Други спортови

Суспендиран е еден од најдобрите американски атлетски тренери

Поради допинг на четири години е суспендиран Алберто Салазар , американски тренбер , кој работел со најголемите спортисти.

Американската анти-допинг агенција (УСАДА) објави дека Салазар е казнет за „оркестрирање и олеснување на земање на забранети материи“ како тренер за проектот „Најк Орегон“ (НОП), камп во кој се подготвуваа американските атлетичари на долги патеки.

По суспензијата, Атлетската федерација на САД ја отповика акредитацијата на Салазар за учество во СП во Доха.

Салазар рече дека ќе жали за одлуката на УСАДА, а американскиот производител на спортска облека Најк соопшти дека ќе застане зад него.

„Јас сум шокиран од денешниот резултат“, рече Салазар, додавајќи:

„Моите спортисти и јас сме подложени на неправда, неетички и многу штетен третман од УСАДА“.

„Проектот во Орегон никогаш не дозволил и никогаш нема да дозволи допинг. Ќе се жалам и ќе се залагам за овој нечесен и мачен процес да дојде до вистина“, додаде тој.

УСАДА тврди дека Салазар, кој исто така беше тренер и на шампионот на долги патеки на САД, Метју Центровиц,ги снабдувал спортистите со нелегални материи и ги подучувал како да ги избегнуваат допинг-контролите.

Формула

Верстапен најбрз на спринтот за Големата награда на Кина

Возачот на Ред Бул, Макс Верстапен, победи во спринтот за Големата награда на Кина.

Второто место го зазеде Луис Хамилтон од Мерцедес со заостанување од 13.043 секунди.

Вториот возач на Ред Бул, Серхио Перез беше трет со 15.258, секунди послабо време од победникот.

Ова е осма победа на Верстапен во кариерата во спринт.

Главната трка од Формула 1 шампионатот за Големата награда на Кина ќе се вози утре со почеток во 9 часот по македонско време. /МИА

Свет

Северна Кореја тестирала тестирала „супер голема“ боева глава и противвоздушна ракета

Северна Кореја денеска соопшти дека тестирала „супер голема“ боева глава за крстосувачка ракета и нов противвоздушен проектил, пренесува ДПА.

Тестот на „супер-големата“ боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се извршени во петокот, објавија државните медиуми.

- Преку пробното лансирање беше постигната зацртаната цел, објави агенцијата КЦНА.

Се наведува дека тестовите биле дел од редовните воени активности на Северна Кореја и дека немаат „никаква врска со ситуацијата во регионот“.

Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.

Како одговор на севернокорејската програма за нуклеарно оружје, Соединетите Држави и Јужна Кореја ја зајакнаа воената соработка, вклучително и одржување заеднички маневри. /МИА

Фудбал

Ајакс сака да го покани Чави за главен тренер

Раководството на Ајакс го смета тренерот на Барселона Чави како главен кандидат за тренерското место на тимот од Амстердам, објави „Sport.es“.

Холандскиот фудбалски гигант смета дека 44-годишниот шпански стручњак е способен да го врати клубот на претходното ниво и е подготвен да потпише договор со него до 2026 година.

Во јануари Чави најави дека ќе ја напушти Барселона на крајот на сезоната.

По јавно објавената одлука на Чави за заминување од Барса, тимот загуби само еден натпревар - во четвртфиналето на Лигата на шампионите против ПСЖ (1:4).

Чави за шеф на стручниот штаб на каталонскиот тим беше назначен во ноември 2021 година. /МИА

притисни ентер