Во текот на изминатото деноноќие, на различни локации во државата, полициски службеници лишија од слобода 21 возачи и со еден е извршен службен разговор поради сторено кривично дело „безобѕирно управување возило“ по член 297-а од Кривичниот законик.

Од нив, 10 лица управувале возило без положен возачки испит и тоа: Н.М.(41) од с.Сарај, скопско, А.Р.(25) од с.Батинци, скопско, Х.Ш.(35) од с.Неготино, гостиварско, 16-годишник од с.Видуше, Општина Маврово и Ростуше, А.С.(31) од с.Ковач, Оштина Македонски Брод, А.Д.(32) од с.Корошишта, струшко, Ќ.С.(62) од Градско, Е.Ј.(27), Е.Д.(43) и Н.Ј.(22), сите од Скопје, од кои Н.Ј. возел и со брзина поголема од дозволената.

Исто така, полициски службеници од ОВР Пробиштип, во присуство на родител, извршиле службен разговор со 16-годишник од с.Приковци, кратовско, затоа што управувал мопед без возачка дозвола.

Под дејство на алкохол возеле 10 лица и тоа: Д.Д.(39) од кумановско, С.К.(40) од с.Ињево, радовишко, Г.И.(31) од с.Дулица, Општина Македонска Каменица, О.В.(27) од Македонска Каменица, М.У. (44) од Кичево, Д.М.(24) од с.Брвеница, тетовско, З.С.(54) од Скопје, Н.З.(64) од Битола, А.Н.(46) од Прилеп и С.Ј.(66) од с.Селце, прилепско.

Додека пак, лицето В.Д.(37) од Македонски Брод управувал патничко возило со активна забрана за управување возило од Б категорија.

По целосно документирање на случаите, ќе бидат поднесени соодветни кривични пријави. Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Година во која продолживме да инвестираме во подобра инфраструктура, подобри услови за живот и поголема поддршка за децата, младите и сите граѓани.

Во текот на оваа година обезбедивме финансиска поддршка за семејствата на децата со попреченост од прво до деветто одделение, вклучени во редовната настава во сите општински основни училишта, преку Програмата за социјална, детска и здравствена заштита за 2026 година.

Продолжува и континуираната поддршка за младите преку доделување стипендии на ученици и спортисти од основните и средните училишта.

Деновиве започнува и распределбата на бесплатни униформи во сите основни училишта за ученици до петто одделение.

Штип продолжи да се развива со нови инвестиции во патната инфраструктура и реконструкција на улици „Питу Гули“, „Џемал Бједиќ“ и улицата „Кежовица“,. По пет децении, целосно е реконструирана и повторно ставена во функција улицата „Борис Кидрич“.

Во месноста Бело Брдо и населба Леваци во моментив се реализира целосна реконструкција на патната инфраструктура, стара повеќе од 60 години.

Започнаа и градежните активности за нова сообраќајница која ги поврзува улиците „Тодор Коларов“ и „Мирче Ацев“, со што се подобрува пристапноста до СОУ „Јане Сандански“ и новата Клиничка болница, а воедно и ќе се намали сообраќајниот метеж.

Во делот на паркирањето, изградена е нова катна гаража на три нивоа со капацитет од 50 возила, веднаш до зградата Промаја. Дополнително, обезбедени се нови паркинг-позиции во населбата Пребег, а нови паркинг површини се изградија и во дворот на спортската сала „Јордан Мијалков“ и кај „7-те кули“, во близина на Економскиот факултет.

Паралелно, продолжуваме со капиталните проекти, изградба на Обиколница, нови резервоари за вода, како и изградба и реконструкција на мостовите на реката Брегалница.

Работиме и на создавање нов зелен појас, мега-парк на површина од околу 70.000 квадратни метри покрај река Брегалница.

Во делот на сообраќајот, Штип е првата општина во Република Македонија која воведе софистициран и автоматизиран софтвер за евиденција и наплата во дејноста јавни паркинзи.

Поддршката за спортските клубови е поголема од било кога досега, а во употреба е пуштена и новата спортска сала „Џексон“, со капацитет од 1.300 посетители вистински спортски храм во градот.

Штип е град на културата, втора година по ред успешно беше организиран ,,Д Фестивал“ во Штип, со што градот повторно беше еден од главните центри на културните и музичките случувања во Македонија. Продолжуваме со финансирање и организрање на Макфест, Astibo Jazz Festival, Пастрамајлијада, Shtip street festival, Piano golden talents и многу други настани кои го промовираат Штип, привлекуваат посетители и носат дополнителна економска активност за локалниот бизнис.

Сето ова е дел од една пошироката определба Штип да продолжи да се развива и да создава подобри услови за живот и повеќе можности за своите граѓани.

Во периодот што следува продолжуваме со истата посветеност, со нови проекти и активности, но и со јасна одговорност кон она што го ветивме и што го работиме за нашиот град. Верувам дека со континуирана работа и заеднички ангажман можеме да направиме Штип да биде уште подобро место за живеење и град со сигурна перспектива за идните генерации, рече Иван Јорданов, градоначалник на Општина Штип.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Деновиве премиерот Христијан Мицкоски со динамична агенда во САД со цел нови инвестиции за Македонија и продлабочување на партнерствата со САД и НАТО, како и изнаоѓање начини за забрзување на процесот за вклучување во ЕУ.

Во меѓувреме, во опозицијата наместо консолидирање и размислување што би им понудиле реално на граѓаните, се случува циркус.

Од една страна Венко Филипче и талогот на СДС, од друга страна поранешни функционери на СДС, но и актуелни се поставуваат контра Филипче.

И во сиот овој циркус, Филипче наместо да си ја гледа домашната работа, тој ја обвинува ВМРО-ДПМНЕ.

Се додека за Филипче само другите се виновни, СДС тешко дека може да се извлече од дното.

На Филипче и талогот од СДС повторно ќе им порачаме, прво, на ВМРО-ДПМНЕ му одговара ваков СДС, а ВМРО-ДПМНЕ ниту сака, ниту има намера да се меша во нивната внатрешна работа. Единствено нешто што прави ВМРО-ДПМНЕ е спроведување проекти во интерес на граѓаните и државата, рече Бране Петрушевски, пратеник на ВМРО-ДПМНЕ.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.