Свечена седница на Советот на Општина Кисела Вода за 70 години јубилеј: Сè на свое место, најдоброто допрва доаѓа - Канал 5

Македонија

Свечена седница на Советот на Општина Кисела Вода за 70 години јубилеј: Сè на свое место, најдоброто допрва доаѓа

Со свечена седница на Советот на Општина Кисела Вода, одржана во Домот на култура „Билјана Беличанец“, започна одбележувањето на големиот јубилеј – 70 години од постоењето на најстарата скопска општина.

Свечена седница на Советот на Општина Кисела Вода за 70 години јубилеј: Сè на свое место, најдоброто допрва доаѓа

На настанот присуствуваа поранешни и актуелни функционери, советници, претставници на институции, заслужни граѓани и гости, а во свечена атмосфера беа доделени и симболични статуетки во форма на клуч, како признание за оние кои оставиле значаен белег во развојот на Кисела Вода.

-Денес нѐ обединува една голема годишнина. 70 години постоење на Општина Кисела Вода, најстарата скопска општина, чија историја е испишана низ трудот, визијата и промените кои го обликувале нејзиниот инфраструктурен, социјален и урбан лик. Некогаш, во рамките на оваа општина функционираа и пет други денешни самостојни општини. Јадрото на таа силна административна целина е токму денешната Кисела Вода, која во последните неколку години прерасна во пример за ефикасно, отчетно и плански водено управување, со јасни приоритети и реални резултати. Во оваа сала денес се среќаваат различни генерации – луѓе кои на различни начини биле дел од општинскиот развој низ годините. Дел како носители на одлуки, дел како административна поддршка, дел како активни граѓани. Секој оставил свој придонес во времето кога имал можност и одговорност. Им благодарам на сите. Од првите административци, советници и градоначалници, до денешните носители на функција и служби кои секојдневно работат во интерес на граѓаните. Ова е заеднички јубилеј на сите кои придонесувале и придонесуваат за Кисела Вода да биде подобро место за живеење. Оваа годишнина е наше заедничко обележување е и наше, и ваше, и на сите граѓани. Изминатите три и пол години ја претворија Кисела Вода во симбол на сериозен напредок. Ја имав и имам честа да бидам на чело на овој процес во кој од првиот ден, со јасна визија и чесна намера, тргнавме да ставиме сѐ на свое место. Тоа не беше само слоган, туку и наш патоказ. И затоа денес можеме со гордост да зборуваме за резултатите, истакна градоначалникот Орце Ѓорѓиевски давајќи кус осврт на најважните проекти кои се сработени во овие триипол години.

-Сакам искрено да се заблагодарам на сите советници. И од власта и од опозицијата. Тие покажаа конструктивност и политичка зрелост кога се работеше за интересите на граѓаните. Да се заблагодарам и на Претседателот на Советот, како и на сите компании, поддржувачи и општествено одговорни лица кои застанаа зад секоја добра идеја. Да се заблагодарам на јавните личности од кои секогаш ја имав поддршката.Но најголемата благодарност оди до вас, жителите на Кисела Вода. Без вас, без вашата поддршка, критика, предлози и доверба, ништо од ова немаше да биде можно. Вие сте најважната алка во синџирот на успехот. Вие сте причината зошто го работиме ова со срце, со елан и со визија. Ставивме ред. Поставивме основа за одговорно управување. Сè е на свое место. Но ова не е крајот на патот, туку само увертира за она што следи. Зошто кога знаеш каде одиш, кога имаш визија и поддршка, тогаш е јасно -НАЈДОБРОТО ДОПРВА ДОАЃА-порача градоначалникот Орце Ѓорѓиевски.

По ова, следеше доделувањето на статуетките за 13 граѓани за нивни трајни заслуги во развојот и афирмацијата на општина Кисела Вода. Свеченоста беше заокружена со сечење на роденденската торта и коктел.

Оваа седница беше почеток на повеќедневното одбележување на јубилејот, кое продолжува со Културното лето на кое ќе има многу концерти, културни и спортски настани, отворени за сите граѓани.

Општина Кисела Вода

Тагови: Општина Кисела Вода Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер