Судскиот случај со ширење гласини дека Брижит Макрон е родена како маж денеска добива епилог - Канал 5

Живот

Судскиот случај со ширење гласини дека Брижит Макрон е родена како маж денеска добива епилог

Во Париз денеска се очекува да бидат осудени осум мажи и две жени во случајот за кибер малтретирање против првата дама на Франција,  Брижит Макрон.

Судскиот случај со ширење гласини дека Брижит Макрон е родена како маж денеска добива епилог

Десетмината се обвинети за бројни злонамерни изјави за полот на сопругата на претседателот, како и за нејзината разлика во годините со Емануел Макрон. Некои од изјавите вклучуваа обвинувања за педофилија. Обвинетите се соочуваат со затворска казна до две години.

Случајот произлегува од теорија на заговор што циркулира на социјалните медиуми од изборот на Емануел Макрон за претседател во 2017 година, во која се тврди дека Брижит Макрон е трансродова жена и е родена како маж.

Сопружниците Макрон претходно презедоа правни мерки против ваквите тврдења.

Меѓу обвинетите е и Орелиен Поарсон-Атлан (41), промотер и специјалист за маркетинг кој работел на социјалните мрежи под псевдонимот Зое Саган, а кого обвинителството го смета за еден од клучните актери во ширењето лажни тврдења за Брижит Макрон.

Обвинета е и Делфин Ј. (51), жена која се претставувала како медиум, новинарка и информаторка под името Амандин Рој, а чија сметка на платформата X оттогаш е суспендирана. Медиумските извештаи наведуваат дека таа одиграла важна улога во популаризацијата на теориите на заговор.

Исто така, пресуда чека и блогерката Наташа Реј, која претходно беше осудена за клевета за слични тврдења, иако таа пресуда подоцна беше поништена по жалба. Обвинети се вкупно осум мажи и две жени на возраст меѓу 41 и 60 години, а тие се луѓе од различни профили, вклучувајќи наставници, ИТ специјалисти и локални службеници, чии имиња не се познати на јавноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ѕвезда од Мундијалот под истрага поради обвинувања за силување

Рајан Мендес, капитен на фудбалската репрезентација на Зеленортските острови, е под истрага на полицијата на Нов Зеланд поради обвинувања за силување што произлегуваат од инцидент за кој се тврди дека се случил во март годинава.

Ѕвезда од Мундијалот под истрага поради обвинувања за силување

Рајан Мендес, капитен на фудбалската репрезентација на Зеленортските острови, е под истрага на полицијата на Нов Зеланд поради обвинувања за силување што произлегуваат од инцидент за кој се тврди дека се случил во март оваа година за време на турнирот од серијата ФИФА во Окленд.

Според извештаите на меѓународните медиуми, вклучувајќи ги *New Zealand Herald* и *The Athletic*, Бразилка ангажирана да обезбеди превод и оперативна поддршка на тимот пријавила дека Мендес насилно влегол во нејзината хотелска соба и сексуално ја нападнал; полицијата потврди дека истрагата е во тек, иако сè уште не се поднесени обвиненија против играчот.

ФИФА изјави дека секоја пријава за наводно недолично однесување ја сфаќа многу сериозно и е во контакт со властите на Нов Зеланд, но одби да потврди дали спроведува сопствена дисциплинска постапка или да коментира за деталите од случајот.

Полицијата на Нов Зеланд одби да објави дополнителни информации, наведувајќи ги загриженоста за приватноста и тековната истрага, додека ниту Фудбалската асоцијација на Зеленортските острови, ниту претставниците на играчот не коментираа за обвинувањата.

Бајката на Светското првенство во сенка на сериозни обвинувања Мендес (36) - рекордер по број на настапи и најдобар стрелец на сите времиња за репрезентацијата на Капе Верде - играше во сите три натпревари од групната фаза на Светското првенство и покрај истрагата.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Голем пожар во Кисела Вода, црн чад се гледа од повеќе делови на Скопје

Голем пожар попладнево избувна во магацински простор на Јужен булевар во скопската населба Кисела Вода. 

Голем пожар во Кисела Вода, црн чад се гледа од повеќе делови на Скопје

Во дел од населбата исклучени се струјата и водоснабдувањето. Црн чад беше видлив од повеќе делови на Скопје.

На местото на пожарот е Афродита Рамос. Дали огноте е ставен под контрола. Целиот извештај погледнете го во видетото.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

д-р Пиловска: Во состојба на анксиозоност да не се пие кафе или алкохол, фокусот да е дишењето

Температурните разлики и промената на крвниот притисок многу често предзвикуваат анксиозност кај граѓание кои се почуствителни.

д-р Пиловска: Во состојба на анксиозоност да не се пие кафе или алкохол, фокусот да е дишењето

Нема ноќ во брзата помош да помине без јавување од граѓани кои веруваат и имаат симптоми на срцев удар, а станува збор за психичка состојба. Исто така и честото будење и неспиење кое трае неколку дена може да причина и за агресија кај граѓаните, вели психијатарката и раководител на смена во брзата помош Елена Карева Пиловска.

Целиот разговор на Мирјана МИрчевска Јовановиќ со доктор Елена Карева Пиловска, погледнете го во видеото.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер