел од тоа семејство и што сум толку добро прифатена“, рече Кертис. Анистон (57) и Кертис за прв пат беа фотографирани заедно минатото лето за време на одмор на Мајорка, каде што беа во друштво на Џејсон Бејтман, неговата сопруга Аманда Анка и Кортни Кокс.

Неколку недели подоцна тие беа повторно видени со Бејтман и Анко во Њујорк. Само неколку дена пред објавувањето на подкастот, двојката беше фотографирана на вечера во Лос Анџелес со Кокс, Бејтман, Анко и Лиза Кудроу.

YouTube video

Нејзините пријатели се како семејство

Кертис го опиша кругот на пријатели на Анистон како „прекрасен, близок круг на луѓе“. „Фактот дека сите се толку приземјени и љубезни кажува многу за неа и нејзините пријатели. И тие не се само такви за мене“, рече тој. „Не е случајно што луѓето толку многу го сакаат целиот тој тим“.

Тој исто така откри дека нивната врска оди „многу добро“. „Сметам дека е многу приземјена и друштвена личност, грижлива, љубезна и грижлива“, рече Кертис. „Се чувствувам благословен што сум во врска со некој што е толку топол, отворен и љубезен“.

Анистон и Кертис, кој е хипнотерапевт, се во врска од 2025 година. Извор му кажал на People во тоа време дека „случајно се гледаат и излегуваат“. Двојката неодамна ја прослави својата прва годишнина, а People го потврди тоа откако Кертис објави неколку заеднички фотографии. Меѓу нив беше и селфи на кое Анистон го бакнува во образ, со натпис: „Животот во последно време. Благодарен“.

Тагови: Џенифер Анистон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер