Има ли законски механизми со кој членовите на Судскиот совет по минатонеделните случувања може да бидат повикани на одговорност или се ќе остане на нивната совест? Како највисоко тело судскиот совет според законот е независен орган кој не одговара пред никој, па оттаму останува нејасно кој е надлежен да утврди дали при разрешувањето на Весна Дамева била прекршена законската процедура.
Професорот по уставно право Денис Прешова сугерира пратениците веднаш да иницираат постапката за интерпелација против сегашната и поранешната претседателка на Судскиот совет, но и за заменик претседателот, како истакната правници избрани од Собранието, за да се испитаат сите наводи за разни влијанија.
Интерпелацијата би требало да биде иницирана во најбрз можен рок особено поради тоа што е очигледно дека овие членови на Судскиот совет во континуитет не сакаат отворено и јавно да кажат за какви влијанија и притисоци станува збор, а најмалку тоа и го должат на јавноста, но и фелата.
По седницата од средата се погласни се повиците кај експертската јавност за одговорност на членовите на советот, но останува и нејасно кои се точните причини за групирањата меѓу членовите иако во јавноста доминира информацијата дека тоа е постапаката за одговорност на апелациониот судија Енвер Беџети за кој се утврди дека го довел под ризик од застарување случајот Таргет – Тврдина.
Најверојатно, сега шпекулирам, било предмет дали да се стави на разгледување тој извештај или не и се поделиле членовите на Судски Совет на две страни. Едни биле за разгледување на тој извештај, други најверојатно не. И од тие причини се дојде до прекин на седницата и наеднаш се пристапи кон разрешување на претседателката што е нон сенс. Не може така да се постапува. Како и да е и каква и да била состојбата, дали имало некакво ненавремено постапување од страна на претседателката или пак се вршел притисок да се стави на разгледување ова прашање околу тој судија, не може да се постапува незаконски. Мора да се спроведат сите работи коишто се предвидени со Законот за судски совет.
Весна Дамева беше разрешена со седум гласа, еден обид за избор на нов претседател пропадна и нова седница е закажана за во вторник.
Дури и под претпоставка дека седумте членови кои гласаа за разрешување на Дамева, би гласале за нов претседател, прашање е колку во вака завориена атмосфера ќе се најде уште еден глас за да се обезди потребно мнозинство од 8 членови.. Екпертите веќе предупредија дека таквата одлука би била незаконска, а ќе отвори и можност за случајот предмет да отвори Обвинителството..